Jueces 18:10 - Bible in Tzeltal de Oxchuc y Tenejapa

¹⁰ C'alal ya xc'ootic tey a, ya me jtatic te ants-winiquetic te ma'yuc bi chican ta sc'opique. Bayal sq'uinalic, mero ma'yuc bi falta ya yaiyic. Dios me ya yac'beyex awu'uninic te q'uinale —xiic.

Bible in Tzeltal Bachajón

¹⁰ Te c'alal ya xbahex ya xc'oht atahic ants-winiquetic te mayuc ta yo'tanic te ya xtal uts'inel, soc yac atahic buen jamal q'uinal. Dios la ya'beyex ta ac'abic; ha q'uinal te mayuc bin ya spas falta, xchihic.

Jueces 18:10 Referans Kwoze

Jueces 18:27

soc te biluc pasbil yu'un Micaía, soc te sacerdote yu'une, c'otic ta lum Lais. Te mach'atic tey a lamal nax yo'tanic, soc ma'yuc bi chican ta sc'opic. Ja'uc me to, te danetic la smilic ta puñal ta spisil, soc la xchiq'uic te lume.

Jueces 18:7

Te jo'tul jtsajtaywanejetic bajt'ic ta lum Lais. Te yajwal lum ma'yuc bi ay swocol ya yaiyic yu'un, jich bit'il stalel te sidonetique. Jun nax yo'tanic nainemic tey a, lamal nax q'uinal ta stojolic, ma'yuc mach'a ya x'uts'inotic yu'un, ma'yuc falta ta stojolic. Najt' yiloj sba soc te lum Sidón, ma'yuc mach'a jun yo'tan sba soc.

1 Timoteo 6:17

Pasa me ta mandal te mach'atic ay sc'ulejalic ta balumilal te ma me stoy sbaic yu'un, soc te ma me ja'uc ya smuc'ulin yo'tanic te sc'ulejalique, melel ma staleluc ay. Ja' lec te ja' ya smuc'ulin yo'tanic te Diose te stalel cuxul stuquele, te ma p'isbiluc ya yac'botic spisil te bila ya xtuun cu'untic te ya xbujts'naj co'tantic yu'une.

Ezequiel 20:6

Ja' nix ta yorail a, la cal jba ta jamal te ya quic' loq'uel tel ta sq'uinal Egipto, te ya quic' bael ta lumq'uinal te jo'on jleoje, tey ta q'uinal te banti ya x'oquin leche soc chab c'oeme. Ja' te buen t'ujbil lumq'uinal, te ma'yuc yan pajal soque.

Josué 6:16

Te c'alal la yoq'uesinic xulubilic ta sjuquebal buelta te sacerdoteetic, te Josué la yalbey mandal te israeletique: —¡Awunanic! Te Cajwaltic yac'ojbotiquix ta jc'abtic te lume.

Deuteronomio 4:1

“Yo'tic, israeletic, aiya me awaiyic te mandaliletic soc te bitic chapal te la cac'beyex anopique, ja' me xapasic bael spisil ora, swenta yu'un jich me ya xnainex soc ya awich'ic a te lumq'uinal te ya yac'beyex te Cajwaltic te Dios yu'un te antiguo jme'-jtatique.

Deuteronomio 2:29

jich te bit'il la yac'otic c'axel te patil alnich'anetic yu'un Esaú te nainemic ta Seir, soc te moabetic nainemic ta Ar, asta ja' to teme c'axotic bael ta jejch' muc'ja' Jordán, soc teme c'ootic tey ta lumq'uinal te ya yac'botic te Cajwaltic te Dios cu'untique”, xoon ta stojol.

Éxodo 3:8

Jich yu'un coon tel ta scoltayel ta sc'ab te egipcioetique. Ya me jloq'ues bael, ya quic' bael ta bay jamal q'uinal ta leque, te banti ya staic te ya x'oquin leche soc chab c'oeme. Ja' te slumalinejic te cananeoetic, hititaetic, amorreoetic, ferezeoetic, heveoetic soc te jebuseoetique.

Jueces 18:9

—Beenotic ta yilel te q'uinal, la quiltic te mero lec. ¡Ja' lec teme ya xjajch'otic ta beele, ya xba quil jbajtic soc! ¡Ma me xanajc'an abaic te xujt' ma'yuc bi ya ac'an apasique! ¡Ac'a ba yich' pojel te q'uinale!

Jueces 18:11

Olil xcha'bajc' (600) ta jtul winiquetic te sts'umbal Dan loq'uic bael ta Zora soc Estaol, buen chapalic bael soc yat'ejibic.

Josué 2:23

Te jtsajtaywanejetic coic tel ta witstiquil, c'axic tel ta ja', c'otic ta stojol te Josué. C'o yalic spisil te bila c'ot ta pasel ta stojolique.

Josué 2:24

Jich jul yalic: —Te Cajwaltique yac'ojbotiquix ta jc'abtic te q'uinale. Jo'otic ta jcajtic te lajem ya yaiyiquix yu'un xiwel te lume —xiic.