Jueces 19:22 - Bible in Tzeltal de Oxchuc y Tenejapa

²² C'alal bin nax yo'tanic a, ay winiquetic amen yo'tanic te ayic ta lum, tal sjoytayic te na, jajch'ic ta stijel te ti'naile. La yalbeyic te mamal, ja' te yajwal na: —Loq'uesa tel te winic te awula'e. Ya jc'an ya join jbajtic ta wayel soc —xiic.

Bible in Tzeltal Bachajón

²² Pero c'alal tse'el yo'tanic a, te winiquetic yu'un te pueblo te mero chopol yo'tanic la sjoytayic te na, tulan la stijic te ti'nahil soc hich la yalbeyic te mamal, te yajwal na: Loq'uesa tal te winic te ochem ta ana, scuenta yu'un ya joquin jbahcotic ta wayel soc, xchihic.

Jueces 19:22 Referans Kwoze

1 Corintios 6:9

¿Yu'un bal ma x'ana'ic stojol te mach'atic ma tojuc yo'tanic ma xju' ya yajwalinic te Diose? Ma me slo'layex te awo'tanique, melel ma xju' ya xc'otic tey a te mach'atic ya xyalic ta mulile, te mach'atic ya xch'uunic loc'ombaetique, te mach'atic ya yaiyic mulweje, te mach'atic sc'atp'unej sbaic ta antse, te mach'atic sjoy sbaic ta winiquil te ay bi ya spasbey sbaic ta sbaq'uetalique, te j'eleq'uetique, te mach'atic biq'uit nax yo'tanic yu'un stsobel te sc'ulejale, te jyacubeletique, te j'ixta-c'opetique soc te mach'atic jlo'layej-taq'uinetique. Spisil in to, ma xju' ya xc'o ainuquic tey a ta banti ay ta ajwalinel te Diose.

Jueces 20:5

Ta ajc'ubal la stsob sbaic tel te winiquetic yu'un te lume. La sjoytayic te na te banti ayon, yu'un snopojic te ya smilonique. Soc la yuts'inbonic te cantse, ja' to c'alal laj yu'unic.

Deuteronomio 13:13

winiquetic tey a te xc'axintaybeyejic smandal te Diose, soc te ya yac'beyex jowejuc awo'tanic, te ya sujex ta xch'uunel yantic diosetic te ma x'ana'beyic sbae,

Judas 1:7

Jich bit'il te lum Sodoma soc Gomorra soc te yan lumetic te ayic ta sjoylejale, pajalic soc te ch'ul abatetic te la calixe. La sle smulic ta sbaq'uetalic. C'aic ta spasel te sjoy sbaic nax ta winiquil te ya yuts'inbey sbaic sbaq'uetalique. Ja' in lumetic to, ja' ejemplo ta stojol spisil ants-winiquetic te ac'botic castigo ta c'ajc' sbajt'el q'uinal.

2 Corintios 6:15

¿Jun bal yo'tan sba soc Cristo te Satanase? ¿Ya bal snujp'in sba soc te mach'a xch'uunej Dios te mach'a ma xch'uunejuque?

1 Samuel 25:25

Ma x'awich' ta wenta te Nabal, mero amen yo'tan. Melel jich yo'tan te bit'il c'oem te sbiile, yu'un nix ma'yuc bi ya sna' a. Yu'un nix mero amen yat'el a, spisil ora jich ya spasulan. Te jo'on abaton awu'une ma ba la quil te abatetic awu'un la aticun tele.

1 Samuel 2:12

Te snich'nab Elí mero amen yo'tanic, ma ba la yich'ic ta muc' te Cajwaltique,

Jueces 16:25

Bin nax yo'tanic ta jyalel, la sc'anic te yacuc yiq'uic loq'uel tel te Sansón, swenta yu'un bayal bitic ya yac'bey spas ta swenta tse'luyel. La sloq'uesic tel ta cárcel, la yac'beyic swocol ta labanel. La yac' tejc'ajuc ta olilal ta bay cheb muc'ul oyetic yu'un templo.

Oseas 10:9

Ya yal te Cajwaltique: —Te Israel ma ba ya scom sba ta sleel smul, ja' to c'alal jajch' tel ta spasel ta Gabaa. Te smulic stalel ay soc. Jich yu'un ya me xtaotic yu'un guerra te mach'atic amenic ta Gabaa.

Oseas 9:9

Jc'axel la sboltes sbaic ta jyalel, jich bit'il ta yorail sc'aalelal Gabaa. Te Cajwaltic ya sna'bey sbolil, soc ya yac'bey castigo yu'un te smulique.

1 Samuel 10:27

Pero te mach'atic amen yo'tanic, te spisil nax bi ya xloc' ta yeique, jich la yalic: —Eha. ¿Ja' bal ya scoltayotic? —xiic. Ma'yuc swentail ta yo'tanic, ma ba la yich'ic ta muc', pero te Saúl jich yilel te ma ba la yaiye.

1 Samuel 1:16

Ma me xacuyon ta amen ants, tatic, yacon me ta sc'oponel Dios scaj te ma xcujch'ix ya caiy te jwocole —xi'.

1 Reyes 21:10

Soc leaic cheb lotil testigoetic, ya me anajc'anbey ta stojol, albeyaic ac'a slebeyic smul. Ac'a yalic te la yixtac'optay Dios soc la yixtac'optay te muc' ajwalil. Patil ic'aic loq'uel, milaic ta ch'ojel ta ton”, xi' te ts'ibubile.

Ezequiel 16:46

Ta stojol norte ay a te awixe, ja' te lum Samaria soc te ch'in lumetic yu'une. Ta stojol sur ay te awijts'ine, ja' te lum Sodoma, ja' nix soc te ch'in lumetic yu'une.

Jueces 20:6

Jich yu'un la jtsacbey te sbaq'uetal, la jbojbey, la jpucbey bael ta spamal te jlumaltique, swenta yu'un spisil me Israel ya yaiyic stojol te bila mero c'ax amen c'ot ta pasele.