Jueces 18:7 - Bible in Tzeltal de Oxchuc y Tenejapa

⁷ Te jo'tul jtsajtaywanejetic bajt'ic ta lum Lais. Te yajwal lum ma'yuc bi ay swocol ya yaiyic yu'un, jich bit'il stalel te sidonetique. Jun nax yo'tanic nainemic tey a, lamal nax q'uinal ta stojolic, ma'yuc mach'a ya x'uts'inotic yu'un, ma'yuc falta ta stojolic. Najt' yiloj sba soc te lum Sidón, ma'yuc mach'a jun yo'tan sba soc.

Bible in Tzeltal Bachajón

⁷ Hich loq'uic bahel te ho'tuhl winiquetic, bahtic ta Lais. La yilic te jun yo'tan nahinemic te ants-winiquetic ta pueblo tey a, lamal yo'tanic, hich te bin ut'il stalel te sidonetic, mayuc mach'a ya x'uts'inotic yu'un, soc ma ba cuentahimbilic yu'un yantic. Soc namal yiloj sbahic soc te sidonetic, stuquel ayic.

Jueces 18:7 Referans Kwoze

Josué 19:47

Ja'uc me to, ma ba tic' a loc' te q'uinale, jich yu'un ja' ba yac'beyic guerra te lum Lesem. Jich la yich'ic te q'uinal te c'alal lajix yo'tanic ta smilel ta spisil te mach'atic nainemique. Jich jilic ta nainel tey a. La sjelbeyic sbiil, Dan c'ot yu'unic swenta yich'jibal ta muc' yu'unic te antiguo statique.

Apocalipsis 18:7

Te jich yipal la stoy sba soc te jich yipal la slajin sc'ulejal ta spasel te bila smulanej te sbaq'uetale, jich nix yipal ac'a c'axuc swocol ta uts'inel soc ta oq'uel. Melel jich ya yal ta yo'tan te muc'ul lume: ‘Jo'on muc' antsil-ajwalilon. Ma'yuc bi ora te ya xjilon ta me'ba antse. Ma xquil jwocol ta oq'uel jtuquel’, te xi' ta yo'tane.

1 Pedro 2:14

jich nix te gobernadoretique te ja' ticunbilic ta yaq'uel castigo ta stojol te mach'atic amen te bila ya spasique, soc te lec sc'oplal ya yalbeyic te mach'a lec te bila ya spasique.

Romanos 13:3

Melel te mach'atic yich'oj tulan yat'elique, ma ja'uc yich'oj yat'elic ta xiwtesel te mach'atic lec yat'elique. Ja' ya xiwtesic te mach'atic amenique. Teme ya ac'anic te ma ba ya xiwex ta stojol te ajwaliletique, pasaic me te bila leque. Jich me lec ac'oplalic yu'un.

1 Reyes 1:6

Te stat ma'yuc bi ora comot yu'un c'alal ta yalalil to tel, soc ni ayuc bi ora la sjojc'obey bi yu'un te jich ya spase. Te Adonías ja' patilix ayinem, ja' neel ayinem te Absalón. Buen t'ujbil winic te Adonías.

1 Samuel 3:13

La calbeyix yaiy te ya cac'bey castigo sbajt'el q'uinal te mach'atic ay yu'une ta scaj te bitic amen spasojic, te sna'ojixe. Melel te snich'nabe la sboltesbonic jc'oplal. Te Elí ma ba la scom te snich'nabe.

Jueces 18:6

Te sacerdote la sjac': —Junuc me awo'tanic ya xbaex. Te Cajwaltic ya me yilex bayuc ya xbaex —xi' te levitae.

Jueces 18:8

Te jo'tul jtsajtaywanejetic sujt'ic bael ta Zora soc Estaol ta bay te sjo'taque. C'otic ta jojc'oyel yu'unic: —¿Bi yilel? —xi' sc'oplalic. La sjaq'uic:

Jueces 18:29

Te lume Lais sbiil ta neelal, Dan sbiil c'otix yu'unic. Ja' yich'jibal ta muc' te antiguo static te sbiil nixe, te snich'an Israel.

1 Reyes 16:31

Melel ma'yuc sc'oplal ta yo'tan te la spas te muliletic la spas te Jeroboam snich'an Nabat. C'axem to xan jich a te bi la spas te Acabe c'alal nujbin soc Jezabel yantsil-nich'an Et-baal, muc' ajwalil ta Sidón. Jich jajch' xch'uun soc jajch' yalbey wocol te Baal.

1 Crónicas 4:40

Tey la stabeyic bayal swe'elic a te xchamsbalamique, mero uninic te aque. Buen muc' te q'uinale, ma'yuc c'op yu'un, soc ma'yuquic ta controinel tey a. Tey nainemic ta neelal a te sts'umbal Cam;

Jeremías 49:31

Jo'on Ajwalilon, ya jpasex ta mandal: Jajch'anic, ac'beyaic guerra te lume te lamal nax q'uinal ya yaiyic soc te jun nax yo'tanique. Ni ma'yuc sts'ajc'ul, ni smajq'uil taq'uin yu'un, jich nax stuquel ay ta jyalel.