Jueces 18:19 - Bible in Tzeltal de Oxchuc y Tenejapa

¹⁹ La sjaq'uic: —¡Ch'aban nax me! ¡La' me, joinawotic bael! Ya jc'antic xtuunat cu'untic ta sacerdote, soc ya jc'antic jichuc ya xc'oat te bit'il jtatic. ¿Me ja'uc lec ya awaiy te ya xtuunat ta sacerdoteil ta stojol spisil ta jchajp sts'umbal Israel, te ma ja'uc jwol nax na yu'un jtul winique? —xiic.

Bible in Tzeltal Bachajón

¹⁹ Ch'aban me, maca awe ta ac'ab, joquinawotcotic bahel, scuenta yu'un tatil soc sacerdote cu'uncotic ya xc'ohat. ¿Ha bal lec teme sacerdotehat ta sna jtuhl winic o teme sacerdotehat ta stojol jchahp yu'un Israel? xchihic.

Jueces 18:19 Referans Kwoze

Job 29:9

Asta te winiquetic ich'bilic ta muc', ch'abic ta c'op, la spasbey ta ilel seña swenta yu'un ma'yuc mach'a ya xc'opojix a.

Job 21:5

Teme ya awaiybonic ta lec te jc'ope, ya me xmajc' aweic yu'un xiwel.

Jueces 17:10

La yal te Micaía: —Jilan, joinawon. Ja' me sacerdote ya xc'oat cu'un, soc jich me ya xc'oat te bit'il mero jtat. Jo'on ya jtojat lajuneb ta jsejp plata ta jujun ja'wil, soc ya cac'bat ac'u'-apac' soc awe'el —la yut.

Miqueas 7:16

Ac'a me yilic te yantic nacionetic, soc jich me ya xpotsotic yu'un te q'uexlale, manchuc me ay yipic te spisil ya xju' yu'un ta sc'opique. Jichuc ac'a jiluquic te bit'il uma' soc cojc'.

Proverbios 30:32

Teme scaj nax abolil te muc' awac'oj abae, soc teme amen te bila chapal awu'une, nopa me awaiy ta lec:

San Mateo 23:9

Ma me ayuc jtuluc ta balumilal te ya acuyic ta atatic, melel jtul nax te Atatique, ja' te mach'a ay ta ch'ulchane.

2 Reyes 13:14

Te Eliseo taot ta chamel, te ja' ya xway sbaq'uetal yu'un. Te Joás muc' ajwalil yu'un Israel ba yil. La spet ta sc'ab, oc', jich la yal: —Jtat, jtat, te jich c'oemat ta stojol Israel te bit'il jchajp soldadoetic te bayal bitic ya xju' yu'une —xi'.

2 Reyes 6:21

C'alal ilotic yu'un te muc' ajwalil yu'un Israel, la sjojc'obey te Eliseo: —¿Ya bal jmil, tatic, ya bal jmil spisil? —xi'.

Jueces 18:18

C'alal la yil te sacerdote te ochic bael te jo'tul ta sna Micaía, soc te la stsaquic te loc'omba, te efod soc te yajcananic yu'un te sna, jich la yalbey: —¿Bi yacalex ta spasel? —xi'.

Jueces 18:20

Ja' la smulan te sacerdote. La stsac bael te loc'omba, te efod, soc te yajcananic yu'un na, bajt' soc te danetique.