Jueces 2:10 - Bible in Tzeltal de Oxchuc y Tenejapa

¹⁰ Lajic ta spisil te israeletic te ayiquix ta q'uinal a te c'alal cuxul to a te Josué. Ja' yu'un te mach'atic ayinic xan ta patil, ma la sna'beyiquix sba te Cajwaltic, soc spisil te bitic la spas ta xc'uxtayel te Israele.

Bible in Tzeltal Bachajón

¹⁰ Soc ha nix hich chamic spisil te mach'atic pajal scolelic soc; pero te patil al-nich'anetic ma ba la sna'beyic sba te Jehová soc te bintic la spas ta stojol Israel.

Jueces 2:10 Referans Kwoze

1 Samuel 2:12

Te snich'nab Elí mero amen yo'tanic, ma ba la yich'ic ta muc' te Cajwaltique,

Éxodo 5:2

Te faraón la yalbey: —¿Mach'a a te Awajwal te ya jch'uunbey sc'op te ya cac' bael te israeletique? Ma jna'bey sba te Awajwal ya awale. Ma xju' caq'uex bael —xi'.

Tito 1:16

Sna'ojbeyic sba ta sc'opic te Diose, ja'uc me to, chican ta yat'elic te ma ba sna'ojbeyic sbae. Boloben yo'tanic, toybaetic, xujt' ma'yuc swentail te yat'elique.

Hechos 13:36

Melel te David la yac' sba ta abatinel ta stojol te mach'atic pajal c'ax ta q'uinal soque, jich nix te bit'il ay sc'anjel yo'tan ta neelal to te Diose. Patil way sbaq'uetal. Bajt' ta muquenal ta bay mucul te sme'-state. Tey c'a' sbaq'uetal a.

Jeremías 31:34

Ma'yuquix mach'a ya xp'ijubtesot yu'un sjo'tac ni spat-xujc' ta swenta sna'belonic jba, melel spisilic me, bay muc'-biq'uit, ya me sna'bonic jba. Ya jpasbey perdón te bila amen spasoje, soc ma ba ya jna'bey xan te smulique. Jo'on Ajwalilon, jich ya cal —xi' te Cajwaltique.

Isaías 5:12

Te c'alal ayex ta we'el swenta q'uin, ay sc'op arpaetic, salterioetic, c'ayobetic soc amayetic, soc bayal uch'balil vinoetic. Ni ma x'ana'ic jtebuc te bila ya spas te Cajwaltique, ni ma'yuc ta wenta awu'unic te bitic yat'ele.

1 Crónicas 28:9

Te ja'at Salomón, te jnich'anate, ma me xch'ay ta awo'tan te Dios yu'un te atate. Ac'a aba ta abatinel ta stojol ta spisil awo'tan. Junuc me awo'tan ta stojol, melel te Cajwaltic ya sna'botic ta lec te co'tantique, ya sna'botic bitic ya snop co'tantic soc bitic ay ta co'tantic. Jich yu'un teme jun awo'tan ya ale, jich me ya yac'bat te ya ata ta leele. Yan teme ya ach'ay ta awo'tane, ya me sloq'uesat ta jc'axel ta sbajt'el q'uinal.

2 Samuel 7:12

Te c'alal ya sta c'oel slajibal te acuxlejal, te c'alal ya xlajate, jo'on me ya jnajc'an jtul ats'umbal te chapal ya xc'ot cu'un ta muc' ajwalile.

2 Tesalonicenses 1:8

Jich me ya xtal yac'bey castigo te mach'atic ma la sna'beyic sba te Diose soc te ma la sc'an xch'uunic te lec yach'il c'op yu'un te Cajwaltic Jesucristoe.

Jeremías 22:16

C'opoj yu'un te bila ay ta swenta te me'baetic soc te tenbilic ta uts'inele, jich lec a c'ot ta loq'uel. Jich ya yac' ta na'el te mach'a ya sna'bon jbae. Jo'on Ajwalilon, jich ya cal.

Jeremías 9:3

Ja' mero chapalic yu'un yalel te lotetique, jich c'oem te bit'il ya st'imuyiquix bael t'im. Ta bay lum tey yac ta at'el a te lote, ma ja'uc te smelelile; yan yan ta bats'ejel bael te bila amene. Ja' nix tulan la yalix stuquel te Cajwaltique: —Ma ba ya ac'anic te ya ana'bonic jbae —xi'.

Job 21:14

Jich ya yalbeyic ta stojol Dios: “¡Ac'botic lamal q'uinal, ijq'uitayawotic, ma jc'antic snopel te mandaliletic awu'une!

Deuteronomio 31:16

Te Cajwaltic jich la yalbey te Moisés: —Nopolix ya xlajat. Te lum in to ya me xc'ax bolob ta jc'axel ta swenta te xch'uunel diosetic yu'un te yantic lumq'uinaletic te ya xba yich'e. Jich me ya xch'ayon ta yo'tanic, ya me sjinic te trato jpasoj soque.

Números 27:13

Ta patil te c'alal ya xlaj awo'tan ta yilel te q'uinale, ya me xlajat, ya me xba atsob aba soc te ame'-atat te lajemiquixe, jich bit'il te abanquil Aarón.

Génesis 49:33

Te c'alal laj yo'tan ta stac'uyel te snich'nabe, te Jacob la stoy moel ta swayib te yacane, jich laj bael.

Génesis 25:8

Mero mamalix a te Abraham te laje. Mamalub ta lec soc ac'bot najt' yorail. Jich ba sjoin te mach'atic neel lajemic yu'une.

Génesis 15:15

Yan te ja'ate mamalatix a te ya xlajate, jun awo'tan ya xbaat ta muquel soc te antiguo ame'-atate.

Génesis 25:17

Te Ismael juclajuneb sjucwinic (137) ja'wil cuxin ta balumilal c'alal laj, jich ba sjoin te mach'atic neel lajemic yu'une.

Éxodo 1:6

Laj bael te José soc te sbanquiltac, soc te sjo'tac ta ch'iele.

Éxodo 1:8

Ta patil chicnaj yach'il muc' ajwalil ta Egipto te ma'yuc bay la sna'beyix sc'oplal te José. Jich la yalbey te slumale:

Josué 24:31

Te israeletic jun yo'tanic la xch'uunbeyic smandal te Cajwaltic c'alal cuxul to a te Josué, soc nix ta patil te bit'il cuxulic to a te mamaletic te sna'ojic spisil te bitic la spas Cajwaltic ta stojol te israeletique.

Jeremías 9:2

Tey ayucon laj ta jochol taquin q'uinal, te nainemucon tey a, c'ubul ayon yu'un a te jlumal te jichuque. Melel spisilic ma junuc yo'tanic; jchajp yac'oj sbaic ta spasel ixtajel.

Jeremías 9:5

Juju-jtul ya jlaban jbatic soc yan, soc ma'yuc mach'a ya yal te bila smelelile. C'aemotiquix ta yalel lot; c'ax amenotic, ma xju' cu'untic sjelel co'tantic, xoon yu'un.

San Lucas 20:32

Patil laj uuc te antse.