Jueces 17:2 - Bible in Tzeltal de Oxchuc y Tenejapa

^2-3 La yal sba ta jamal ta stojol sme': —Te jmil soc jo'winic (1,100) ta jsejp plata te ay mach'atic la yelc'anbate, te la awalbey amen sc'oplal te j'eleq'ue, jo'on quich'oj, jo'on xc'otuc quelc'anbat. Yo'tic ya jsujt'esbat. La caiyix stojol te yacat ta yalel te awac'ojix yu'unin te Cajwaltique, te ya yich' pasel jun loc'omba a te buen pasbil soc pac'bil ta plata —xi'. La sujt'esbey te plata, ja' yu'un te sme' la yal: —Cal, ac'a yac'bat bendición te Cajwaltique —xi'.

Bible in Tzeltal Bachajón

² Hich la yalbe te snane: Te ho'lajunwinic yoxbahc' (1,100) ta sehp plata te la awich' elc'ambeyel, te la awalbe chopol c'oblalil yu'un, soc te la awalbon sc'oblale, ilawil, ho'on quich'oj, ho'on la jquelc'ambat, xchi. Hich la yal te snane: ¡Cal, ac'a ya'bat bendición te Jehová! xchi.

Jueces 17:2 Referans Kwoze

Nehemías 13:25

La cut yu'un, soc la calbey te buen amenique. Ay la jmaj, soc la jbulbey stsotsil sjolic. La cac' puersa te jc'axel ya yalic ta jamal ta stojol Dios te ma'yuc bi ora ya yaq'uiquix permiso te ya xnujbin xan soc jyanlumetic te yantsil-nich'nabic; soc ma ba ya yiq'uic uuc te jyanlum-antsetique. Soc jich la calbey xan:

Rut 3:10

La yal te Booz: —Ya me yac'bat bendición te Cajwaltique. Ta ora to la awac' ta ilel te jun awo'tan tel ta stojol te anima amamlale, melel ma ja'uc la ale te querem te jc'uleje soc ni ja'uc te me'bae.

2 Juan 1:11

Melel te mach'a jich ya yalbey: “¡Bin nax co'tan te talate!”, teme xie, jich ya sjoin ta spasel te bila amene.

1 Corintios 16:22

Teme ay mach'a ma c'uxuc ya yaiy ta yo'tan te Cajwaltic Jesucristoe, ac'a bajt'uc ta ch'ayel abi. Ya me xtalix te Cajwaltique.

Romanos 9:3

Co'tanuc te ya cac' jba ta ch'ayel ta o'tanil yu'un Cristo ta swenta xc'uxul co'tan te jich ya xcolic a te quermanotac te jun jts'umbal soque.

San Mateo 26:74

Jich te Pedro jajch' ta bol c'op, soc la yac' ta testigo yan buelta te Diose: —Yilojon Dios te ma jna'bey sba te winic ya awale —la yut. Ora oc' te mute.

Jeremías 48:10

(Ch'aybil me ya xc'ot te mach'a ma socuc yutsil yo'tan ya spas te at'el te ya x'ac'bot ta swenta yu'un te Cajwaltique. Ch'aybil me ya xjil te mach'a ma sc'an ya yac' sba ta milawe.)

Proverbios 28:24

Ja' sjoy sba soc jmilawal te mach'a ya yelc'anbey sbiluc sme'-stat, soc te ya yal te ma muliluc ta sc'ope.

Salmos 10:3

Te mach'a amen yo'tan ya stoy sba yu'un te bila ya sc'an yo'tane; te mach'a jbic'tal-o'tan ya sbolc'optay soc ya yilay te Cajwaltique.

1 Samuel 26:19

Wocoluc, cajwal, yacuc awaiybon jc'op jo'on te abaton awu'une. Teme ja' te Cajwaltic te ya yac'bat acontroinone, yacuc lamajuc yo'tan yu'un teme ya cac'bey smajt'an. Pero teme swenta nax winiquetic, jc'axel ch'aybil ac'a c'otuc yu'un te Cajwaltique. Melel ya stenoniquix loq'uel li' ta q'uinal yac'ojbotic te Cajwaltique, jich ya sticunonic bael ta spasel yat'el yan diosetic ya caiy.

1 Samuel 23:21

Jich albotic yu'un te Saúl: —Ac'a yac'beyex bendición te Dios te bit'il la ana'bonic yo'bolil jba.

1 Samuel 15:13

Jich bajt' te Samuel te banti ay Saúl, jich la yal te Saúl: —Ac'a yac'bat bendición te Cajwaltique. C'otix ta pasel cu'un te smandale —xi'.

1 Samuel 14:28

Pero jtul soldado-israel la yalbey: —Te atat ay bi jc'axel la yac'otic ta yalel ta stojol Dios jo'otic te soldadootique. Ac'ototic ta yalel teme ay mach'a ay bi ya swe' yo'tic jc'axel me ch'aybil ya xc'ot. Ja' swentail te mero ma'yuquix quiptique —xi' te soldado.

1 Samuel 14:24

Pero te israeletic mero ma'yuquix yipic, melel ma'yuc mach'a swe'oj ni jxujt'uc we'elil, scaj te ay bi jc'axel la yal ta stojol Dios te Saule. Jich yaloj: “Jc'axel ch'aybil ya xc'ot te mach'a ay bi ya swe' te c'alal ma to x'ijc'ub q'uinal, teme ma to ayuc bi jpasojbey te jcontroe”, xi'.

Jueces 5:23

Te ch'ul abat yu'un Cajwalticjich ya yal: ‘Ac'a bolobuc sc'oplal te lum Meroz soc ants-winiquetic’, xi'; melel ma ba talic ta coltaywanej jich bit'il te mach'atic tulanique, ma ba tal scoltay te Cajwaltique.

Deuteronomio 27:16

“Boloben me sc'oplal ta jyalel te mach'a ma xyich' ta muc' te sme'e o te state”. “Jichuc”, xiic me ta spisil te lume.

Éxodo 20:7

“Ma me xatojoltabon ta alel jbiil te Ajwalilon te Dioson awu'une, melel te mach'a ya stojoltabon ta alel jbiil te Diosone, ya me cac'bey castigo yu'un.

Génesis 14:19

Te Abram c'anbot bendición, jich albot yu'un: —Ja'at Abram, ac'a yac'bat bendición te Dios te toyol ay stuquele, ja' te mach'a la spas te ch'ulchan balumilal.

Jueces 17:1

Ta witstiquil yu'un Efraín nainem jtul winic, Micaía sbiil.