Jueces 2:11 - Bible in Tzeltal de Oxchuc y Tenejapa

¹¹ Te israeletic la spasic bi amen ta sit te Cajwaltic, ja' te bit'il jajch'ic ta xch'uunel loc'ombaetic yu'un Baal.

Bible in Tzeltal Bachajón

¹¹ Ta patil, te snich'nab Israel la spasic te bin chopol ta stojol Jehová, la yac' sbahic ta a'batinel yu'un te baaletic.

Jueces 2:11 Referans Kwoze

Jueces 10:6

Ja'uc me to, te israeletic la xcha'pasic te bila ma lecuc ta sit Cajwaltic, la xch'uunic loc'ombaetic yu'un Baal soc yu'un Astarté, soc diosetic yu'un Siria, diosetic yu'un Sidón, diosetic yu'un Moab, diosetic yu'un Amón, soc diosetic yu'un te filisteoetique. Ja' la yijq'uitay ta yo'tanic te Cajwaltic, ma'yuc bay ya squejan sbaiquix ta stojol.

Jueces 6:1

Te israeletic bolob yat'elic ta sit te Cajwaltique. Jich yu'un te Cajwaltic la yac'bey ta sc'ab juqueb ja'wil te madianetique.

Jueces 4:1

C'alal laj bael te Aod, te israeletic jajch'ic xan ta spasel te bila amen ta sit te Cajwaltique.

Jueces 3:7

Te yat'el israeletic amen ta sit Cajwaltic, ja' te bit'il la yijq'uitay ta yo'tanic, soc jajch'ic ta xch'uunel te lotil dios Baal soc te antsil-dios Asera.

Jueces 8:33

Te c'alal lajemix a te Gedeón, te israeletic la yijq'uitay xan ta yo'tanic te Diose, ja' ba xch'uunic te loc'ombaetic yu'un Baal. Ja' mero la stsa sdiosinic te Baal-berit.

1 Reyes 18:18

La sjac' te Elías: —Te jo'on ma ja'uc ya cac'bey swocol Israel; ja'at soc te mach'atic ay awu'un te ya awac'bey swocol te Israele. Melel la ach'ay ta awo'tanic te mandaliletic yu'un te Cajwaltic, ja' bajt' ta awo'tan xch'uunel te loc'ombaetic yu'un Baal.

Jueces 13:1

Ja'uc me to, te israeletic la spasic xan te bi ma lecuc ta sit Cajwaltic, ja' swentail te la yac' ta sc'ab filisteoetic cha'winic (40) ja'wil.

Jeremías 9:14

Tulan la yac' sbaic bael tey a te bay la sc'an yo'tanic, la xch'uunic te lotil diosetic, jich bit'il p'ijubtesotic jilel yu'un te sme'-statique.

Jeremías 2:23

¿Bistuc te jich ya awale: “Ma ba bolobenon, ni ma ba yacon ta xch'uunel lotil diosetic,” te xaate? Aiya awaiy stojol, ja' xan te awat'el la apas ta xatal q'uinale, nopa awaiy ta spisil te bila apasojique. Ja'at pajalat soc te yantsilel camello te bayuc nax ya xbajt' ta animale;

Esdras 8:12

Johanán snich'an Hacatán, te sts'umbal Azgad. Joinbil yu'un lajuneb swacwinic (110) winiquetic.

2 Crónicas 33:6

Ay la xchic' te snich'nab ta swenta majt'anil ta stenlej xatal q'uinal Ben-hinom. La yich' ta muc' te pucujetique, soc bajt' ta stojol te mach'a ya sna'ic syoljoltayel. Spisil ora la sc'opon te ch'ulelaletic, soc la spasulay jpic-c'abal. Mero ma ba lec ta sit Cajwaltic te yat'ele, jich la yac' ilinuc yo'tan Cajwal ta stojol.

2 Crónicas 28:2

Ja' la snopbey yat'elic te ajwaliletic yu'un Israel, soc la spas loc'ombaetic yu'un Baal ta taq'uin ultesbil ta c'ajc',

1 Samuel 7:4

Te israeletic la xch'ojic loq'uel te jayeb ta jchajp sloc'ombail Baal soc te sloc'ombail Astarté, ja' xanix la xch'uunic te Cajwaltique.

Jueces 10:10

Jich la sc'anbeyic coltayel te Cajwaltic, jich la yalbeyic: —Cajwaltic Dios cu'untic, jtaoj jmultic ta atojol, melel la quijq'uitayat ta co'tantic, ja' bajt' ta co'tantic xch'uunel te lotil diosetique —xiic.

Jueces 3:12

Te israeletic cha'jajch'ic ta spasel bi amen ta sit te Cajwaltique. Ja' yu'un te Cajwaltic la yac'bey yip Eglón te muc' ajwalil yu'un Moab, cajal yip yu'un a te Israel.

Génesis 38:7

Ja'uc me to te Er, te sba snich'an te Judá, mero ma lecuc yat'el la yil te Cajwaltique, jich yu'un te Cajwaltic ma la yac' cuxinuc.

Génesis 13:13

Ja'uc me to, amen yat'elic te yajwal lum Sodoma, mero jmulawiletic ta stojol te Cajwaltique.

