Jueces 16:24 - Bible in Tzeltal de Oxchuc y Tenejapa

²⁴ Te c'alal la yilic te ants-winiquetic, jich nix c'ajinic, la yalbeyic wocol te lotil dios yu'unique. Jich la yalic: “Te dios cu'untic la yac'botic ta jc'abtic te Sansón, ja' te jcontrotique te la sjinbotic jq'uinaltic, te la smilbotic bayal te jlumaltique”, xiic ta c'ayoj.

Bible in Tzeltal Bachajón

²⁴ Te c'alal la yilic te Sansón, te ants-winiquetic hahch yalbeyic wocol te dios yu'unic, hich la yalic: Te dios cu'untic la ya'botic ta jc'abtic te jcontratic, ha te mach'a la sjimbotic jq'uinaltic, te mach'a la smilbotic bayel te jlumaltique, xchihic.

Jueces 16:24 Referans Kwoze

Daniel 5:4

Ta spisilic la yuch'ic vino soc tey la yalbeyic wocol te loc'ombaetic yu'unique. Te loc'ombaetique, pasbil ta oro, ta plata, ta bronce, ta hierro, ta te' soc ta ton.

Apocalipsis 11:10

Te mach'atic nainemic ta balumilale, ya xbujts'naj yo'tanic ta lec yu'un te lajemic ya yilique, soc ya spasic q'uin yu'un, soc ya yac'bey sbaic smajt'anic yu'un. Melel bayal c'ax swocolic ta swenta te cheb j'alwanejetic yu'un te Diose.

Habacuc 1:16

Jich yu'un te jtsac-chaye ya squejan sba ta stojol te tsacjibal soc anzuelo yu'une, soc ya yac'bey milbil majt'anil, soc ya xchic'bey pom ta yich'el ta muc'. “Wocol awal”, ya yutic, melel ay swe'elic ta lec yu'un.

Daniel 5:23

Pero ma jichuc la apas. Ja'at te muc' ajwalilate, la alaban te Cajwaltic te ay ta ch'ulchane, melel la aticun ta ich'el tel ta amesa te vasoetic soc te muc'ul tazaetic yu'un templo ta Jerusalén. Ja'at soc te mach'atic ic'bil awu'une la awuch'ic vino a, soc la awalbey yutsil sc'oplal diosetic a te pasbil ta oro, ta plata, ta bronce, ta hierro, ta te' soc ta ton, ja'ic te ma xyilic q'uinal, te ma xyaiyic c'op, soc te ma'yuc bi ya sna'ique. Yan te Dios yich'ojbat ta sc'ab acuxlejal te ja'at te muc' ajwalilate, soc te ja' nax ta swenta stuquel te ay bila ya xju' awu'un spasele, ma ba ya awalbey yutsil sc'oplal stuquel.

Ezequiel 20:14

Pero ma jichuc la jpas ta swenta yutsilal te jbiile, swenta yu'un jich ma xbolob jc'oplal ta stojol a te nacionetic te la yilic bit'il la jloq'ues tel ta Egipto.

Isaías 37:20

Ta ora yo'tic, Cajwal, Dios cu'untic, coltayawotic ta sc'ab, swenta yu'un ta spisil nacionetic ta balumilal ya me sna'ic te ja'at Cajwalticat, te jip jtul Diosat a —xi' ta sc'oponel.

1 Crónicas 10:9

La sloq'uesbeyic spisil sc'u'-spac' soc la sc'ocbeyic loq'uel ta bojel te sjole, la yich'beyic bael soc te yat'ejibic yu'un guerra. Soc la sticunbeyic c'op ta spisil sq'uinal filisteoetic, swenta yu'un ya me yaiyic stojol te slumal soc te diosetic yu'unique.

1 Samuel 31:9

La xot'beyic sjol, la yich'beyic te yat'ejib yu'un guerra, soc la sticunic ta puquel ta alel ta spamal sq'uinal filisteo swenta yu'un ya me yaiyic spisilic te yajwal te jujun templo yu'unique.

Jueces 15:16

La yal ta patil: “Ta sbaquel yalan'e burro la jpas bayal ta jbus; ta sbaquel yalan'e burro jmil (1,000) ta jtul winiquetic la jmil a”, xi'.

Jueces 15:8

Mero c'ajc'uben yo'tan, tulan la yac'bey guerra, tsobol la smil. Ta patil ba ainuc ta nailch'en te ay ta muc'ul ton Etam.

Deuteronomio 32:27

pero ma jc'an te ya xlabanwanic ta jtojol te jcontrotaque. Ma ba la jc'an te ya stoy sbaic yu'un, teme jich ya yalique: “Ma ja'uc te Cajwaltic te jich la spasbotic in to, jo'otic nix la jpastic ta swenta quiptic”, teme xiique’, xi' te Cajwaltique.

Jueces 16:25

Bin nax yo'tanic ta jyalel, la sc'anic te yacuc yiq'uic loq'uel tel te Sansón, swenta yu'un bayal bitic ya yac'bey spas ta swenta tse'luyel. La sloq'uesic tel ta cárcel, la yac'beyic swocol ta labanel. La yac' tejc'ajuc ta olilal ta bay cheb muc'ul oyetic yu'un templo.

Salmos 97:7

Ma'yuquic ta q'uinal ya yaiyic te mach'atic xch'uunejic te loc'ombaetic, ja' te mach'atic stoyoj sbaic yu'une. Spisil te bitic cuybil ta Dios ya stinan sbaic ta stojol.

Jueces 15:14

C'alal a c'otic ta Lehi, te filisteoetic loq'uic bael ta stael, bin nax yo'tanic ta yawtayel. Pero te Sansón tulan tal ta wentainel ta espíritu yu'un te Cajwaltique. Tuch' te lazoetic te chucajtic sc'ab a, jich nax c'ot yu'un te bit'il jlijc' sbuc'lel c'ajq'uem lino.