Jueces 17:5 - Bible in Tzeltal de Oxchuc y Tenejapa

⁵ Te Micaía ay jtsal na yu'un ta bay ya squejan sba ta stojol te dios yu'une. La spas jun efod soc yajcanan yu'un sna. Ja' la yac' ta sacerdote te jtul snich'ane.

Bible in Tzeltal Bachajón

⁵ Hich te Micaía ay sna banti ya sch'uhuntay te diosetic yu'une. La spas jun efod soc loc'ombahetic yu'un na, soc la yotses ta sacerdote jtuhl snich'an.

Jueces 17:5 Referans Kwoze

Jueces 18:14

Te jo'tul jtsajtaywanejetic te yilojiquix te q'uinal ta lum Lais, la yalbeyic te sjo'tac: —¿Ya bal ana'ic te ay bila li'to? Ja' te na lum ay to, ay efod soc yajcananic ta na, soc loc'omba te buen pasbil ta plata. ¿Bi ya ac'an apasic yu'un? —xiic.

Jueces 8:27

Te Gedeón la spas jun efod a te oro. La yac' ta lum Ofra, ja' te slumale. Spisil te israeletic chebaj yo'tanic ta stojol Cajwaltic ta scaj te efod. Ja' nax syacjibal c'ot a te Gedeón soc spisil te mach'atic ay yu'une.

Génesis 31:19

Te Labán baem ta xjoxel loq'uel stsotsil xchij a, jich te Raquel la yelc'anbey bael te bitic yajcananinejic ta sna te state.

Jueces 18:24

Te Micaía la sjac': —Ja'ex la awich'bonic bael te diosetic cu'un te jpasoje, soc te sacerdote cu'une, xujt' ma'yuc bi la awijq'uitayboniquix. Yacalex me ta jelawel ta c'op te ya ajojc'obonic te bila ya jpase —xi'.

Génesis 31:30

Te bit'il ya ac'an te ya sujt'atix bael ta alumal, yu'un ya xbaatix ta sna atat, jichuc, ma'yuc bi ya calbat yu'un. Ja'uc me to, ¿bistuc awu'un te la awelc'anbon tel spisil te cajcanan te ay ta jnae? —xi'.

Oseas 3:4

Melel te israeletic mero bayal c'aal jich nax ayic: Ma'yuc muc' ajwalil, ni ch'in ajwaliletic yu'unic, ma'yuc milbil majt'anil, ni ma'yuc tejc'anbil toneticte ch'ultesbil yu'unique, ma'yuc sc'u' sacerdoteetic, ni yajcananic ta nanatic.

Éxodo 29:9

Te Aarón soc snich'nab ya me achucbey xch'ujt'ic, soc ya me awac'bey sbejch'il pac' ta sjolic. Jich me ya awac'bey yich' yat'elic ta sacerdoteil. Ja' me jmandal sbajt'el q'uinal.

Éxodo 28:15

“Te bolsa ay ta stan te muc' sacerdote, ta bay ochem te bitic ya xtuun ta na'el a te sc'anjel yo'tan te Diose, jich nix me xapas te bit'il efod, ja' te bit'il buen ya yich' ch'alel ta ts'isele. Ya me yich' pasel ta hilera pasbil ta oro, ta stsotsil chij bonbil ta morada, púrpura soc tsaj, soc ta ts'otbil lino.

Hebreos 5:4

Jtul ma'yuc mach'a te stuquel yo'tan ya yac' sba ta muc' sacerdoteile, melel ja' Dios ya x'ic'ot ta at'el yu'un ta spasel te bila muc' sc'oplal ta stojol te lume, jich bit'il te Aarone.

Oseas 8:14

Israel ya spas palacioetic yu'un ajwalil; ja'uc me to, ya xch'ay ta yo'tanic te mach'a jpaswanej yu'une. Judá ya spas bayal ta jpam lumetic te tulanic sts'ajc'ule; ja'uc me to, ya cac'bey tiluc sc'aal te ya xtanub ta c'ajq'uel te muc'ul naetic yu'une —xi' te Cajwaltique.

Esdras 1:7

Te muc' ajwalil Ciro, ta stuquel-o'tan la yac' te biluquetic ya xtuun ta templo yu'un te Cajwaltique. Ja' te la yich' loq'uel ta Jerusalén te Nabucodonosor te la yac' ta templo yu'un te diosetic yu'une.

