Jueces 17:4 - Bible in Tzeltal de Oxchuc y Tenejapa

⁴ Te bit'il la sujt'esbeyix staq'uin sme' te Micaía, jich yu'un te sme' la stsac bael lajunwinic ta jsejp plata, ba yac'bey te jpas-caldera, swenta yu'un ya spas jun loc'omba a, te buen pasbil soc te pac'bil ta potsel ta plata. Ta patil ba yac'bey ta sna te Micaía.

Bible in Tzeltal Bachajón

⁴ Hich te Micaía la suhtbe te taq'uin te snane, te ha la yich' bahel lajunwinic (200) ta sehp plata, baht ya'be te j'ultesej-taq'uin te la spas ta loc'omba pasbil ta c'abal soc ta uhltesbil taq'uin. La yich'ic aq'uel ta sna te Micaía.

Jueces 17:4 Referans Kwoze

Jueces 17:5

Te Micaía ay jtsal na yu'un ta bay ya squejan sba ta stojol te dios yu'une. La spas jun efod soc yajcanan yu'un sna. Ja' la yac' ta sacerdote te jtul snich'ane.

Isaías 30:22

Soc ya me awilay te loc'ombaetic te apasoj ta plata, soc te apotsoj ta oro, jichuc me ya xc'ot ta asitic te bila mero c'ax bolobene. Ya me ach'oj bael, bolobuc sc'oplal awu'un, jich me ya xc'ot ta awo'tan te bila amene.

Isaías 44:13

Soc ya quiltic te mach'a ya x'at'ej soc te': Ya yich'bey sp'isol ta regla, ya squits'bey srayail ta lapiz soc compás. Ta ora ya stsac te formon, ya xjajch' ta at'el. Jich ya spastaj loc'omba, te ja' sloc'omba winic yilele, buen t'ujbil nax yutsil. Ora ya xba snajc'an ta templo.

Deuteronomio 27:15

“Boloben me sc'oplal ta jyalel te mach'a ya spas loc'omba, o teme ay bila ya sloc'tay ta ultesbil taq'uin te pasbil ta jten-taq'uine, te ya yac' ta muquen ta sq'uinale, melel mero ilaybil me yu'un te Cajwaltique”. “Jichuc”, xiic me ta spisil te lume.

Jueces 18:17

Te jo'tul jtsajtaywanejetic ochic bael ta na, la stsaquic te loc'omba te lec pasbil ta plata, te efod, soc te yajcananic ta na. Te sacerdote jil ta ti'ts'ajc' soc te lajunwinic xcha'bajc' (600) soldadoetique.

Habacuc 2:18

¿Bistuc te loc'omba te ju'em ta pasele? ¿Bistuc te bila pasbil, te ja' nax ya yac' ta nopel lot? Te loc'ombaetic ma xc'opojic; ¿bit'il c'an smuc'ulin yo'tan te winic la spase?