Jueces 19:30 - Bible in Tzeltal de Oxchuc y Tenejapa

³⁰ Spisil te mach'atic la yilic, la yalic: —Ja' to c'alal loc' tel ta Egipto te jlumaltique ma'yuc bay quilojtic jich bit'il to. Ac'a me jnop caiytic te bila ya jpastic yu'un —xiic.

Bible in Tzeltal Bachajón

³⁰ Spisil te mach'atic la yilic, hich la yalic: Mayuc hich pasbil soc ilbil c'alal ta yorahil te loq'uic tal ta Egipto te snich'nab Israel ha to ta ora ini. Nopa awa'iyic, c'opojanic me, xchihic.

Jueces 19:30 Referans Kwoze

Jueces 20:7

Ta ora to ayix ta awentaic ja'ex, jlumalex, ta snopel soc ta sna'el te bila ya sc'an ya yich' pasele —xi'.

Proverbios 13:10

Te toybaile ja' ya sjajch'es c'op stuquel; te p'ijilil ja' ay ta stojol te mach'atic peq'uel yac'oj sbaique.

Oseas 9:9

Jc'axel la sboltes sbaic ta jyalel, jich bit'il ta yorail sc'aalelal Gabaa. Te Cajwaltic ya sna'bey sbolil, soc ya yac'bey castigo yu'un te smulique.

Proverbios 24:6

Melel te c'alal ya yich' pasel te guerra, ya sc'an buen lec ya yich' chapel bael; teme tsobol mach'atic ya xchapique, jich ya xju' te tsalawe.

Proverbios 20:18

Teme ay bi ya achape, ay me yip ya xc'ot ta swenta te lequil consejo; teme ay ya apas guerra, c'ana neeluc te lequil consejoe.

Proverbios 15:22

Teme ma ba ya jc'antic consejo neeluc, ya xch'ay te bila ya jchaptique; yan teme lec ya xc'ot ta loq'uele, ja' yu'un te tsobol jtojteswanejetic cu'untique.

Proverbios 11:14

Teme ma'yuc lequil ajwalil yu'un te nación, ya xch'ay; ja' lec ya xc'ot teme ay tsobolic te mach'atic ya xcoltaywanic ta snopele.