Jueces 2:3 - Bible in Tzeltal de Oxchuc y Tenejapa

³ Jich yu'un ya calbeyex yo'tic: Ma ba ya jloq'uesbeyex bael te lumetique. Te lumetic soc diosetic yu'unic, ja' me ayaquilic ya xc'ot ta atojolic te ja'exe —xi' te ch'ul abate.

Bible in Tzeltal Bachajón

³ Ha yu'un hich ya cal: Ma ba ya jloq'ueslan bahel ta atojolic, hich ya xc'ohtic te bin ut'il ch'ix ta amochbaquel, soc te diosetic yu'unic ha ac'ohchinojibalic ya xc'ohtic, xchi.

Jueces 2:3 Referans Kwoze

Números 33:55

Yan teme ma la anutsbeyic loq'uel yajwal te lumq'uinale, te mach'atic ya xjil ya me xjajch' yuts'inat jichuc ts'ubil lum ya x'och ta asit, soc jich bit'il ch'ix ya sjulat, te c'alal ya xnainex ta bay lumq'uinale.

Salmos 106:36

La squejan sbaic ta stojol te loc'ombaetic te ma Diosuque, te ja' sjinjibal c'otic yu'une.

Deuteronomio 7:16

Yan te ja'exe ya me alajinic spisil te lumetic te ya yac'beyex ta ac'abic Cajwaltic te Dios cu'untique. Ma me xtal xc'uxul ta awo'tanic, soc ma me xach'uunic te diosetic yu'unique. Melel teme jich ya apasique, ja' me ch'aybil ya xc'oex yu'un abi.

Jueces 3:6

Te snich'nab israeletic, queremetic ach'ixetic, la yic' sbaic soc te queremetic ach'ixetic yu'un te lumetic, soc la xch'uunic te loc'ombaetic yu'unique.

Jueces 2:21

Ja' yu'un ma ba ya jloq'uesbey bael ni jchajbuc te lumetic, te ma loq'uemuc bael yu'un te Josué te c'alal ma to xlaj a”, xi' te Cajwaltique.

Éxodo 34:12

“Ma me xapasic trato soc te c'alal ya x'ochex tey a, swenta yu'un ma me yaq'uex ochel ta spejts'ic.

Éxodo 23:33

Ma me xawac' te ya x'ainic ta alumal, swenta yu'un ma me xyac'bat ale amul ta jtojol. Teme baex ta xch'uunel te diosetic yu'unique, ch'ayex me abi —xi' te Cajwaltique.

Jueces 2:4

C'alal laj yo'tan ta c'op te ch'ul abat yu'un Cajwaltic, spisil te israeletic jajch'ic ta tulan aw ta oq'uel.

Jueces 8:27

Te Gedeón la spas jun efod a te oro. La yac' ta lum Ofra, ja' te slumale. Spisil te israeletic chebaj yo'tanic ta stojol Cajwaltic ta scaj te efod. Ja' nax syacjibal c'ot a te Gedeón soc spisil te mach'atic ay yu'une.