Jueces 16:23 - Bible in Tzeltal de Oxchuc y Tenejapa

²³ Te ajwaliletic yu'un te filisteoetic la stsob sbaic ta spasel sq'uinul te la yaiyic tsalawe, soc la yac'beyic milbil smajt'an te Dagón, te lotil dios yu'unique. La yaiyic c'ayoj: “Te dios cu'untic la yac'botic ta jc'abtic te Sansón, ja' te jcontrotique”, xiic ta c'ayoj.

Bible in Tzeltal Bachajón

²³ Te príncipaletic yu'un te filisteohetic la stsob sbahic ta ya'beyel milbil smahtan te Dagón, te dios yu'unic, soc ta spasel q'uin. Hich la yalic: Te dios cu'untic la ya'botic ta jc'abtic te Sansón, te jcontratic, xchihic.

Jueces 16:23 Referans Kwoze

Proverbios 24:17

Ma me binuc nax awo'tan yu'un, soc ma me xapas q'uin yu'un, teme pejc'ajix soc teme jajch' ta wocol te acontro.

Miqueas 4:5

Te yantic lumetic ya xch'uunbeyic sc'op te bitic diosinbil yu'unique; yan te jo'otique ya me jch'uunbeytic sc'op te Cajwaltic te Dios cu'untique.

Jeremías 2:11

te ayuc jun nación te xch'uunej loc'ombaetic te la sjeliquix te yajcananique. Ja'uc me to puro lotil diosetic. Melel te lum cu'une la yijq'uitayon ta yo'tanic te jo'on yutsilalonique; ja' bajt'ix yo'tanic ta xch'uunel te loc'ombaetic te ma xtuun ta jyalele.

1 Crónicas 10:10

Te yat'ejib yu'un guerra te Saúl, tey la yaq'uic ta templo ta bay te diosetic yu'unique, soc tey la sjoc'anbeyic sjol ta templo yu'un Dagón, te lotil dios yu'unique.

1 Corintios 10:20

Jamal ya calbeyex awaiyic: C'alal ya yac'beyic smajt'an te loc'ombaetic te jyanlumetique, ja' ya smajt'antesic a te pucujetique, ma ja'uc te Diose. Ja' ma jc'an te jun ya xc'oex soc te pucujetique.

Jueces 16:22

Ja'uc me to, cha'najt'ub xan te stsotsil sjole.

1 Samuel 31:9

La xot'beyic sjol, la yich'beyic te yat'ejib yu'un guerra, soc la sticunic ta puquel ta alel ta spamal sq'uinal filisteo swenta yu'un ya me yaiyic spisilic te yajwal te jujun templo yu'unique.