Jueces 18:2 - Bible in Tzeltal de Oxchuc y Tenejapa

² Jich yu'un te mach'atic yu'un Dan la sticunic jajch'el ta Zora soc Estaol jo'tul winiquetic te ma xiwic, swenta yu'un ya xba stsajtayic te q'uinale, yu'un jich me ya sna'ic te bi yilele. Te jo'tul winiquetic bajt'ic ta witstiquil yu'un Efraín, c'otic ta sna Micaía, tey c'ax yu'unic a te ajc'ubale.

Bible in Tzeltal Bachajón

² Ha yu'un te sts'umbal Dan la sticonic hahchel ta Zora soc Estaol ho'tuhl slumalic, winiquetic te ay yip yo'tanic, scuenta yu'un ya stsahtay yilic ta lec te q'uinal, yu'un hich ya sna'ic a bin yilel. Hich halbotic yu'unic: Bahanic, tsahtaya awilic te q'uinal, xchihic. Hich c'ohtic ta witsiltic yu'un Efraín, ta sna Micaía, tey wayic a.

Jueces 18:2 Referans Kwoze

Jueces 13:25

La sta sc'aalelal te jajch' ta at'el ta stojol Sansón te espíritu yu'un te Cajwaltique. Tey c'ot ta pasel ta scampamento te sts'umbal Dan, te olil ay yu'un te lumetic Zora soc Estaol.

Josué 2:1

Te Josué, c'alal ayic ta Sitim la sticun bael cheb jtsajtaywanejetic ta muquen, jich la yalbey: —Baan ilawilic te lum Jericó soc spisil te sq'uinale —xi'. Jich bajt'ic, c'otic ta sna jtul jmulawil ants ta Jericó, Rahab sbiil. Tey c'ax ajc'ubal yu'unic a.

Jueces 18:11

Olil xcha'bajc' (600) ta jtul winiquetic te sts'umbal Dan loq'uic bael ta Zora soc Estaol, buen chapalic bael soc yat'ejibic.

Jueces 18:8

Te jo'tul jtsajtaywanejetic sujt'ic bael ta Zora soc Estaol ta bay te sjo'taque. C'otic ta jojc'oyel yu'unic: —¿Bi yilel? —xi' sc'oplalic. La sjaq'uic:

Números 13:17

Moisés jich la sticun ta stsajtayel te lumq'uinal yu'un Canaán, jich la yalbey bael: —Baanic ta beel ta Néguev, soc moanic bael ta witstiquil.

San Lucas 14:31

Soc teme ay muc' ajwalil te ya sc'an ya xba spas guerra soc te yan muc' ajwalile, ¿ma bal neeluc ya snajc'an sba ta snopel teme ya xju' yu'un soc te lajunmil (10,000) yajsoldado te ya stsal ta guerra te jtab ta jmil (20,000) soldadoetic yu'un te yajcontroe?

Proverbios 20:18

Teme ay bi ya achape, ay me yip ya xc'ot ta swenta te lequil consejo; teme ay ya apas guerra, c'ana neeluc te lequil consejoe.

Jueces 19:18

Te levita-winic la sjac': —C'axel nax ayotic. Talotic ta Belén ta sq'uinal Judá, ya xbootic ta c'ubul witstiquil yu'un Efraín, tey nainemon a. Xc'otucon ta Belén, yo'tic ya sujt'onix bael ta jna. Ja'uc me to, ma'yuc bay jtaoj li'to te mach'a ya yic'on ta wayel ta sna.

Jueces 19:1

Te c'alal ma'yuc ajwalil ta Israel, ay jtul levita-winic te c'ubul to nainem ta witstiquil yu'un Efraín. Te levita-winic la yic' yantsin jtul ants ay ta Belén ta sq'uinal Judá.

Jueces 16:31

Ta patil tal spisil te yermanotac soc xchapomal yu'un te Sansón, la yich'beyic bael te sbaq'uetale. La smucbeyic tey a ta bay olil ay yu'un lumetic Zora soc Estaol, ja' te bay smuquenal Manoa, ja' te state. Jtab ja'wil ay ta juez yu'un te israeletique.

Jueces 13:2

Ay jtul winic Manoa sbiil te nainem ta lum Zora te ay ta sq'uinal sts'umbal Dan. Te yinam ma'yuc alajem jtuluc, yu'un nix ma x'alaj a.

Josué 19:41

Ta sq'uinal ay te lumetic: Zora, Estaol, Ir-semes,

Génesis 42:9

La sna' te José te bi la swaichinej ta namey, jich la yalbey: —Jtsajtaywanejex, ja' tal atsajtay awilic te bit'il ya xju' awu'unic te ya awochintayic te lume —xi'.

Josué 15:33

Te lumetic te c'ot ta swentaic ta bay spamlej, ja' te Estaol, Zora, Asena,

Jueces 17:1

Ta witstiquil yu'un Efraín nainem jtul winic, Micaía sbiil.

Jueces 18:3

C'alal nopol ayic ta sna te Micaía la sna'ic te bi yaiyel sc'op te querem-levitae. Jich la sjojc'obeyic: —¿Mach'a la yic'at tel li'to? ¿Bi yu'un te li' ayate? ¿Bi ya ale? —la yutic.

Josué 2:2

Ja'uc me to, ay mach'a ba yalbey yaiy te ajwalil yu'un te lume. Jich c'o yalbey: —Ay me israel-winiquetic julic in ajc'ubal to, talic me ta stsajtayel te q'uinale —xi'.

Jueces 18:13

Cha'bajt'ic ta witstiquil yu'un Efraín, c'otic ta sna Micaía.