1 Reyes 12:31

Soc la spasbey toyol xch'uunjibal, soc la yac' ochel ta sacerdote te mach'atic ma ja'uc levita-winiquetique.

1 Samuel 23:6

Te Abiatar te snich'an Ahimelec te tal ta anel ta st'unel bael David, bajt' soc ta Keila, yich'oj bael te efod.

Éxodo 28:4

Te c'u'il-pac'al ya yich' pasele, jich ay: sbolsa ay ta stan, efod, snajt'il c'u', te jlam xan snajt'il c'u' ta yutil te ch'albil ta ts'isele, te najt'il pac' ya xpix ta sjol te ya yich' pasel ta lino, soc te xchujq'uil xch'ujt'e. Pasaic jiche te ch'ul paq'uetic yu'un te abanquil Aarón soc te snich'nabe, swenta yu'un jich me sacerdoteetic cu'un te ya x'at'ejic ta jtojol.

Éxodo 24:5

La yalbey te queremetic te ya xba smilbeyic smajt'anin Cajwaltic toroetic te ya xchic'bey scojt'ol, soc ay ya yac'bey smajt'anin swenta seña lamal-o'tanil.

Números 3:10

Ja' nax me ya spasic yat'el ta sacerdoteil te Aarón soc te sts'umbale. Teme ay mach'a jich nax ya scuy sba ta sacerdote ta spasel te at'el, ya me yil swocol ta milel yu'un —xi' te Cajwaltique.

Jueces 17:4

Te bit'il la sujt'esbeyix staq'uin sme' te Micaía, jich yu'un te sme' la stsac bael lajunwinic ta jsejp plata, ba yac'bey te jpas-caldera, swenta yu'un ya spas jun loc'omba a, te buen pasbil soc te pac'bil ta potsel ta plata. Ta patil ba yac'bey ta sna te Micaía.

Jueces 18:30

Te danetic tey la yaq'uic a te loc'omba te lec pasbile, te ya squejan sbaic ta stojole. Te sacerdote yu'une, ja' Jonatán, sts'umbal Gersón, soc ja' antiguo stat te Moisés. Te sts'umbal Jonatán ja' sacerdoteetic ta cajalcaj yu'un te danetic, ja' to ta yorail te tal ta chuquel bael.

Isaías 44:13

Soc ya quiltic te mach'a ya x'at'ej soc te': Ya yich'bey sp'isol ta regla, ya squits'bey srayail ta lapiz soc compás. Ta ora ya stsac te formon, ya xjajch' ta at'el. Jich ya spastaj loc'omba, te ja' sloc'omba winic yilele, buen t'ujbil nax yutsil. Ora ya xba snajc'an ta templo.

Ezequiel 21:21

Te muc' ajwalil yu'un Babilonia tey la yaq'uix sba ta banti ya xjetin jajch'el te cheb be. La spasbey snúmero ta na'el te bila ya to xtal ta stojole. Jich la xchajulay te yat'ejibalul t'imalte'e, soc la sjojc'obey te bila cuybil ta diosetic yu'une, soc ta sejc'ub chambalametic.

1 Samuel 19:13

Te Mical la yich' jun loc'omba, la yac'bey ta swayib, la yac'bey sts'anjolin jun jalbil tsotsil tentsun, la smuc ta sábana.

1 Reyes 12:32

La yal mandal ta pasel q'uin swenta xch'uunel lotil dios ta yo'lajunebal c'aal sjajch'el te swaxaquebal u, jich te bit'il q'uin ya yich' pasel ta sq'uinal Judá. Ja' nix te Jeroboam te la xchic'bey milbil smajt'an ta scajtijib te sdiosique. Jich la spas ta Betel, la xchic'bey milbil smajt'an te sloc'omba alal toroetic te ja' nix la spase, soc la stsa ochel sacerdoteetic yu'un te toyol ch'uunjibaletic spasoje.

Ezequiel 21:26

Jo'on Ajwalilon ya calbat: Ya yich' loq'uesel te sbejch'il ajole, soc ya yich' ch'ojel coel te acorona. Spisil me ya yich' jeltayel. Te bila ay ta ye'tale, ya me yich' mojt'esel ta sba; te bila ay ta sbae, ja' me ya xco ta ye'tal.