Jueces 2:17 - Bible in Tzeltal de Oxchuc y Tenejapa

¹⁷ Ja'uc me to, te israeletic ma la yich'ic ta muc' te juecetique. Jc'axel chebaj yo'tanic ta stojol Cajwaltic, la xch'uunic loc'ombaetic te scuyojic ta diosetique. Te antiguo sme'-static la xch'uunbeyic te mandaliletic yu'un Cajwaltic; yan stuquelic ma ja'uc la snopbeyic te yo'tanique.

Bible in Tzeltal Bachajón

¹⁷ Pero ma ba la yich'ic ta cuenta te juecetic yu'unic, la st'unic bahel yantic diosetic, te ha la sch'uhuntayic. Ora nax la yihquitayic hilel te be banti behenic te sme'static te la sch'uhumbeyic te mandariletic yu'un Jehová; yan stuquelic ma hichuc la spasic.

Jueces 2:17 Referans Kwoze

Gálatas 1:6

Ja'uc me to, bayal la yaan co'tan yu'un te bit'il ora nax yacalex ta yijq'uitayel ta awo'tanic te Diose, te la yiq'uex ta swenta nax yutsil yo'tan te Cristoe. Ta ora to, ja' ya ach'uuniquix yan c'op te cuybil ta lec yach'il c'ope.

Deuteronomio 9:12

Jich la yalbon: “Baan, coan bael ta ora, melel te lum la awic' loq'uel tel ta Egipto, yanajix yo'tanic. Mero ora nax la yijq'uitayic spasel te bi la calbey spasique. La spas sdiosinic loc'omba ta ultesbil taq'uin”, xi'.

Jueces 2:7

C'alal cuxul to a te Josué, te israeletic jun yo'tan la xch'uunbeyic smandal te Cajwaltic, soc nix te c'alal cuxulic to jilel te mamaletic te la yilic te bi muc' la spas te Cajwaltic ta swenta xc'uxtayel Israel.

Oseas 2:2

Te Cajwaltic ya yal: —Te ja'exe albeyaic smul te ame'ique, albeyaic te smule, melel ma quinamuquix, ni ma smamlaluconix. Ma me jichuc ya spasulay sba ta ilel te bit'il jmulawil antse. Ya me sq'uej bael ta yo'tan te mach'atic ya xmulanot yu'une.

Salmos 106:43

Te Diose bayal buelta la scoltay. Ja'uc me to, la scontroinic yu'un te bitic xchapoje; ja' u'uninotic ta jc'axel yu'un te bitic ma lecuc la spasique.

Salmos 106:39

la sboltes sbaic melel mulwej la spasic a ta spisil te yat'elique.

Salmos 73:27

Te mach'atic ya xc'ubic ta atojol, ya me xlajic; ya me alajin te mach'atic ma junuc yo'tanic ta atojole.

1 Samuel 12:19

Ja' yu'un, jich la yalbeyic te Samuel: —Albeya wocol te Cajwaltic te Dios awu'un, te manchuc ya xlajotic jo'otic te abatotic awu'un, melel bayal jmultic ta jpisiltic, soc ja' jmultic xan te la jc'antic muc' ajwalil cu'untique —xiic.

1 Samuel 12:17

Yo'tic yorail set' trigo, ma yorailuc ja'alel q'uinal, jna'ojtic ta jpisiltic. Pero ya me jc'opon te Cajwaltic, ya me yac' tel buen tulan chawuquil ja'al, swenta yu'un jich me ya ana'ic xan, soc jich me ya awilic a te ma ba lequex ta sit Cajwaltic, yu'un te la ac'anic muc' ajwalil awu'unique —xi' te Samuele.

1 Samuel 12:12

Pero te ja'exe, te c'alal la awaiyic te ya xtal yac'beyex guerra te Nahas te muc' ajwalil yu'un amonetic, la ac'anbonic muc' ajwalil yu'un ya swentainex, manchuc me ja' muc' ajwalil awu'unic stuquel te Cajwaltic te Dios cu'untique.

