Jueces 2:13 - Bible in Tzeltal de Oxchuc y Tenejapa

¹³ La yijq'uitayic ta yo'tanic ta scaj xch'uunel te Baal, soc te jayeb ta jchajp loc'ombaetic yu'un te Astarté te antsil-diose.

Bible in Tzeltal Bachajón

¹³ La yihquitayic te Jehová, la sch'uhuntayic te Baal soc te Astarot.

Jueces 2:13 Referans Kwoze

Jueces 10:6

Ja'uc me to, te israeletic la xcha'pasic te bila ma lecuc ta sit Cajwaltic, la xch'uunic loc'ombaetic yu'un Baal soc yu'un Astarté, soc diosetic yu'un Siria, diosetic yu'un Sidón, diosetic yu'un Moab, diosetic yu'un Amón, soc diosetic yu'un te filisteoetique. Ja' la yijq'uitay ta yo'tanic te Cajwaltic, ma'yuc bay ya squejan sbaiquix ta stojol.

Salmos 106:36

La squejan sbaic ta stojol te loc'ombaetic te ma Diosuque, te ja' sjinjibal c'otic yu'une.

Jueces 3:7

Te yat'el israeletic amen ta sit Cajwaltic, ja' te bit'il la yijq'uitay ta yo'tanic, soc jajch'ic ta xch'uunel te lotil dios Baal soc te antsil-dios Asera.

1 Corintios 8:5

Manchuc teme ay bayal mach'atic scuyojic ta diosetic te bila ay ta ch'ulchan soc ta balumilale (jich bit'il ya yalic te ay bayal diosetic soc bayal ajwaliletic ta balumilale),

2 Reyes 23:13

Te muc' ajwalil la sjinbey sc'oplal te toyol ch'uunjibaletic te ay ta stojol sloq'uib c'aal yu'un Jerusalén, te ay ta stojol sur ta Wits Olivoiltic, te ja' la spas te Salomón te c'ax ta muc' ajwalil yu'un Israel, te ja' yu'un te Astarté antsil dios te ilaybil nax sba, te lotil dios yu'un sidonetique; soc yu'un Quemos, yan loc'omba te ilaybil nax sba, te lotil dios yu'un moabetique; soc yu'un Milcom, loc'omba te ilaybil nax sba, te lotil dios yu'un te amonetique.

1 Reyes 11:33

Melel te Salomón la yijq'uitayonix ta yo'tan, ochix ta xch'uunel Astarté, antsil-dios yu'un sidonetic; te Quemos, dios yu'un moabetic; soc Milcom te dios yu'un amonetique. Ma lecuc ta jsit te bitic spasoje. Ma ba la yac' c'otuc ta pasel yu'un te mandaliletic cu'un soc te c'op chapal cu'une. Ma jichuc la spas te bit'il la spas te David, ja' te state.

1 Reyes 11:5

Te Salomón la xch'uun te Astarté, te antsil-dios yu'un sidonetic, soc te Milcom, te mero ilaybil sba te loc'omba te sdiosinejic te amonetique.

1 Samuel 31:10

Ta templo yu'un Astarté la yaq'uic te yat'ejib ta guerra te Saule. Te sbaq'uetal la sjijp'anbeyic ta sts'ajc'ul te lum Bet-sán.

Jueces 2:11

Te israeletic la spasic bi amen ta sit te Cajwaltic, ja' te bit'il jajch'ic ta xch'uunel loc'ombaetic yu'un Baal.

1 Samuel 7:3

Ja' yu'un te Samuel jich la yalbey te israeletic: —Teme mero spisil awo'tanic ya sujt'ex ta stojol te Cajwaltic, ya me sc'an jiche te ya ach'ojic loq'uel te diosetic yu'un jyanlumetic soc te loc'ombaetic yu'un Astarté te awich'ojique. Ja' xan meix ya sc'an ya awac' yabatinbeyex acuxlejalic te Cajwaltic, ja' nax ya sc'an ya ach'uunic. Jich to me ya scoltayex loq'uel ta sc'ab te filisteoetic te Cajwaltique —xi'.

1 Samuel 12:10

Pero la sna'ic te staoj smulic ta stojol Cajwaltic te bit'il la yijq'uitayic, ta scaj xch'uunel sloc'ombail Baal soc sloc'ombail Astarté. La xcha'albeyic xan wocol te yacuc xcoltayotic loq'uel ta sc'ab te scontroique. La yal sbaic ta jamal te ja' xanix stuquel te Cajwaltic te ya xch'uunique.

2 Crónicas 7:22

Ya me yalbey sbaic: “Jich a c'ot ta pasel, melel la xch'ay ta yo'tanic te Yajwalic, te Dios yu'un te antiguo sme'-static te loq'uesotic tel yu'un ta Egipto. Melel bajt' ta yo'tanic yalel wocol ta stojol yantic diosetic, soc la yac' sbaic ta abatinel ta stojolic. Jich yu'un la yac' taluc ta stojolic bayal wocol”, xi' me ac'oplalic yu'un —xi' te Cajwaltique.

Números 25:3

Jich la yac' sbaic ta xch'uunel te Baal-peor. Jich yu'un te Cajwaltic til jajch'el sc'ajc'al yo'tan ta stojol te lum Israel,

2 Crónicas 12:2

Te bit'il ma ba toj yo'tanic ta stojol te Cajwaltique, jich yu'un ta yo'ebal ja'wil yochel ta muc' ajwalil a te Roboam, te Sisac, muc' ajwalil yu'un Egipto, ba yac'bey guerra te Jerusalén.

2 Crónicas 28:3

la xchic' pom ta stenlej xatal q'uinal yu'un Ben-hinom, asta la xchic' te snich'nab ta swenta milbil smajt'an yu'un, jich bit'il ay ta pasel spisil ora, te c'ax ilaybil la spasic te yantic nacionetic te nutsbilic loq'uel yu'un Cajwaltic ta stojol te israeletique.

2 Crónicas 33:3

Ja' la spasbey xan toyol ch'uunjibaletic te la sjin te Ezequías te state. La spasbey scajtijib smajt'an te loc'ombaetic yu'un Baal, soc la spasbey sloc'omba Asera. Ja' la xch'uun soc la yalbey wocol ta spisilic te eq'uetic ta ch'ulchan.

Jeremías 2:20

“Mero bayalix tel c'aal te la atoy aba ta jtojole, ma la ac'an ach'uunbonic jmandal. La awal: “Ma jc'an abatinel”, xaat. Ja' nax la awat'elin spasel mulwej ta bay toyol witsetic soc ta spisil yet'al pimil sc'ab te'etic.

Jeremías 16:11

Te ja'ate jich me ya asujt'esbey te sc'opique: “Te Cajwaltic jich ya yal: ‘Ta melel te antiguo ame'-atatic la yijq'uitayon ta yo'tanic. Ja' bajt' ta yo'tanic te lotil diosetic ta xch'uunel soc ta yalel wocol ta stojol. Te jo'one la xch'ayon ta yo'tanic, ma la sc'otesic ta ch'uunel te mandalil la cac'beye.