Jueces 17:10 - Bible in Tzeltal de Oxchuc y Tenejapa

¹⁰ La yal te Micaía: —Jilan, joinawon. Ja' me sacerdote ya xc'oat cu'un, soc jich me ya xc'oat te bit'il mero jtat. Jo'on ya jtojat lajuneb ta jsejp plata ta jujun ja'wil, soc ya cac'bat ac'u'-apac' soc awe'el —la yut.

Bible in Tzeltal Bachajón

¹⁰ Hilan ta jna, xchi te Micaía. Ha me tatil soc sacerdote ya xc'ohat cu'un; ya jtojat lajuneb (10) ta sehp plata ta jujun ha'bil, soc ya ca'bat ac'u' apac' soc awe'el awuch'el, xchi.

Jueces 17:10 Referans Kwoze

1 Pedro 5:2

Canantayaic te chijetic yu'un Dios te ay ta awentaique. At'ejanic ta spasemal awo'tanic, melel jich ya sc'an yo'tan te Diose. Ma me sujbiluquex ta spasel, soc ma me ta scajuc nax taq'uin te ya x'at'ejexe. Ja' ya sc'an te binuc nax me awo'tanic ta spasele.

1 Timoteo 6:10

Melel te bic'tal-o'tanil yu'un te taq'uine, ja' mero yisim yu'un spisil ta jchajp te bila amene. Ay mach'atic te scaj sbic'tal yo'tanic yu'un taq'uin te ch'ayix xch'uunjel yo'tanic yu'une. Jich la staiquix bayal swocolic ta c'axem to xan yu'un.

San Juan 12:6

Te bit'il jich la yal te Judase, ma yu'unuc ayuc sc'oplal ta yo'tan te me'baetique. Yu'un ja' ay ta yo'tan te eleq'ue. Melel ja' scanantayej te yawil staq'uinique, soc c'aem ta yelc'anel te taq'uine.

San Mateo 26:15

Jich c'o yal: —¿Bila ya awac'bonic a teme ya cac'beyex ta ac'abic te Jesuse? —xi'. Jich la snopic te ya yac'beyic lajuneb xcha'winic (30) ta jsejp plata-taq'uin.

Ezequiel 13:19

Ja'ex ta scaj nax cheb oxeb ta jojp cebada, soc jtebuc we'elil, te ya aboltesbonic jbiil ta stojol te lum cu'une. Ja' ya awaq'uic ta lajel te mach'atic ma sc'oplaluc ya xlajique, soc ya awaq'uic cuxinuc te mach'atic sc'oplal ya xlajique. Jich ya alo'laybonic te lum cu'une, ja' te mach'atic ya yich'ic ta muc' te lotil c'opetique.

Isaías 22:21

Ja' me ya cac'bey slap te ac'u'e, ja' ya jchucbey ta xch'ujt' te seña te ja' ayat ta ich'el ta muc', soc ja' ya cac'bey ta swenta te awat'ele. Jich me ya xc'ot te bit'il tatil yu'un te lum Jerusalén soc ta swenta te ants-winiquetic ta Judá.

Job 29:16

staton la yaiyic te mach'atic ma'yuc bi ay yu'unique, soc jo'on jcoltaywanejon yu'unic te jyanlumetique.

2 Reyes 13:14

Te Eliseo taot ta chamel, te ja' ya xway sbaq'uetal yu'un. Te Joás muc' ajwalil yu'un Israel ba yil. La spet ta sc'ab, oc', jich la yal: —Jtat, jtat, te jich c'oemat ta stojol Israel te bit'il jchajp soldadoetic te bayal bitic ya xju' yu'une —xi'.

2 Reyes 6:21

C'alal ilotic yu'un te muc' ajwalil yu'un Israel, la sjojc'obey te Eliseo: —¿Ya bal jmil, tatic, ya bal jmil spisil? —xi'.

1 Samuel 2:36

Te jayeb xan ats'umbal cuxul ya xjile, ya me xtal bic'tajicuc ta stojol ta sc'anel jsejpuc taq'uin o ta sc'anel jtebuc we'elil. Ya me xtal yalbeyic wocol yu'un ya x'ac'botic at'el ta sacerdoteil swenta yu'un jich ya sta swe'elic a —xi'.

Jueces 17:11

Te levita la xch'uun, la sjoin ta nainel te Micaía, jich c'ot te bit'il mero snich'an.

Génesis 45:8

Jich yu'un ma ja'uquex te la awac'onic tel, ja' la yac'on tel te Diose. Ja' ta swenta Dios te bit'il joy ta at'el te muc' ajwalil faraón, soc te bit'il jwentainejbey spisil te bila ay yu'un ta sna, soc te bit'il jo'on ya xmandalajon ta spamal Egipto.

Jueces 17:9

—¿Banti talemat? —xi' te Micaía. —Talon ta Belén. Jo'on levitaon, yacon ta sleel te bay ya xnainone —xi' ta sujt'esel te quereme.

Jueces 18:4

Te levita la yalbey te spasoj trato soc Micaía. Te trato spasoj soque, ja' te ay ta sacerdoteil yu'un stuquel.

2 Reyes 2:12

C'alal la yil te Eliseo te bila c'ot ta pasel, awun, jich la yal: —¡Jtat, jtat, pajal c'oat soc tsobol soldadoetic ta stojol Israel! —xi' ta aw. Te c'alal jich c'ot ta pasele, tey ma'yuquix bi ora la yil a te Eliase. Jich yu'un te Eliseo la stsac te sc'u', la sjats ta olil.