Jueces 2:19 - Bible in Tzeltal de Oxchuc y Tenejapa

¹⁹ Ja'uc me to, te c'alal ya xlaj te juez, ya xcha'boltes sbaic xan, ja' c'axem to xan jelawen la spasic a te bit'il sme'-statique. La xch'uunic soc la yac' sbaic ta abatinel yu'un loc'ombaetic te scuyojic ta diosetique. Ma la yijq'uitayic te bi snopojic spasel soc te sbolil yo'tanique.

Bible in Tzeltal Bachajón

¹⁹ Pero te c'alal ya xcham te juez, ya suht ta spatic, c'ax hich a te bin ut'il sme'static; ya st'unic yantic diosetic yu'un ya yac' sbahic ta a'batinel yu'un soc ya squejan sbahic ta stojolic. Ma ba ya yihquitayic te bin yac spasbelic o te tulan stalelique.

Jueces 2:19 Referans Kwoze

Jueces 8:33

Te c'alal lajemix a te Gedeón, te israeletic la yijq'uitay xan ta yo'tanic te Diose, ja' ba xch'uunic te loc'ombaetic yu'un Baal. Ja' mero la stsa sdiosinic te Baal-berit.

Jueces 4:1

C'alal laj bael te Aod, te israeletic jajch'ic xan ta spasel te bila amen ta sit te Cajwaltique.

San Mateo 23:32

Jich yu'un lajinaic sju'tesel ta pasel te yat'el te namey q'uinal ame'-atatic te jajch'em ta spasel yu'unique.

Jeremías 23:17

Te j'alwanejetic ya yalbey te mach'atic ya yilaybonic te jc'ope: “Spisil lec ya xc'oex ta loq'uel yu'un”, xiic. Soc ya yalbey te mach'atic tulan ya yac' sbaic bael ta q'uejel soc te yo'tanique: “Ma'yuc bila amen ya xtal ta atojolic”, xiic ta yalel —xi' te Cajwaltique.

Jeremías 16:12

Te ja'exe c'ax to jich apasojic a te bit'il antiguo ame'-atatique; juju-jtul soc stulanil awo'tanic baex tey a ta bay la ac'anique, ni ma ba la ach'uunbonic te jc'ope.

Jeremías 3:17

Te Jerusalén, “Yawil smuc'ul nactijib Cajwaltic”, xi' me te sbiile. Spisil nacionetic ya me stsob sbaic tey a ta swenta yich'belonic ta muc', soc ma ba ya xcha'pasic soc stoybailic te tey baem yo'tanic a te bila amene.

Salmos 78:8

Jich ma me pajaluc ya xc'otic soc te antiguo sme'-statique, te ma x'ich'awanic ta muc' soc te ma sna'ic q'uinal, te ma spisiluc yo'tan la yac' sbaic ta stojol te Diose; ja'ic te c'axic ta q'uinal te mero ma junuc yo'tanic la yac' sbaic ta stojol te Diose.

1 Samuel 15:23

Te mach'a ya sta smul ta stojol Cajwaltic ta scaj stoybail, ja' pajal soc te mach'a ya sta smul ta scaj ay bi ya xju' yu'un sna'el ta sc'ope. Ja' pajal soc te mach'a ya xch'uun loc'ombaetic te mach'a ya xc'axintaybey te smandale. Te ja'ate la ach'aybey smandal te Cajwaltic, ja' yu'un ja' nix jich ch'aybil ya xc'oat soc awat'el ta muc' ajwalil —xi'.

Jueces 2:7

C'alal cuxul to a te Josué, te israeletic jun yo'tan la xch'uunbeyic smandal te Cajwaltic, soc nix te c'alal cuxulic to jilel te mamaletic te la yilic te bi muc' la spas te Cajwaltic ta swenta xc'uxtayel Israel.

Josué 24:31

Te israeletic jun yo'tanic la xch'uunbeyic smandal te Cajwaltic c'alal cuxul to a te Josué, soc nix ta patil te bit'il cuxulic to a te mamaletic te sna'ojic spisil te bitic la spas Cajwaltic ta stojol te israeletique.

Génesis 6:11

Te Dios la yil te nojemix ta mulil soc ta uts'inwanej ta spamal q'uinal,

Deuteronomio 31:29

Melel jna'oj te c'alal ya xlajone, ilaybil sba bitic ya xjajch' apasic, soc ya me awijq'uitayic te be te la calbeyex te ya at'unique. Soc jna'oj ta patil ya me xtal ta atojolic woclajel, scaj te ya apasic te bitic ma lecuc ta sit te Cajwaltique, jich ya ajajch'beyic yilimba ta atojolic —xi' te Moisese.

Jueces 2:18

Te juez ya sle jujun buelta te Cajwaltique, ya xcoltayot yu'un te jayeb c'aal cuxule, soc ya xcoltayotic te israeletic ta sc'ab te scontroique. Te Cajwaltic ya sna'bey yo'bolil sbaic c'alal ya yaiybey stojol yajc'anic, yu'un ya xwoclajic bayal yu'un te uts'inele.

Jueces 2:20

Ja' swentail te ilin yo'tan Cajwaltic ta stojol Israel. Jich la yal: “Te lume, ma xyich'ic ta muc' te trato jchapoj soc te antiguo sme'-statique, soc ma sc'an xch'uunbonic te jc'ope.

Ezequiel 20:30

“Jich xawalbey te lum Israele: “Jich ya yal te Cajwaltique: ‘¿Bi yu'un ya ac'an ya aboltes abaic jich te bit'il antiguo ame'-atatique? ¿Bi yu'un ma junuc awo'tanic ta jtojol, bistuc te ya xbajt' awo'tanic ta xch'uunel te loc'ombaetic ilaybil sbae?

Éxodo 32:7

Jich yu'un te Cajwaltic la yalbey te Moisese: —Baan, coan bael, melel te lum la aloq'ues tel ta Egipto, la sboltes sbaiquix.

Jueces 10:13

Tojol te jich la jcoltayexe, melel la awijq'uitayon ta awo'tanic ta scaj xch'uunel yantic diosetic, jich yu'un ma ba ya jcoltayexix.

Nehemías 9:28

“Pero te c'alal lamalix jtebuc q'uinal la yaiyique, la xcha'pasic xan te bila amen ta asite. Ja' yu'un la awac' ochuquic ta c'abal yu'un te scontroique, jich la xch'uunic mandal ta stojol. La xcha'c'anic xan coltayel ta atojol. Pero ja'at, ta swenta te bit'il mero bayal xc'uxul te awo'tane, la awaiybey sc'opic c'alal ta ch'ulchan. Jich bayal buelta la acoltay ta woclajel.