Josué 24:31

Te israeletic jun yo'tanic la xch'uunbeyic smandal te Cajwaltic c'alal cuxul to a te Josué, soc nix ta patil te bit'il cuxulic to a te mamaletic te sna'ojic spisil te bitic la spas Cajwaltic ta stojol te israeletique.

Josué 24:24

Te lum la sjaq'uic: —Te jo'otic ya me cac' yabatinotic te Cajwaltic te Dios cu'untic, ya me jpastic te bila ya yalbotic —xiic.

Deuteronomio 9:16

La quil te la ataix amulic ta stojol te Cajwaltique, te apasojiquix sloc'omba ch'in toro te ultesbil ta c'ajc' te taq'uine, te jich la awijq'uitayic jilel te be la yac'beyex at'unic te Cajwaltique.

Levítico 17:7

Tey ma'yuquix bi ora ya yac'beyic milbil smajt'an a te pucujetique, ja' te la xch'uunic ta neelal to soc ja' ta scaj te bolobenique. Ja' jmandal in to ma'yuc bi ora ya xlaj sc'oplal awu'unic, te ya me sc'an ya yich' ch'uunel yu'un tatiletic soc nich'aniletic ta cajalcaj bael.

Éxodo 32:8

Ora nax la yijq'uitayic jilel te be c'oem te la calbey mandal te ya st'unique. La spasbeyic sloc'ombail jcojt' alal toro ta oro ultesbil ta c'ajc'. Yacaliquix ta xch'uunel soc la yac'beyiquix smajt'an. Jich yacalic ta yalel: “¡Jlumal, ilawil, ja' dios cu'untic te la sloq'uesotic tel ta Egipto!” xiic me —la yut.

Amós 2:4

Jich ya yal xan te Cajwaltique: —Te mach'a ayic ta Judá bayal buelta spasojic te bila amene. Ma me jichuc nax ya xjil, ya me cac'bey castigo yu'un. Melel ma la sc'an yo'tanic te p'ijubtesel yu'un Cajwaltic, soc ma la xch'uunbeyic te mandaliletic yu'une. Ja' la xch'uunic te yajcananic te la xch'uunic te sme'-statique.

Deuteronomio 31:16

Te Cajwaltic jich la yalbey te Moisés: —Nopolix ya xlajat. Te lum in to ya me xc'ax bolob ta jc'axel ta swenta te xch'uunel diosetic yu'un te yantic lumq'uinaletic te ya xba yich'e. Jich me ya xch'ayon ta yo'tanic, ya me sjinic te trato jpasoj soque.

Deuteronomio 31:18

Pero te c'alal ya xc'ot sc'aalelal in to, ya me jq'uej jba ta stojolic ta jc'axel, ta scaj te bila amen la spasique, soc ja' te ya xch'uunic yantic bitic cuybilic ta Dios.

Jueces 8:33

Te c'alal lajemix a te Gedeón, te israeletic la yijq'uitay xan ta yo'tanic te Diose, ja' ba xch'uunic te loc'ombaetic yu'un Baal. Ja' mero la stsa sdiosinic te Baal-berit.

Jeremías 3:6

Ta yorail ay ta muc' ajwalil a te Josías jich la yalbon te Cajwaltic: —¿Awiloj bal te bila la spas te toyba Israele? Ja' te ba yat'elin spasel mulwej ta spisil ta toyol witsetic soc ta yet'al pimil c'ab te'etic.

Jeremías 6:16

Te Cajwaltic jich ya yalbey te lum yu'une: —Tejc'ana abaic ta bebetic soc ilawilic, jojc'oic te namey biq'uit beetique, ja' te banti lec xan te be; t'unaic bael, tey me ya acux awo'tanic a —xi'. Ja'uc me to jich la yalic: —Ma jc'an jt'untic bael —xiic.