Jueces 2:15 - Bible in Tzeltal de Oxchuc y Tenejapa

¹⁵ Jujun buelta te ya xbajt'ic ta guerra, ma'yuc ta coltayel yu'un te Cajwaltique. Squechconic ta bolobel, melel jich nix albot sc'oplalic ta neelal. Manchuc me ac'botiquix tulan swocolic te israeletic yu'un te Cajwaltic,

Bible in Tzeltal Bachajón

¹⁵ Bayuc banti bahtic ta yaq'uel guerra, contrahinotic yu'un te sc'ab Jehová yu'un ya ya'be swocolic, hich te bin ut'il yaloj te Jehová soc te jc'axel yaloj ta jamal. Ay bayel swocolic.

Jueces 2:15 Referans Kwoze

2 Corintios 4:8

Jich yu'un, manchuc teme ay bayal te bila ya xc'ax jwocoltic yu'une, ja'uc me to, ya xloc'otic tey a. Soc manchuc teme ma xju'ix te bi ya cut jbatique, ja'uc me to, ma jc'axeluc ya xlajotic ta tenel yu'un.

Miqueas 2:3

Ja' swentail te jich la yal te Cajwaltique: —Jo'on chapalix cu'un ta jcontroinbelex te ja'exe. Ya jticun tel tulan woclajel te ma xju' ya acoltay aba yu'une. Ma xju'ix te soc nax toybail ya xbeenexe, melel ya me sta yorail ya xc'ot te awocolique.

Jeremías 44:27

Melel ayon me ta yilel ta sticunel tel woclajel ta atojolic, te ma swentauc awutsilalique. Spisilic te judioetic te nainemic ta Egipto, ya me xlajic ta jc'axel ta guerra o ta wi'nal.

Jeremías 44:11

“Ja' swentail te jo'on Ajwalilon te Spisil ya xju' cu'un, te Dioson yu'un Israel, ya calbeyex: Jnopoj te ya cac' tel bila amen ta atojolic te ya sjinex ja'ex te sts'umbalex Judá.

Jeremías 21:10

Melel jnopoj te ya cac'bey tel bila amen ta stojol in lum to, ma ja'uc ya cac'bey te bila leque. Ya me cac'bey ta sc'ab te muc' ajwalil yu'un Babilonia, soc ja' me ya yac'bey sc'aal te lume. Jo'on Ajwalilon, jich ya cal”, uta me —xi' te Cajwaltique.

Jeremías 18:8

teme ya yijq'uitay te bila amene, jich ma ba ya jticunix tel ta stojol te castigo te chapalix cu'une.

1 Samuel 30:6

Te David ma sna' bi ya yut sba scaj te yac ta alel te ya yich' xch'ojel ta ton yu'un te swinictaque, melel spisilic ilinem yo'tanic yu'un te bi c'oem ta pasel ta stojol te snich'nabique. Pero ja' la yipin yo'tan te Cajwaltic te Dios yu'une.

1 Samuel 14:24

Pero te israeletic mero ma'yuquix yipic, melel ma'yuc mach'a swe'oj ni jxujt'uc we'elil, scaj te ay bi jc'axel la yal ta stojol Dios te Saule. Jich yaloj: “Jc'axel ch'aybil ya xc'ot te mach'a ay bi ya swe' te c'alal ma to x'ijc'ub q'uinal, teme ma to ayuc bi jpasojbey te jcontroe”, xi'.

1 Samuel 13:6

Te israeletic jajch'ic ta buen wocol yu'un te c'alal tenotic yu'un te filisteoetique. La snac' sbaic ta ch'entiquil, ta lom ch'entiquil, ta nailch'entiquil, ta beja' ch'entiquil soc ta pozoetic.

Jueces 10:9

Te amonetic c'axic tel ta Jordán, ja' ba yac'beyic guerra te sts'umbal Judá, te sts'umbal Benjamín soc te sts'umbal Efraín. Ay bayal swocolic te israeletic yu'un te amonetique.

Rut 1:13

¿ya ni bal amaliyic a ja' to c'alal ya xmuc'ubic te ya xnujbinex soque? ¿Ja' nax bal ma xnujbinex yu'un ta scaj nax xc'uxul awo'tanic ta smaliyel te jichuque? Ma jichuc, antsetic. Melel te Cajwaltic la yac'bon c'axuc jwocol; ja'uc me to, c'axem to me xan jich ya xc'ax jwocol teme ya quilbeyex awocolic te ja'exe —xi' te Noemí.

Deuteronomio 18:20

Yan teme ta swenta nax stoybail te ay bila ya yal te j'alwanej te jo'on caloj ta sc'ope, teme ma jo'ucon caloje, o teme ya xc'opoj ta swenta yantic diosetic, ya me yich' ticunel ta milel yu'un”, xi' te Cajwaltique.

1 Samuel 12:15

Yan teme ma ba ya ach'uunbeyic smandal, teme ya ac'axintaybey smandal, ya me yac'beyex castigo te ja'exe, soc ya me yac'bey castigo te muc' ajwalil awu'unique.

2 Crónicas 12:1

C'alal tulanaj yat'el ta ajwalil te Roboam, soc tulanix la yaiy sba ta yo'tan, la yijq'uitay ta ch'uunel te mandaliletic yu'un te Cajwaltique, soc jich nix la spasic spisil israeletique.