Jueces 18:15 - Bible in Tzeltal de Oxchuc y Tenejapa

¹⁵ Te jtsajtaywanejetic c'axic bael ta stojol te yantique, bajt'ic ta stojol te querem-levita te ay ta sna Micaía, la spatbeyic yo'tan.

Bible in Tzeltal Bachajón

¹⁵ C'alal c'ohtic tey a, ochic bahel ta banti nahinem te levita-querem, ta sna Micaía, soc la sjoc'obeyic teme lec ay.

Jueces 18:15 Referans Kwoze

Génesis 43:27

Te José la sjojc'obey yaiy ta ora teme lec ayic ta spisilique. Soc jich la yal: —¿Ja'xan te atatique, te mamal la awalbonique, lec bal ay? ¿Cuxul to bal? —xi'.

San Juan 14:27

“Ya cac'beyex jilel lamal q'uinal. Ja' ya cac'beyex jilel te lamal q'uinal cu'une. Ma pajaluc soc te bit'il ya yac' te balumilale. Ma me xawac' woclajuc awo'tanic soc ma me xiw awo'tanic.

2 Reyes 4:26

Animajan, baan c'opona, jojc'obeya teme lec aye, soc teme lec ay te smamlal soc te yale —la yut. Te abate bajt', pero te ants la yal te lec ayique.

1 Samuel 17:22

Te David la yac'bey jilel te bitic yich'oj ta sc'ab te mach'a swentainej at'ejibaletic yu'un guerra soc te we'eliletique, ora bajt' ta animal. Och ta yolil te banti xcholoj sbaic te soldadoetic, swenta yu'un ya me sjojc'obey teme lec ayic te sbanquiltaque.

Génesis 37:14

Jich yu'un albot bael yu'un te state: —Baan, ilawil teme lec ay te abanquiltaque, soc teme lec ay te jchijtique. Ya me xtal awalbon caiy te bi yilelique —xi'. Jich la sticun loq'uel ta Hebrón, bajt' ta Siquem.

Jueces 18:14

Te jo'tul jtsajtaywanejetic te yilojiquix te q'uinal ta lum Lais, la yalbeyic te sjo'tac: —¿Ya bal ana'ic te ay bila li'to? Ja' te na lum ay to, ay efod soc yajcananic ta na, soc loc'omba te buen pasbil ta plata. ¿Bi ya ac'an apasic yu'un? —xiic.

Jueces 18:16

Yacalic ta maliywanej ta ti'ts'ajc' te lajunwinic xcha'bajc' (600) soldado-danetic te chapalic ta lec soc te yat'ejibique.

1 Samuel 17:18

Soc ich'beya bael lajunpejch' queso yu'un smajt'an te comandante yu'unic. Ya me awil te abanquiltac teme lec ayique. Ich'bon tel quil seña te bit'il lec ayique —xi' te Isaí.