Jueces 17:13 - Bible in Tzeltal de Oxchuc y Tenejapa

¹³ Te Micaía la scuy te mero ay bendición ta stojol yu'un Dios te bit'il ay jtul levita te ay ta sacerdoteil yu'une.

Bible in Tzeltal Bachajón

¹³ Hich la yal te Micaía: Yo'tic ya jna' te Jehová ya me yac' te lec ya xc'ohon, yu'un ay jtuhl levita te ay ta sacerdotehil cu'un, xchi.

Jueces 17:13 Referans Kwoze

Hechos 26:9

“Ta neelal la jcuy te ya sc'an controinel te Jesús te Nazarete.

San Juan 16:2

Ya me stenex loq'uel ta sinagogaetic, soc ya me sta yorail te mach'auc ya smilexe, yu'un scuyojic te ja' yat'el Dios te ya spasique.

San Mateo 15:13

La yal te Jesuse: —Spisil awal-ts'unubil teme ma ja'uc la sts'un te Jtat te ay ta ch'ulchane, ya me yich' bulel loq'uel.

San Mateo 15:9

Tojol te ya xtal slajin sbaic ta jtojole, melel sc'op nax ants-winic te mandal ya yaq'uic ta nopele”, te xie —xi' te Jesuse.

Isaías 44:20

Te mach'atic jich ya spasique, ta mero melel jich c'oem te bit'il yacalic ta slo'el c'ajc'al tane; melel ya yac' sbaic ta lo'layel yu'un te lotil nopjibaletique. Te mach'atic jich ya spasique, ma xju' ya scoltay sbaic. Mero ma'yuc sp'ijilic ta sna'el stojol te bitic ay ta sc'abic te puro lote.

Proverbios 14:12

Ay beetic te toj ya yil te ants-winique; ja'uc me to, te slajibale ja' sbelal te lajele.

Jueces 17:12

Te Micaía la yac' ta sacerdoteil te quereme, jil ta nainel tey a.

Jueces 18:1

Ja' yorail te ma'yuc muc' ajwalil yu'un Israel. Te sts'umbal Dan ma to bay staoj sq'uinalic, jich yu'un yacalic ta sleel te bay ya x'ainique.

Jueces 18:24

Te Micaía la sjac': —Ja'ex la awich'bonic bael te diosetic cu'un te jpasoje, soc te sacerdote cu'une, xujt' ma'yuc bi la awijq'uitayboniquix. Yacalex me ta jelawel ta c'op te ya ajojc'obonic te bila ya jpase —xi'.