Jueces 2:12 - Bible in Tzeltal de Oxchuc y Tenejapa

¹² La yijq'uitayic ta yo'tanic te Cajwaltic te Dios yu'un te antiguo sme'-static, te loq'uesotic tel yu'un ta Egipto. Ja' la yac' sbaic ta xch'uunel te loc'ombaetic yu'un te lumetic te ainemic ta sjoyobale. Jich la sjajch'esbeyic yilimba te Cajwaltique.

Bible in Tzeltal Bachajón

¹² La yihquitayic te Jehová te Dios yu'un te sme'static te loq'uesotic tal yu'un ta sq'uinal Egipto, la st'unic bahel yantic diosetic yu'un te pueblohetic te ayic ta sjoyobalic; la squejan sbahic ta stojolic, hich la shachbeyic yilimba te Jehová.

Jueces 2:12 Referans Kwoze

Éxodo 20:5

Ma me xaquejan aba ta stojolic, ma me xach'uunic. Melel jo'on Ajwalilon te Dioson awu'une. Jo'on Dioson te jc'axel ma jmulan teme ya ale yantic diosetic awu'un. Ya cac'bey castigo yu'un smulic te me'il-tatiletic ya yilayonique, soc te snich'nabic ta yoxcajal soc ta xchancajal.

Deuteronomio 29:25

Te sujt'ib te c'ope ja' me in to: “Yu'un la xch'ay ta yo'tanic te trato la xchap soc Yajwalic, te Dios yu'unic te antiguo sme'-static, te c'alal ic'otic loq'uel tel ta sq'uinal Egipto.

Deuteronomio 13:5

Te j'alwanej o waichejele ya me yich' milel, melel ya yac'beyex atoy abaic ta stojol te Cajwaltic te Dios cu'untique, ja' te la scoltayotic loq'uel tel te c'alal ayotic ta c'abal ta mozoinel ta Egipto, soc te bit'il la sc'an te la yac'beyex awijq'uitayic te be yac'ojbeyex at'unic te Cajwaltic te Dios cu'untique. Jich me ya xlaj a te bitic amen ya xchicnaj ta awolilique.

Deuteronomio 29:18

Ma me ayuc ants o winic ta awolilic ta chajbalchajp te yo'tic ya yijq'uitay ta yo'tan te Cajwaltic Dios cu'untic, ta scaj te ya xbajt' ta yich'el ta muc' te lotil diosetic yu'unic te nacionetique. Ma me ayuquex ni jtuluc te pajalex soc yisim ch'aal wamal te ay svenenoile.

Deuteronomio 5:9

Ma me xaquejan aba ta stojolic, ma me xach'uunic. Melel jo'on Ajwalilon, Dioson awu'une. Jo'on Dioson te jc'axel ma jmulan teme ya ale yantic diosetic awu'un. Ya cac'bey castigo yu'un smulic te me'il-tatiletic ya yilayonique, soc te snich'nabic ta yoxcajal soc ta xchancajal.

Jueces 5:8

“C'alal la stsaic yantic diosetic, ay guerra ta sti'il te lume; pero ma'yuc bay chicnaj smajq'uil sbaq'uetalic soc ni junuc lanza ta yolil te cha'winic ta jmil (40,000) te israeletique.

Deuteronomio 33:17

Buen t'ujbil, pajal soc sba snich'an toro, bayal me yip jichuc ja'mal wacax; ya me sluch ta xulub spisil lumetic, ya me xbajt' c'alal ta sti'il te q'uinale. Jich me te mero bayal lum Efraín. Jich me te mero tsobol lum Manasés —xi'.

Deuteronomio 32:15

Mero jujp' te Jesurún, xwilawet nax yu'un sbujts' q'uinal yaiy, (mero x'oquet nax yu'un sjujp'el), la xch'ay ta yo'tan te Diose, ja' te Jpaswanej yu'une; la yilay te Jcanantaywanej yu'un, la yilay te Jcoltaywanej yu'une.

Jueces 8:33

Te c'alal lajemix a te Gedeón, te israeletic la yijq'uitay xan ta yo'tanic te Diose, ja' ba xch'uunic te loc'ombaetic yu'un Baal. Ja' mero la stsa sdiosinic te Baal-berit.

Jueces 10:11

Te Cajwaltic la sjac': —Te ja'ex la awich'ic uts'inel yu'un te egipcioetic, amorreoetic, amonetic, filisteoetic,

Salmos 78:58

La yaq'uic ilinuc yu'un te Diose, te bajt'ic ta banti ay scajtijib ta chiq'uel milbil smajt'an te lotil diosetique; la xch'uunic loc'ombaetic, jich la yaq'uic ilinuc.

Salmos 106:36

La squejan sbaic ta stojol te loc'ombaetic te ma Diosuque, te ja' sjinjibal c'otic yu'une.

Éxodo 13:3

Te Moisés la yalbey te lume: —Na'aic me in c'aal to, te bit'il ta swenta smuc'ul yu'el te Cajwaltic te la sloq'uesex tel ta Egipto ta bay ainex ta mozoile. Ma me xawe'ic te waj yich'oj levadura.

Éxodo 13:9

Jich me c'oem ta awo'tanic te ay smarcail ta ac'abic o ta ati'baique. Jich me ya ana'ic te ja' ya sc'an ya awalic spisil ora te mandaliletic yu'un te Cajwaltique. Melel swenta smuc'ul yu'el sc'ab te la sloq'uesotic tel ta Egipto.

Éxodo 13:14

Jich bit'il pajel cha'wej, teme ay ya sjojc'obeyex te anich'nabique: “¿Bi swentailuc te jich ya apase?” teme xie, albeya yaiyic: “Ja' me swentail te soc smuc'ul yu'el te Cajwaltic la sloq'uesotic tel ta Egipto te bit'il ayotic ta mozoil tey ae,

Éxodo 13:16

Jich me c'oem te ay smarcail ta jc'abtic o ta jti'batique. Tey me ya ana'ic a te ja'exe, te soc smuc'ul yu'el sc'ab te Cajwaltic la sloq'uesotic tel ta Egipto”, utaic me —xi' te Moisese.

Deuteronomio 4:25

“Te c'alal ayix awal-anich'anic a soc amamataquic, teme mamalubex li' ta lumq'uinal to, teme och ajin abaic, teme ay bitic jajch' apasbeyic sloc'ombaile, ja' tulan mulil ta pasel ta stojol te Cajwaltic te Dios cu'untique. Teme jich ya ajajch'beyic yilimba,

Deuteronomio 6:12

Te c'alal jich ya xc'ot ta pasele, ma me xch'ay ta awo'tanic te Cajwaltic te la sloq'uesex tel ta Egipto, te banti ayex ta mozoil.

Jeremías 16:11

Te ja'ate jich me ya asujt'esbey te sc'opique: “Te Cajwaltic jich ya yal: ‘Ta melel te antiguo ame'-atatic la yijq'uitayon ta yo'tanic. Ja' bajt' ta yo'tanic te lotil diosetic ta xch'uunel soc ta yalel wocol ta stojol. Te jo'one la xch'ayon ta yo'tanic, ma la sc'otesic ta ch'uunel te mandalil la cac'beye.