Jueces 19:25 - Bible in Tzeltal de Oxchuc y Tenejapa

²⁵ Ja'uc me to, ma la yich'beyic ta muc' sc'op te mamale. Jich yu'un te levita-winic la sloq'ues bael te yants ta calle. Te winiquetic jelawic ta jyalel, la yuts'inic sjunal ajc'ubal ja' to c'alal sacub q'uinal, jich la yijq'uitayic jilel.

Bible in Tzeltal Bachajón

²⁵ Pero ma ba la sc'an la ya'iybeyic sc'op. Ha yu'un te levita-winic la stsac te ants yu'une la sloq'ues bahel. Hich te winiquetic la stsaquic, la yuts'inic sjunal ahc'abal ha to c'alal sacub q'uinal, hich la yihquitayic hilel ta sacubel q'uinal.

Jueces 19:25 Referans Kwoze

Efesios 4:19

Tulanuben te yo'tanique. Yac'oj sbaic ta spasel spisil te bila smulanej te sbaq'uetalique. Ma xch'uunic comel yu'un spasel spisil ta jchajp te bila amene.

Oseas 10:9

Ya yal te Cajwaltique: —Te Israel ma ba ya scom sba ta sleel smul, ja' to c'alal jajch' tel ta spasel ta Gabaa. Te smulic stalel ay soc. Jich yu'un ya me xtaotic yu'un guerra te mach'atic amenic ta Gabaa.

Oseas 9:9

Jc'axel la sboltes sbaic ta jyalel, jich bit'il ta yorail sc'aalelal Gabaa. Te Cajwaltic ya sna'bey sbolil, soc ya yac'bey castigo yu'un te smulique.

Génesis 4:1

Jich te Adán la sjoin ta wayel te Eva, ja' te yiname. Jich la yic' yal, jich ayin te Caín. “Ayix jtul cal, querem yac'ojbon te Diose”, xi'.

Jueces 19:24

Ilawilic te cantsil-nich'ane, tec'tom ach'ix, soc tey ay yants te winique, ya jloq'uesbeyex tel. Chican teme ya awuts'inique, ja' chican bi ya sc'an awo'tan ya apasbeyic. Pero ma me xawuts'inic te winique —la yut.

Jueces 19:26

Yaquix ta sacubel tel q'uinal a c'ot te ants ta sna te mamale, te banti ay te smamlale. Tey mero c'o lajuc ta ti'nail.

Jueces 20:5

Ta ajc'ubal la stsob sbaic tel te winiquetic yu'un te lume. La sjoytayic te na te banti ayon, yu'un snopojic te ya smilonique. Soc la yuts'inbonic te cantse, ja' to c'alal laj yu'unic.