Jueces 18:8 - Bible in Tzeltal de Oxchuc y Tenejapa

⁸ Te jo'tul jtsajtaywanejetic sujt'ic bael ta Zora soc Estaol ta bay te sjo'taque. C'otic ta jojc'oyel yu'unic: —¿Bi yilel? —xi' sc'oplalic. La sjaq'uic:

Bible in Tzeltal Bachajón

⁸ C'alal suhtic tal te ho'tuhl winiquetic ta stojol te yermanotac ta Zora soc Estaol, c'ohtic ta joc'obeyel yu'unic: ¿Bin yilel? xchihic. Hich la sjaq'uic:

Jueces 18:8 Referans Kwoze

Jueces 18:11

Olil xcha'bajc' (600) ta jtul winiquetic te sts'umbal Dan loq'uic bael ta Zora soc Estaol, buen chapalic bael soc yat'ejibic.

Jueces 18:2

Jich yu'un te mach'atic yu'un Dan la sticunic jajch'el ta Zora soc Estaol jo'tul winiquetic te ma xiwic, swenta yu'un ya xba stsajtayic te q'uinale, yu'un jich me ya sna'ic te bi yilele. Te jo'tul winiquetic bajt'ic ta witstiquil yu'un Efraín, c'otic ta sna Micaía, tey c'ax yu'unic a te ajc'ubale.

Jueces 16:31

Ta patil tal spisil te yermanotac soc xchapomal yu'un te Sansón, la yich'beyic bael te sbaq'uetale. La smucbeyic tey a ta bay olil ay yu'un lumetic Zora soc Estaol, ja' te bay smuquenal Manoa, ja' te state. Jtab ja'wil ay ta juez yu'un te israeletique.

Jueces 13:2

Ay jtul winic Manoa sbiil te nainem ta lum Zora te ay ta sq'uinal sts'umbal Dan. Te yinam ma'yuc alajem jtuluc, yu'un nix ma x'alaj a.

Josué 15:33

Te lumetic te c'ot ta swentaic ta bay spamlej, ja' te Estaol, Zora, Asena,

Jueces 18:7

Te jo'tul jtsajtaywanejetic bajt'ic ta lum Lais. Te yajwal lum ma'yuc bi ay swocol ya yaiyic yu'un, jich bit'il stalel te sidonetique. Jun nax yo'tanic nainemic tey a, lamal nax q'uinal ta stojolic, ma'yuc mach'a ya x'uts'inotic yu'un, ma'yuc falta ta stojolic. Najt' yiloj sba soc te lum Sidón, ma'yuc mach'a jun yo'tan sba soc.

Jueces 18:9

—Beenotic ta yilel te q'uinal, la quiltic te mero lec. ¡Ja' lec teme ya xjajch'otic ta beele, ya xba quil jbajtic soc! ¡Ma me xanajc'an abaic te xujt' ma'yuc bi ya ac'an apasique! ¡Ac'a ba yich' pojel te q'uinale!