Jueces 2:14 - Bible in Tzeltal de Oxchuc y Tenejapa14 Ja' swentail te ilin Cajwaltic ta stojol Israel. Jich la yac' taluc j'eleq'uetic te tal spojbeyic te bitic ay yu'unique. Te scontroic te ayic ta sjoyobal, tsalotic yu'un, xujt' ma ju' yu'unic te ya stsal sbaic soque. Gade chapit laBible in Tzeltal Bachajón14 Ha yu'un tihl yilimba Jehová ta stojol Israel, hich ac'otic ta sc'ab j'eleq'uetic te talic ta pojbeyel sbiluquic, soc chonticlanotic bahel ta stojol te scontrahic te ayic ta sjoyobal, te ma ba hu'ix yu'unic stsalele. Gade chapit la |
Te Cajwaltic ya yal: —Ma me xacuyic te jo'on la jticun sujt'el te Israele, te jich c'oem te bit'il ame' te ja'exe, jich bit'il jtul winic ya sticun sujt'el te yiname; o la jchonex bael ta mosoil scaj te ay mach'a ay jbet yu'une. Baex ta chonel ta scaj te la ale amulique; Israel te ame'ic te ja'exe, ijq'uitayot jilel ta scaj te toyol la awac' abaique.
Ja' yu'un la awac'bey ta sc'ab te scontrotaque, te ac'bot swocolic yu'une. Patil te c'alal ayix swocolic ae, la sc'anic scoltayelic ta atojol. Ja'at, ta swenta te bit'il mero bayal te xc'uxul te awo'tane, la awaiybey sc'opic c'alal ta ch'ulchan. La awac'bey winiquetic swenta yu'un ya xcoltayotic loq'uel ta sc'abic a te mach'atic ay swocolic yu'une.
Ja' yu'un te Cajwaltic Dios yu'une la yac'bey ta sc'ab te muc' ajwalil yu'un Siria. Jich yu'un te siriaetic la yaiyic tsalaw ta jyalel, bayal ta jtul la stsaquic ta chuquel, la yiq'uic bael ta lum Damasco. Te Cajwaltic ja' nix jich la yac'bey ta sc'ab te muc' ajwalil yu'un Israel, jich mero muc' a c'ot te tsalel ta swentae.
¿Mach'a la yac' permiso te ya yich' tsalel te Israel, te lum yu'un Jacob, soc te ya xba yich' pojbeyel te sbiluque? ¿Ma bal ja'uc la yac' permiso ta melel te Cajwaltique? Melel ja'ic la sle smulic ta stojol Dios, ma la sc'an st'unic bael te be te ac'bot yilic yu'une, ma la xch'uunbeyic te p'ijubtesel yu'une.