Jueces 18:24 - Bible in Tzeltal de Oxchuc y Tenejapa

²⁴ Te Micaía la sjac': —Ja'ex la awich'bonic bael te diosetic cu'un te jpasoje, soc te sacerdote cu'une, xujt' ma'yuc bi la awijq'uitayboniquix. Yacalex me ta jelawel ta c'op te ya ajojc'obonic te bila ya jpase —xi'.

Bible in Tzeltal Bachajón

²⁴ La sjac' te Micaías: Ha'ex la awich'bonic bahel te diosetic jpasoj soc te sacerdote cu'un, hich ya xloq'uex bahel. ¿Bin ya xhil xan cu'un? ¿Bin yu'un hich yac ajoc'obon: Bin la apas? xchi.

Jueces 18:24 Referans Kwoze

Salmos 115:8

Ja' nix pajal c'oemic soc te loc'ombaetic te mach'atic la spasic, soc te mach'atic xch'uunejique.

Apocalipsis 17:2

Te muc' ajwaliletic ta balumilale, yaiyojiquix mulwej soc. Soc spisil te mach'atic cuxajtic ta balumilale, yacubenic yu'un te svinoe, ja' bi, sboltesej sbaic soc ta swenta te smulweje —la yuton.

Hechos 19:26

Ja'uc me to, awilojiquix soc awaiyojic stojol te bila yac ta yalel te Pabloe. Bayuc nax ya yal te ma ja'uc Dios te bila pasbil ta jc'abtic naxe, soc la yac' c'otuquix ta yo'tanic tsobol ta jtul te jlumaltique soc ta spamal sq'uinal te Asiae.

Ezequiel 23:5

Te Ahola, ma junuc yo'tan la yac' sba ta jtojol, bajt' yo'tan ta stojol te mach'atic mulanot yu'une, ja'ic te soldado-asiriaetique.

Jeremías 51:17

Bol yo'tanic, ma sna'ic q'uinal ta spisil te ants-winiquetique. Te mach'a ya spas te loc'ombaetic ya me staic q'uexlal yu'un; melel puro lo'laywanej te yat'ele, ma ba cuxul te loc'omba ya spase.

Jeremías 50:38

Ay me guerra ta stojol te ja'etique, ac'a taquinajuc. Melel te Babilonia, ja' te jpam lum soc yajcanan te xiweltic sba soque, scaj te yajcananic te ch'ayemix ta q'uinal yu'une.

Jueces 17:13

Te Micaía la scuy te mero ay bendición ta stojol yu'un Dios te bit'il ay jtul levita te ay ta sacerdoteil yu'une.

Génesis 31:30

Te bit'il ya ac'an te ya sujt'atix bael ta alumal, yu'un ya xbaatix ta sna atat, jichuc, ma'yuc bi ya calbat yu'un. Ja'uc me to, ¿bistuc awu'un te la awelc'anbon tel spisil te cajcanan te ay ta jnae? —xi'.

Jueces 17:5

Te Micaía ay jtsal na yu'un ta bay ya squejan sba ta stojol te dios yu'une. La spas jun efod soc yajcanan yu'un sna. Ja' la yac' ta sacerdote te jtul snich'ane.

Jueces 18:23

Te danetic la yaiybeyic stojol yaw te mach'atic yacalic ta nutsaw baele. Jich la sujt'es sitic, la sjojc'obeyic te Micaía: —¿Bi la apas? ¿Bistuc bayal ya awawtayotic? —xiic.

Jueces 18:25

Te danetic la sjaq'uic: —Ma me xtoyat soc te ac'ope. Ja' me wocol teme ay ma xcujch' cu'untic te jo'otique, te ya jlajintic acuxlejal te ja'at soc te mach'atic ay awu'une —xiic.

Génesis 31:34

Te Raquel tey snac'ojbey ta nactibinel ta bay yet'al montura yu'un camello te yajcanan te state. Te Labán och slebey spisil sbiluc ay ta snailpac', ma'yuc bi la sta.

2 Crónicas 25:15

Te Cajwaltic ilin ta stojol Amasías, soc la sticunbey j'alwanej ta alel yu'un: —¿Bi yu'un ja' la ale te diosetic yu'un te yan nacione, te ma ju' yu'unic scoltayel te lum yu'un ta ac'abe? —xi' sc'oplal yu'un.