Jueces 18:9 - Bible in Tzeltal de Oxchuc y Tenejapa

⁹ —Beenotic ta yilel te q'uinal, la quiltic te mero lec. ¡Ja' lec teme ya xjajch'otic ta beele, ya xba quil jbajtic soc! ¡Ma me xanajc'an abaic te xujt' ma'yuc bi ya ac'an apasique! ¡Ac'a ba yich' pojel te q'uinale!

Bible in Tzeltal Bachajón

⁹ Conic, ya ca'betic guerra, yu'un behenotcotic ta yilel te q'uinal, la jquilcotic te mero lec. ¿Ma bal ayuc bin yac apasic? Ma me xch'ajubex te ya xbaht awich'ic te q'uinale.

Jueces 18:9 Referans Kwoze

Números 13:30

Jich yu'un te Caleb la scom ta c'op te lum te ayic ta stojol Moisés, jich la yal: —¡Ya me xba cu'unintic te q'uinale! ¡Ya xju' cu'untic yich'el! —xi'.

Josué 18:3

Jich yu'un te Josué la yalbey te israeletic: —¿Bi ya amaliyic xan? Ochan, u'uninaic te q'uinal te yac'ojbotiquix te Cajwaltic te Dios yu'un te antiguo jme'-jtatique.

San Juan 6:27

Ma me ja'uc xawat'elinic sleel te awe'elic te lajel lajel aye. Ja' ya sc'an ya awat'elinic sleel te awe'elic te stalel ma xlaj sbajt'el q'uinale te ja' ya yac'beyex te Nich'anile, melel te Jtatic Diose la yaq'uix ta ilel te bin nax yo'tan yu'une —xi' te Jesuse.

1 Reyes 22:23

Yo'tic tey me ya ana'ix te Cajwaltic yac'ojbey espíritu yu'un pas-lot ta yeic spisilic te j'alwanejetic awu'une, melel ay ta yo'tan te Cajwaltic te ya sjinat ta jc'axele —xi' te Micaías.

1 Reyes 22:3

Te muc' ajwalil yu'un Israel jich la yalbey te j'at'eletic yu'une: —Ana'ojic te cu'untic te lum Ramot ta sq'uinal Galaad. Lec ay jiche, ¿bi yu'un ma ba ya jletiquix bi ya jpastic yu'un a te ya jpojbeytic ta sc'ab te muc' ajwalil yu'un Siria yu'unineje? —xi'.

2 Samuel 10:12

Ma me xiwat. Ta spisil me co'tantic ya cac'tic puersa ta guerra ta swenta scoltayel te nación cu'untique, ja' te lumetic yu'un te Dios cu'untique. Ja' me ac'a spas te bi lec ta pasel ya yil te Cajwaltique —xi'.

1 Samuel 4:9

Chajbana abaic soc te awat'ejibic, ayuc me yip awo'tanic, soldado-filisteoetic. Ac'aic puersa, ma me xawac' stsalex, soc ma me x'ochotic ta mozoinel yu'un te hebreoetic, jich te bit'il ayic ta mozoil cu'untic te jo'otique —xiic ta aw.

Jueces 18:8

Te jo'tul jtsajtaywanejetic sujt'ic bael ta Zora soc Estaol ta bay te sjo'taque. C'otic ta jojc'oyel yu'unic: —¿Bi yilel? —xi' sc'oplalic. La sjaq'uic:

Jueces 18:10

C'alal ya xc'ootic tey a, ya me jtatic te ants-winiquetic te ma'yuc bi chican ta sc'opique. Bayal sq'uinalic, mero ma'yuc bi falta ya yaiyic. Dios me ya yac'beyex awu'uninic te q'uinale —xiic.