Jueces 19:20 - Bible in Tzeltal de Oxchuc y Tenejapa

²⁰ Te mamal la sjac': —Bin nax me co'tan te talemate. Jo'on ya jwentain spisil te bitic ya xtuun awu'une. Ma xcac' te tey ya xc'ax ajc'ubal awu'un ta parque —xi'.

Bible in Tzeltal Bachajón

²⁰ Ha yu'un la yal te mamal: Lamaluc me awo'tan. Ho'on ya ca'bat spisil te bintic ya xtuhun awu'un, ha nax ma me xc'ax ahc'abal awu'un ta plaza, xchi.

Jueces 19:20 Referans Kwoze

Jueces 6:23

Ja'uc me to, te Cajwaltic la sjac': —Ma me xiwat, ma ba ya xlajat. Lamaluc me q'uinal ya awaiy cu'un —xi'.

1 Juan 3:18

Cal-jnich'nab, ma me sbauc nax jti'tic ya jmulantic yalel te c'ux ya caiy jbajtique. Ac'a me chicnajuc ta cat'eltic te bit'il c'ux ya caiy jbajtic ta melele.

1 Pedro 4:9

Binuc nax me awo'tanic te ya awic' ochel ta anaic te mach'a ya xtal yilexe. Ma me xjajch' ta aiyej awo'tanic yu'un.

Hebreos 13:2

Ma me xch'ay ta awo'tanic te ya awic' ochel ta anaic te mach'atic q'uejel ya xtalique. Melel ay mach'atic la yic' ochel ta snaic ch'ul abatetic te ma la sna'beyic sbae.

Gálatas 6:6

Te mach'a ayic ta p'ijubtesel ta swenta te sc'op Diose, ac'a me yac'bey te bila ya xtuun yu'un te jp'ijubteswanej yu'unique.

1 Corintios 1:3

Ac'a yac'beyex lamal q'uinal ta swenta yutsil yo'tan te Jtatic Diose soc te Cajwaltic Jesucristoe.

Romanos 12:13

Q'uebanbeya abiluquic teme ay bila ma'yuc yu'un te mach'atic ch'ul lum yu'un te Diose. Binuc nax me awo'tan xawiq'uic ochel te mach'a ya xtal yilate.

San Juan 14:27

“Ya cac'beyex jilel lamal q'uinal. Ja' ya cac'beyex jilel te lamal q'uinal cu'une. Ma pajaluc soc te bit'il ya yac' te balumilale. Ma me xawac' woclajuc awo'tanic soc ma me xiw awo'tanic.

1 Crónicas 12:18

Jich yu'un te Amasai, te jtsobwanej yu'un te lajuneb xcha'winic (30) ta jtule, ja' u'uninbil yu'un te espíritu, jich la yal: —¡David, lamaluc q'uinal ta atojol, ja'at te snich'anat Isaí! ¡Lamaluc me q'uinal ta atojol! ¡Lamaluc me q'uinal ta atojol soc ta stojol te mach'atic ya scoltayate, melel scoltayejat te Dios awu'une! —xi' ta yalel. Te David la yic' ta stojol, soc la yac'bey yat'elic soc te yantic jtsobwanejetic yu'un te soldadoetique.

1 Samuel 25:6

jich ya xc'o awalbeyic: “Hermano, mero bin nax co'tan ya jticunbat spatil awo'tan soc awinam soc spisil mach'atic ay awu'un. Buen bayal yutsil co'tan awu'unic teme lec ayex ta apisilique.