Jueces 18:6 - Bible in Tzeltal de Oxchuc y Tenejapa

⁶ Te sacerdote la sjac': —Junuc me awo'tanic ya xbaex. Te Cajwaltic ya me yilex bayuc ya xbaex —xi' te levitae.

Bible in Tzeltal Bachajón

⁶ Te sacerdote la sjac': Junuc me awo'tanic ya xbahex. Ay ta stojol Jehová te be banti yaquex ta bahele, xchi.

Jueces 18:6 Referans Kwoze

1 Reyes 22:6

Te muc' ajwalil yu'un Israel la stsob j'alwanejetic te jteb ma sta jbajc' ta jtule. La sjojc'obey ta spisilic: —¿Ya bal xju' ya cac'bey guerra te lum Ramot-ta-Galaad, o ma xju'? —xi'. La sjaq'uic: —Ac'beya guerra, te Cajwaltic ya me yac'bat ta ac'ab —xiic.

1 Tesalonicenses 3:11

Co'tantic te yacuc yic'otic ta beel tey a te banti ayex te Jtatic Diose soc te Cajwaltic Jesucristoe.

Jeremías 23:32

Ya me cal ta jamal te ya jcontroin te j'alwanejetic to te ya xcholic slotil waichique; ta swenta te lotetic soc c'opetic te ya spasic te ya sjowtesbonic te lum cu'une. Ma'yuc bay jc'oponej, ni ma'yuc bay jticunej, ni ma'yuc bay calojbey mandal jtebuc, jich ma xju' yu'unic scoltayel te lume. Jo'on Ajwalilon, jich ya cal.

Salmos 33:18

Yan te Cajwaltic spisil ora ya scanantay te mach'atic ya yich'ic ta muc' soc te ja' smuc'ulinej yo'tanic te xc'uxul yo'tane,

1 Reyes 22:15

C'ot ta stojol te muc' ajwalile, jojc'obot yu'un: —Micaías, ¿ya bal xju' ya cac'beytic guerra te lum Ramot-ta-Galaad, o ma xju'? —la yut. Te Micaías la sjac': —Ac'beya guerra, ya me awaiy tsalaw, melel ya me yac'bat ta ac'ab te Cajwaltique —xi'.

1 Reyes 22:12

Spisil te yantic j'alwanejetic jich yacal yalelic uuc. Jich la yalbeyic te muc' ajwalile: —Ac'beya guerra te lum Ramot-ta-Galaad, ya me awaiy tsalaw, melel ya me yac'bat ta ac'ab te lum te Cajwaltique —xiic.

Deuteronomio 11:12

Te lumq'uinale ja' nix te Cajwaltic te ya scanantaye, yac'oj sit ta stojol ta sjunal ja'wil.

Jueces 18:5

Jich yu'un la yalbeyic: —Jojc'obotic ta stojol Dios teme lec ya xbeenotic baele, swenta yu'un ya me jna'tic stojol —xiic.

Jueces 18:7

Te jo'tul jtsajtaywanejetic bajt'ic ta lum Lais. Te yajwal lum ma'yuc bi ay swocol ya yaiyic yu'un, jich bit'il stalel te sidonetique. Jun nax yo'tanic nainemic tey a, lamal nax q'uinal ta stojolic, ma'yuc mach'a ya x'uts'inotic yu'un, ma'yuc falta ta stojolic. Najt' yiloj sba soc te lum Sidón, ma'yuc mach'a jun yo'tan sba soc.

1 Samuel 1:17

Te Elí la yal: —Baan, jun awo'tan xbaat. Ac'a yac'bat te Dios cu'untic te israelotic te bi la ac'anbey ta stojole —xi'.

Éxodo 4:18

Moisés sujt' bael ta sna te snialmamale, ja' te Jetro. Jich la yal: —Ya sujt'on bael ta Egipto ta bay ayic te jlumale. Ya jc'an xba quil teme cuxulic toe —xi'. —Baan, jun me awo'tan ya xbaat —xi' te Jetro.