Jueces 19:6 - Bible in Tzeltal de Oxchuc y Tenejapa

⁶ Ta xchebalic pajal la snajc'an sbaic ta we'el ta uch'ajel. Te stat te antse la sc'an te yacuc xcom xan, te binuc nax yo'tan ya xc'ax jun xan ajc'ubal yu'un.

Bible in Tzeltal Bachajón

⁶ Ta schebalic pajal la shuhcan sbahic ta we'el uch'el. Te stat te ach'ix la sc'ambe te winic: Awocoluc, c'axuc xan ahc'abal awu'un li'i, ayuc yutsil awo'tan, xchi.

Jueces 19:6 Referans Kwoze

Jueces 19:9

Te levita-winic la stejc'an sba jajch'el yu'un ya xbajt'ix soc te yantse soc te yabate. Te snialmamal la yalbey te malix te c'aale, ch'ayelix bael a, te yacuc scom sba xan te binuc nax yo'tan ya xc'ax jun xan ajc'ubal yu'un tey a, swenta yu'un buen sab ac'a loc'uc bael ta yan c'aal.

Jueces 16:25

Bin nax yo'tanic ta jyalel, la sc'anic te yacuc yiq'uic loq'uel tel te Sansón, swenta yu'un bayal bitic ya yac'bey spas ta swenta tse'luyel. La sloq'uesic tel ta cárcel, la yac'beyic swocol ta labanel. La yac' tejc'ajuc ta olilal ta bay cheb muc'ul oyetic yu'un templo.

Rut 3:7

Te Booz we'-uch'aj, la yac' ta ilel te bin nax yo'tane. Patil bajt' ta wayel, tey bajt' ta bay busajtic te sbac' cebada. C'alal wayajtiquix ta lec a, c'unc'un nax och bael te Rut, la sjolbey te yacane, la smejts'an sba tey a.

Ester 1:10

Ta sjuquebal c'aal sjajch'el a te q'uine, te muc' ajwalil bin nax yo'tan ta scaj te yuch'oj vino. Jich la sticun bael te Mehumán, Bizta, Harbona, Bigta, Abagta, Zetar soc te Carcas, juqueb winiquetic te jun yo'tan sbaic ta stojole,

Apocalipsis 11:13

Ora nax a tal tulan nijq'uel. Jin xejt' ta slajunxejt'el te muc'ul lume, soc jucmil (7,000) ta jtul ants-winiquetic laj yu'un te tulan nijq'uele. Jich te ants-winiquetic te cuxulic jilele, och xiwel ta yo'tanic yu'un. Caj yalbeyic yutsilal te Dios te ay ta ch'ulchane.

Apocalipsis 11:10

Te mach'atic nainemic ta balumilale, ya xbujts'naj yo'tanic ta lec yu'un te lajemic ya yilique, soc ya spasic q'uin yu'un, soc ya yac'bey sbaic smajt'anic yu'un. Melel bayal c'ax swocolic ta swenta te cheb j'alwanejetic yu'un te Diose.

1 Tesalonicenses 5:3

Yu'un te c'alal ay jich ya yalic te ants-winiquetique: “Lamal q'uinal, ma'yuc bi chican”, te xiic ta yalele, ja'uc me to, ajc' nax ora ya xtal lajel ta stojolic, jich te bit'il ajc' nax ora ya xjajch' swocol jtul ants yu'un te ya x'ayinix te yale. Jich ma xju' ya scoltay sbaic loq'uel tey a.

San Lucas 12:19

Ya me calbey te jch'ulele: ‘Jch'ulel, bayalix te jbiluctic te ya xtuun cu'untic bayal ja'wile. Ja' lec quich'tic lewa. We'ucotic, uch'ajucotic, bujts'najuc co'tantic yu'un”, xi' ta yo'tan.

Salmos 104:15

ja' te waj te ya x'ac'bot yip yu'un, soc te vino te ya xbujts'naj yo'tan yu'un, soc te aceite te ya x'ach'ub yelaw yu'un.

1 Samuel 25:36

Te c'alal c'ot te Abigail ta banti ay te Nabal, jun yo'tan yac ta pas-q'uin ta sna, sq'uin muc' ajwalil yilel te yac ta spasele. Mero bin nax yo'tan soc buen yuch'oj. Ja' yu'un ma'yuc bi la yalbey ja' to ta xchebal c'aal.

Jueces 9:27

Te yajwal Siquem loq'uic bael ta ts'usubiletic ta stulel sit, la spasic ta vino, soc la spasic muc'ul q'uin. Yacalic ta we'el soc uch'ajel ta templo te bay te diosetic yu'unique, jajch' sbolc'optayic te Abimelec.

Jueces 19:7

Te levita-winic, manchuc me la stejc'an sbaix ta beel, la to scom xan sba te bit'il bayal buelta wulilayot yu'un te snialmamale.

2 Samuel 13:28

Jich la yalbey te abatetic yu'une: —Ya me awilic ta lec te Amnón te c'alal yacubenix yu'un te vino. Te c'alal ya calbeyex te ya amilique, milaic me. Ma me xiwex ta smilel, melel jo'on jmandal. Ja' yu'un ma me xiwex, ayuc me yip awo'tanic ta spasel —xi' ta stojol te swinictaque.

1 Reyes 21:7

Te Jezabel, ja' te yiname, jich la yal: —¡Pero ja'at ay ta awenta pasaw ta mandal ta stojol Israel! Baan ta we'el, binuc nax me awo'tan. Jo'on me ya jchajban te sts'usubil Nabot —xi'.