Jueces 18:12 - Bible in Tzeltal de Oxchuc y Tenejapa

¹² C'otic ta sq'uinal Judá, la spas scampamentoic tey a ta stojol smalib c'aal yu'un Queriat-jearim, ta bay “Campamento yu'un Dan”, xi' sbiil yu'unic c'alal ora yo'tic.

Bible in Tzeltal Bachajón

¹² Baht spas scampamentohic ta Queriat-jearim ta sq'uinal Judá. Ha scuentahil te Campamento yu'un Dan sbihil c'oht te lugar te ay ta stojol smahlib c'ahc'al yu'un Queriat-jearim c'alal ora.

Jueces 18:12 Referans Kwoze

Jueces 13:25

La sta sc'aalelal te jajch' ta at'el ta stojol Sansón te espíritu yu'un te Cajwaltique. Tey c'ot ta pasel ta scampamento te sts'umbal Dan, te olil ay yu'un te lumetic Zora soc Estaol.

Josué 15:60

Te lumetic Quiriat-baal (Quiriat-jearim yan sbiile) soc Rabá, soc te ch'in lumetic yu'unique.

2 Crónicas 1:4

Ja'uc me to, te David talemix yu'un ta Jerusalén te cajón yu'un Dios c'alal ta lum Quiriat-jearim, ja' to ta bay chajbanbil yawil yu'une, melel pasbilix nailpac' yu'un ta Jerusalén.

1 Samuel 7:1

Jich bajt'ic te yajwal lum Quiriat-jearim, la yich'ic bael te cajón yu'un Cajwaltic, c'o yaq'uic ta sna Abinadab, te ay ta ch'in witse. Jich ora la yac'beyic yich' tulan yat'el ta stojol Dios te snich'ane, te Eleazar, swenta yu'un ja' ya scanantay te cajón yu'un te Cajwaltique.

Josué 9:17

Jich loc' sleic. Ta yoxebal c'aal c'otic ta bay te lumetic yu'unique, ja'ic te Gabaón, Cafira, Beerot soc Quiriat-jearim.

Josué 15:9

La yac' buelta ta jolwits c'alal ta sloq'uibja' Neftoa, bajt' xan c'alal ta lumetic te ay ta wits Efrón, c'ax bael ta Baala, te ja' sbiilinej uuc te Quiriat-jearim.

Jueces 18:11

Olil xcha'bajc' (600) ta jtul winiquetic te sts'umbal Dan loq'uic bael ta Zora soc Estaol, buen chapalic bael soc yat'ejibic.

Jueces 18:13

Cha'bajt'ic ta witstiquil yu'un Efraín, c'otic ta sna Micaía.

1 Samuel 6:21

La sticunic c'op ta stojolic te yajwal lum Quiriat-jearim, jich la yalic: “Te filisteoetic la sticuniquix sujt'el tel te cajón yu'un Cajwaltic, la' ich'aic bael”, xi' te sc'opique.