Jueces 18:27 - Bible in Tzeltal de Oxchuc y Tenejapa

²⁷ soc te biluc pasbil yu'un Micaía, soc te sacerdote yu'une, c'otic ta lum Lais. Te mach'atic tey a lamal nax yo'tanic, soc ma'yuc bi chican ta sc'opic. Ja'uc me to, te danetic la smilic ta puñal ta spisil, soc la xchiq'uic te lume.

Bible in Tzeltal Bachajón

²⁷ La yich'beyic bahel te sbiluc Micaía te spasoj, soc te sacerdote yu'un, c'ohtic ta Lais, te pueblo te lamal yo'tanic soc te mayuc ta yo'tanic te ya xtal uts'inele. La smilticlanic ta espada soc la schiq'uic te pueblo.

Jueces 18:27 Referans Kwoze

Jueces 18:7

Te jo'tul jtsajtaywanejetic bajt'ic ta lum Lais. Te yajwal lum ma'yuc bi ay swocol ya yaiyic yu'un, jich bit'il stalel te sidonetique. Jun nax yo'tanic nainemic tey a, lamal nax q'uinal ta stojolic, ma'yuc mach'a ya x'uts'inotic yu'un, ma'yuc falta ta stojolic. Najt' yiloj sba soc te lum Sidón, ma'yuc mach'a jun yo'tan sba soc.

Josué 19:47

Ja'uc me to, ma ba tic' a loc' te q'uinale, jich yu'un ja' ba yac'beyic guerra te lum Lesem. Jich la yich'ic te q'uinal te c'alal lajix yo'tanic ta smilel ta spisil te mach'atic nainemique. Jich jilic ta nainel tey a. La sjelbeyic sbiil, Dan c'ot yu'unic swenta yich'jibal ta muc' yu'unic te antiguo statique.

Jueces 18:10

C'alal ya xc'ootic tey a, ya me jtatic te ants-winiquetic te ma'yuc bi chican ta sc'opique. Bayal sq'uinalic, mero ma'yuc bi falta ya yaiyic. Dios me ya yac'beyex awu'uninic te q'uinale —xiic.

Josué 11:11

soc spisil te mach'atic nainemic tey a. Spisil la slajinic jilel ta jc'axel, soc la xchiq'uic te lume.

Deuteronomio 33:22

Sc'oplal Dan, jich la yal: —Te Dan jich c'oem te bit'il yal león-choj te ya xwil tel c'alal ta Basán —xi'.

Génesis 49:16

“Te Dan, ya me xmandalaj ta ajwalil ta stojol te mero slumale, jich bit'il spisil ta jchajp sts'umbal Israel.

Jueces 18:26

Te Micaía la yil te mero bayalic ta jyalel, jich sujt' bael ta sna. Te danetic beenic bael

Jueces 8:11

Te Gedeón mo bael ta be te ay ta sti'il te jochol taquin q'uinal, ta stojol sloq'uib c'aal ta Noba soc Jogbeha. Och yac'beyic guerra soc ta scampamentoic, ch'ayemix yo'tanic a.