Deuteronomio 31:16

Te Cajwaltic jich la yalbey te Moisés: —Nopolix ya xlajat. Te lum in to ya me xc'ax bolob ta jc'axel ta swenta te xch'uunel diosetic yu'un te yantic lumq'uinaletic te ya xba yich'e. Jich me ya xch'ayon ta yo'tanic, ya me sjinic te trato jpasoj soque.

Jueces 6:25

Ta ajc'ubal te Cajwaltic la yalbey te Gedeón: —Tsaca jcojt' toro yu'un te atate, ja' te xchebal, te juqueb ya'wilale, jina soc te scajtijib ta chiq'uel smajt'an Baal yu'un te atate. Boja loq'uel te sloc'omba Asera te ts'unul ta sts'eel scajtijib smajt'an Baal.

1 Reyes 22:53

Soc la yac' sba ta abatinel ta stojol te Baal, la xch'uun, jich nix te bit'il la spas te state. Jich la yac' ilinuc te Cajwaltic, te Dios yu'un Israel.

Nehemías 9:26

“Pero la xc'axintayic te mandaliletic awu'une, la stoy sbaic ta atojol, la xch'ayic te mandaliletic awu'une. Soc la smilic te j'alwanejetic awu'une, te jamal albot smulic yu'une, te albot yu'un te yacuc sujt'ic xan ta atojole. Jich mero muc' bi la spasic ta atojol, jich la yaq'uic ilinuc awo'tan yu'un.

Salmos 78:56

Pero la spasic ta prueba te Dios te mero Toyole, la scontroinic, la xc'axintaybeyic te smandale.

Jeremías 11:10

Ja' nix ya xcha'pasic te muliletic te neel la spasic te antiguo sme'-statique, ja' te mach'atic ma la sc'an xch'uunbonic jc'op, bajt'ic ta xch'uunel te lotil diosetique. Ta Israel, jich bit'il ta Judá, la xc'axintaybonic te trato la jchap soc te antiguo sme'-statique.

Números 25:3

Jich la yac' sbaic ta xch'uunel te Baal-peor. Jich yu'un te Cajwaltic til jajch'el sc'ajc'al yo'tan ta stojol te lum Israel,

Deuteronomio 4:25

“Te c'alal ayix awal-anich'anic a soc amamataquic, teme mamalubex li' ta lumq'uinal to, teme och ajin abaic, teme ay bitic jajch' apasbeyic sloc'ombaile, ja' tulan mulil ta pasel ta stojol te Cajwaltic te Dios cu'untique. Teme jich ya ajajch'beyic yilimba,

1 Samuel 7:3

Ja' yu'un te Samuel jich la yalbey te israeletic: —Teme mero spisil awo'tanic ya sujt'ex ta stojol te Cajwaltic, ya me sc'an jiche te ya ach'ojic loq'uel te diosetic yu'un jyanlumetic soc te loc'ombaetic yu'un Astarté te awich'ojique. Ja' xan meix ya sc'an ya awac' yabatinbeyex acuxlejalic te Cajwaltic, ja' nax ya sc'an ya ach'uunic. Jich to me ya scoltayex loq'uel ta sc'ab te filisteoetic te Cajwaltique —xi'.

1 Samuel 12:10

Pero la sna'ic te staoj smulic ta stojol Cajwaltic te bit'il la yijq'uitayic, ta scaj xch'uunel sloc'ombail Baal soc sloc'ombail Astarté. La xcha'albeyic xan wocol te yacuc xcoltayotic loq'uel ta sc'ab te scontroique. La yal sbaic ta jamal te ja' xanix stuquel te Cajwaltic te ya xch'uunique.

1 Reyes 11:5

Te Salomón la xch'uun te Astarté, te antsil-dios yu'un sidonetic, soc te Milcom, te mero ilaybil sba te loc'omba te sdiosinejic te amonetique.

2 Crónicas 28:3

la xchic' pom ta stenlej xatal q'uinal yu'un Ben-hinom, asta la xchic' te snich'nab ta swenta milbil smajt'an yu'un, jich bit'il ay ta pasel spisil ora, te c'ax ilaybil la spasic te yantic nacionetic te nutsbilic loq'uel yu'un Cajwaltic ta stojol te israeletique.

Jeremías 2:20

“Mero bayalix tel c'aal te la atoy aba ta jtojole, ma la ac'an ach'uunbonic jmandal. La awal: “Ma jc'an abatinel”, xaat. Ja' nax la awat'elin spasel mulwej ta bay toyol witsetic soc ta spisil yet'al pimil sc'ab te'etic.

Jeremías 16:11

Te ja'ate jich me ya asujt'esbey te sc'opique: “Te Cajwaltic jich ya yal: ‘Ta melel te antiguo ame'-atatic la yijq'uitayon ta yo'tanic. Ja' bajt' ta yo'tanic te lotil diosetic ta xch'uunel soc ta yalel wocol ta stojol. Te jo'one la xch'ayon ta yo'tanic, ma la sc'otesic ta ch'uunel te mandalil la cac'beye.

Jeremías 32:23

Ja'uc me to, c'alal ochic bael ta lumq'uinal te la yu'uninic, ma la xch'uunbat te ac'ope, ni ma la spasic te p'ijubtesel la awac'beye, ni ma la spasic jtebuc te amandal la awalbeye. Jich yu'un la aticunbey tel ta stojolic te bila amene.