Jueces 16:5 - Bible in Tzeltal de Oxchuc y Tenejapa

⁵ Te ajwaliletic yu'un filisteoetic ba yilic te Dalila, jich la yalbeyic: —Lo'laya te Sansón, jojc'obeya awaiy ta lec te bay ya xtal te yip te lom bayal ta jyalele, soc te bit'il ya xju' cu'untic stsalele. Jich me ya jchuctic, soc ya me xch'uunbotic jc'optic. Te stojol awat'ele juju-jtulotic ya me cac'tic ta atojol jmil soc jo'winic (1,100) ta jsejp plata —la yutic.

Bible in Tzeltal Bachajón

⁵ Te príncipaletic yu'un te filisteohetic baht yilic te ants, hich la yalbeyic: Lo'loya soc joc'obeya banti ya xtal te bayel yip soc bin ut'il ya xhu' cu'untic stsalel, yu'un ya jchuctic, hich ya x'och ta jc'abcotic. Te jujutulotcotic ya ca'batcotic ho'lajunwinic yoxbahc' (1,100) ta sehp plata, xchihic.

Jueces 16:5 Referans Kwoze

Jueces 14:15

Ja' yu'un ta xchanebal c'aal ba yalbeyic te yinam Sansón: —Ac'a puersa ta sjojc'oyel te amamlal, te yacuc yalbotic ta atojol bi swentailuc te c'ope. Teme ma jichuc ya apase, ya me awich' chiq'uel soc te mach'atic ay yu'un te atate. ¿Ja' nax bal la awic'otic tel yu'un te ya apojbotic te bi ay cu'untique? —xiic.

Josué 13:3

c'alal ta ja' Sihor te ay ta stojol sloq'uib c'aal yu'un Egipto, c'alal sq'uinal Ecrón ta stojol norte; ta spisil ja' sq'uinal cananeo ta alele. Ay jo'tul ajwalil filisteoetic yu'un te lumetic Gaza, Asdod, Ascalón, Gat soc Ecrón. Quechel xan jilel sq'uinal te aveoetic

San Mateo 26:15

Jich c'o yal: —¿Bila ya awac'bonic a teme ya cac'beyex ta ac'abic te Jesuse? —xi'. Jich la snopic te ya yac'beyic lajuneb xcha'winic (30) ta jsejp plata-taq'uin.

Miqueas 7:3

Ja'ic maestroetic yu'un spasel te bila amene. Te ajwaliletic ya sujawanic ta sc'anel majt'anil. Te juecetic ya sc'an smajt'an taq'uinic ta muquen. Te mach'atic tulanic ya spasic te bila ya sc'an yo'tanic soc ya sjowtesic te lume.

1 Samuel 29:6

Ja' yu'un te Aquis la sticun ta iq'uel te David, jich la yalbey: —Mero melel yiloj te Awajwal te tojat ta winiquil, bayal ya jmulanbat te awat'el ta scampamento te soldadoetique. Ma'yuc bi amen jtaojbat ta awenta c'alal a julat tel, pero ma sc'anic te ajwalil-filisteoetic te tey ayate.

Jueces 17:2

La yal sba ta jamal ta stojol sme': —Te jmil soc jo'winic (1,100) ta jsejp plata te ay mach'atic la yelc'anbate, te la awalbey amen sc'oplal te j'eleq'ue, jo'on quich'oj, jo'on xc'otuc quelc'anbat. Yo'tic ya jsujt'esbat. La caiyix stojol te yacat ta yalel te awac'ojix yu'unin te Cajwaltique, te ya yich' pasel jun loc'omba a te buen pasbil soc pac'bil ta plata —xi'. La sujt'esbey te plata, ja' yu'un te sme' la yal: —Cal, ac'a yac'bat bendición te Cajwaltique —xi'.

Jueces 3:3

Jilic te jo'tul ajwalil filisteoetic, soc spisil te cananeoetic, sidonetic, soc heveoetic te ainemic ta witstiquil yu'un Líbano, c'alal ta wits Baal-hermón, ja' to c'alal ta bay ya xju' c'axel beel ta witstiquil ta lum Hamat.

Génesis 33:16

Jich a sujt' bael ta Seir te Esaú.

Jueces 16:4

Ta patil te Sansón la smulan jtul ants Dalila sbiil, nainem ta stenlej xatal q'uinal Sorec.

Jueces 16:6

Ja' yu'un te ants jich la yalbey te Sansón: —Wocoluc, albon caiy te bay ya xtal te awip te mero jchajpix ae. ¿Ay bal ya xju'at ta chuquel, te ma'yuc bi ya xju' ya acoltay aba? —xi'.