Jueces 19:15 - Bible in Tzeltal de Oxchuc y Tenejapa

¹⁵ La yijq'uitayic jilel te be, ochic bael ta Gabaa swenta yu'un tey ya xc'ax ajc'ubal yu'unic a. Tey c'o snajc'an sbaic ta parque, melel ma'yuc mach'a ya x'ac'bot swayib yu'un.

Bible in Tzeltal Bachajón

¹⁵ Ha yu'un la yihquitayic hilel te be, ochic bahel ta Gabaa scuenta yu'un tey ya xc'ax ahc'abal yu'unic a. La shuhcan sbahic ta plaza yu'un te pueblo, yu'un mayuc mach'a ic'otic ochel ta na yu'un ya xc'ax ahc'abal yu'unic tey a.

Jueces 19:15 Referans Kwoze

Jueces 19:18

Te levita-winic la sjac': —C'axel nax ayotic. Talotic ta Belén ta sq'uinal Judá, ya xbootic ta c'ubul witstiquil yu'un Efraín, tey nainemon a. Xc'otucon ta Belén, yo'tic ya sujt'onix bael ta jna. Ja'uc me to, ma'yuc bay jtaoj li'to te mach'a ya yic'on ta wayel ta sna.

Hebreos 13:2

Ma me xch'ay ta awo'tanic te ya awic' ochel ta anaic te mach'atic q'uejel ya xtalique. Melel ay mach'atic la yic' ochel ta snaic ch'ul abatetic te ma la sna'beyic sbae.

San Mateo 25:43

Soc te bit'il q'uejel talemon la awile, ma la awic'on ochel ta ana. Soc te bit'il ma'yuc jc'u'-jpac' la awile, ma la awac'bon. Soc te bit'il ayon ta chamele, soc te bit'il ayon ta chucjibal la awile, ma ba tal awilon tey a”, ya me yut.

San Mateo 25:35

Melel te c'alal ayon ta wi'nale, la amac'linon. Soc te c'alal ay taquinti'il la caiye, la awac'bon ja' cuch'. Soc te q'uejel talemon la awile, la awic'on ochel ta ana.

Jueces 19:14

Jich a cha'beenic xan bael. C'alal ch'ay bael te c'aal, c'otic ta Gabaa, ja' jpam lum yu'un te sts'umbal Benjamín.

Jueces 19:16

Ja'uc me to, ajc'ubalix a te c'ax tel jtul mamal te sujt' tel ta yat'el ta sc'al. Te mamal ay ta witstiquil yu'un Efraín, ja' nax yu'un te talem ta nainel ta Gabaa, melel te mach'atic nainemic ta lum ja'ic te mach'atic sts'umbal Benjamín.

Jueces 20:4

Te levita-winic, te smamlal te mach'a laje, la yal: —C'oon soc cants ta lum Gabaa te ay ta sq'uinal sts'umbal Benjamín, te tey ya xc'ax ajc'ubal cu'un a.