Jueces 2:4 - Bible in Tzeltal de Oxchuc y Tenejapa

⁴ C'alal laj yo'tan ta c'op te ch'ul abat yu'un Cajwaltic, spisil te israeletic jajch'ic ta tulan aw ta oq'uel.

Bible in Tzeltal Bachajón

⁴ C'alal laj yo'tan ta c'op te ch'ul a'bat yu'un Jehová, spisil te snich'nab Israel hahchic ta tulan aw ta oq'uel.

Jueces 2:4 Referans Kwoze

Santiago 4:9

Mela awo'tanic soc oq'uetaya abaic. Te atse'ejique ac'a c'atp'ujuc ta oq'uel; te sbujts' awo'tanique ac'a c'atp'ujuc ta mel-o'tan.

2 Corintios 7:10

Yu'un teme ya jmel co'tantic ta stojol te Diose, jich me ya yac' sujt'es co'tantic, soc tey me ya xcolotic a. Jich ma ba ya caiytic xan mel-o'tan ta patil. Yan teme ja' ya jmel co'tantic ta swenta nax te balumilale, ya yac'otic ta lajel stuquel.

San Lucas 7:38

Noptsaj tel ta bay yacan te Jesuse, la yoq'uetay sba tey a te antse. T'ulaj coel ya'lel sit ta yacan te Jesuse, soc la scusbey ta stsotsil sjol. Caj sbujts'iybey te yacane, soc la smalbey ta perfume.

San Lucas 6:21

“Bin nax me awutsilic ja'ex te ayex ta wi'nal ta ora to, te melel ya me xnoj ach'ujt'ic. “Bin nax me awutsilic ja'ex te yacalex ta oq'uele, te melel ya me stse'en awo'tanic.

Zacarías 12:10

“Ya me jnojesbey ta yo'tanic yutsil-o'tanil ta sc'oponel Dios, te patil alnich'anetic yu'un David soc te mach'atic nainemic ta Jerusalén. Jich me ora ya yilic te mach'a la slowique. Ya me smel yo'tanic yu'un, ya me x'oq'uic yu'un, jich me ta yo'tanic te bit'il laj te jip jtul snich'an, o teme ja' te ba alale.

Jeremías 31:9

Ya me xtal sc'opononic soc oq'uel. Jo'on ya quic' bael ta beja'etic soc ta pamal be, ta bay ma sc'ojch'in te yacanique. Melel jo'on Staton te Israele, soc te jnich'an Efraín, te ja' banquilale.

Proverbios 17:10

Jteb nax utel ta swenta comel, tic' ya stuuntes a te mach'a ay sp'ijile; yan te mach'a ma sna' q'uinale, ma scom sba, manchuc me ay jo'winic ta jyalel majel ya yich'.

Esdras 10:1

Te c'alal quejel ta sc'oponel Dios ta templo te Esdras, soc oq'uel yac ta yalel ta jamal te falta staojic, c'ot ta stojol tsobol israeletic te xchapoj sbaique: winiquetic, antsetic, soc ch'in alaletic te yacalic ta tulan oq'uele. La stsob sbaic ta sts'eel.

1 Samuel 7:6

Te israeletic la stsob sbaic ta Mizpa, la slupic loq'uel ja' tey a, la smalic ta lum swenta smajt'an Dios. Ja' nix sc'aalelal a la scom swe'elic soc la yalic ta jamal te staoj smulic ta stojol te Cajwaltique. Tey ora ta Mizpa och ta juez yu'un israeletic te Samuele.

Jueces 2:3

Jich yu'un ya calbeyex yo'tic: Ma ba ya jloq'uesbeyex bael te lumetique. Te lumetic soc diosetic yu'unic, ja' me ayaquilic ya xc'ot ta atojolic te ja'exe —xi' te ch'ul abate.

Jueces 2:5

Ja' swentail te Boquim c'ot sbiil yu'unic ta bay c'opoje. Tey la yac'beyic milbil smajt'an a te Cajwaltique.

1 Samuel 11:4

Te jpuc-c'opetic yu'unic c'otic c'alal ta Gabaa te banti nainem te Saúl, la yalbey yaiyic te yajwal lume. C'alal la yaiyic, jajch'ic ta buen oq'uel yu'un.

Joel 2:12

Ya yal te Cajwaltic: —Pero yo'tic in to, sujt'anic tel ta jtojol, sujt'anic ta jtojol ta spisil awo'tanic. Coma awe'elic, awunanic, oq'uetaya abaic —xi' te Cajwaltique.