Jueces 16:27 - Bible in Tzeltal de Oxchuc y Tenejapa

²⁷ Spisilic te ajwaliletic yu'un filisteoetic ayic ta templo, nojel yu'unic ta winiquetic soc antsetic. Ay wan oxmiluc (3,000) ta jtul te ayic ta sba templo, yacalic ta yilel te Sansón te bayal bitic ac'bot spas ta swenta tse'luyel.

Bible in Tzeltal Bachajón

²⁷ Mero nojel ta ants-winiquetic te na soc tey ayic a spisil te príncipaletic yu'un te filisteohetic. Ta scha'cajal ay wan j'ohlil waxacbahc' (3,000) ta tuhl ants-winiquetic te yacalic ta yilel te bin yac ta spasel te Sansón.

Jueces 16:27 Referans Kwoze

Deuteronomio 22:8

“Te c'alal ay mach'a ya spas yach'il sna, ya me sc'an te ya yac'bey sts'ajc'ul ta sjoyobal ta sba te snae, teme ay mach'a ya xch'ay coel tey a. Teme ch'ay coele, teme toj lajel yu'une, ya me sta smul tey a te mach'atic yu'un te nae.

2 Samuel 11:2

Ta jun mal c'aalil jajch' ta swayib te David, och ta comcom beel ta yamaq'uil sba na. Tey la sta ta ilel jtul buen t'ujbil ants a, yac ta atimal. Lajel to xchajbanbel sba ta stojol Dios yu'un te xchamel swenta jujun u. Te David la sticun ta jojc'oyel te mach'a a te antse. Albot yaiy te Betsabé sbiil te antse, yantsil-nich'an Eliam, yinam Urías, ja' te hitita-winique. Te David la sticun abatetic yu'un ya x'ic'bot tel, way soc, patil sujt' bael ta sna.

Josué 2:8

Te c'alal ma to xway a te jtsajtaywanejetique, te Rahab mo bael ta sc'oponel, jich c'o yalbey:

Jueces 9:51

Ta bay yolil te lum ay jun toyol ts'ajc', tey la snac' sbaic spisil te yajwal lum, winiquetic soc antsetic. La smacbeyic ta lec te sti'il ts'ajq'ue, moic bael ta sba.

Jueces 16:26

Jich yu'un te Sansón la yalbey te querem nitbil yu'une: —Ac'awon tey a ta bay ya jta ta piquel te muc'ul oyetic te ipajemic a te templo, yu'un ya jc'an ya xijc'an jba tey a —xi'.

Jueces 16:28

Te Sansón la sc'opon te Cajwaltic, jich la yal: —Ya calbat wocol, Cajwal, na'awon junuc xan buelta. Ac'bon xan quip te ya stojbonic filisteoetic ta xchebal te jsite, jun nax buelta ta spisilic —xi' ta sc'oponel te Diose.