Jueces 19:16 - Bible in Tzeltal de Oxchuc y Tenejapa

¹⁶ Ja'uc me to, ajc'ubalix a te c'ax tel jtul mamal te sujt' tel ta yat'el ta sc'al. Te mamal ay ta witstiquil yu'un Efraín, ja' nax yu'un te talem ta nainel ta Gabaa, melel te mach'atic nainemic ta lum ja'ic te mach'atic sts'umbal Benjamín.

Bible in Tzeltal Bachajón

¹⁶ Pero ahc'abalix a c'ax tal jtuhl mamal te yac ta suhtel tal ta ya'tel ta q'uinal. Te mamal talem ta witsiltic yu'un Efraín, jyanlum te ay ta nahinel ta Gabaa; te mach'atic nahinemic tey a ha snich'nab Benjamín.

Jueces 19:16 Referans Kwoze

Salmos 104:23

Jich ya xloc' tel te ants-winiquetic, ya x'ochic ta at'el, ya x'at'ejic ja' to c'alal smalel c'aal.

Jueces 19:1

Te c'alal ma'yuc ajwalil ta Israel, ay jtul levita-winic te c'ubul to nainem ta witstiquil yu'un Efraín. Te levita-winic la yic' yantsin jtul ants ay ta Belén ta sq'uinal Judá.

2 Tesalonicenses 3:10

Melel te c'alal ayotic ta awolilique, jich la calbeyex mandal: “Te mach'a ma sc'an x'at'eje, ma me xwe'”, xootic.

Efesios 4:28

Te mach'a ya x'elc'aje, ma me xyaiyix te elec'. Ac'a at'ejuc soc sc'ab ta spasel te bila lec ta pasele, swenta yu'un jich me ay bi ya xju' yu'un ya yac'bey te mach'a ay bila ma'yuc yu'une.

Eclesiastés 5:12

Te mach'a ya x'at'eje, manchuc me bayal ya xwe' o ma'yuc bayal ya xwe', pero jun me yo'tan ya xway spisil ora stuquel. Yan stuquel te jc'uleje, ma x'ac'ot ta wayel yu'un stuquel te sc'ulejale.

Eclesiastés 1:13

Soc sp'ijil co'tan la cat'elin yilel soc snopel spisil te bitic ya yich' pasel ta balumilal. Ja' jich ay te bit'il Dios yac'ojbey yijc'ats te winiquetic, swenta yu'un ya yac' bic'tajuc ta stojol.

Proverbios 24:27

Ac'a ap'olmal ta calle, pasa awat'el ta aq'uinal; patil ya me xju' awu'un spasel ana.

Proverbios 14:23

Ta spisil te bila ya xc'ax swocol ta spasel, ay me bila lec ya xloc' yu'un a; yan te puro c'ope, ya yac' me'balil yu'un stuquel.

Proverbios 13:11

Te c'ulejalil te ora nax ya xtoye, ya xpejc'aj bael; yan te mach'a c'unc'un ya stsobe, ya xmuc'ub bael yu'un stuquel.

Salmos 128:2

Jun me awo'tan ya atuun te bila ya ata ta awat'ele; bin nax me awutsil soc t'ujbil me ya x'ainat spisil ora.

Jueces 19:14

Jich a cha'beenic xan bael. C'alal ch'ay bael te c'aal, c'otic ta Gabaa, ja' jpam lum yu'un te sts'umbal Benjamín.

Génesis 3:19

Buen chic' ya x'ac'botat te bit'il ya ata awe'ele, ja' to te c'alal ya sujt'at ta lumq'uinal, melel ta ts'ubil lum pastajat, ja' nix jich ts'ubil lum ya sujt'at —xi' te Diose.

Jueces 19:15

La yijq'uitayic jilel te be, ochic bael ta Gabaa swenta yu'un tey ya xc'ax ajc'ubal yu'unic a. Tey c'o snajc'an sbaic ta parque, melel ma'yuc mach'a ya x'ac'bot swayib yu'un.

Jueces 19:17

Te c'alal la yil te mamal te jbeome, la sjojc'obey: —¿Banti talemat, soc banti ya xbaat? —xi' te mamale.

Oseas 9:9

Jc'axel la sboltes sbaic ta jyalel, jich bit'il ta yorail sc'aalelal Gabaa. Te Cajwaltic ya sna'bey sbolil, soc ya yac'bey castigo yu'un te smulique.