Jueces 16:21 - Bible in Tzeltal de Oxchuc y Tenejapa

²¹ Jich yu'un te filisteoetic la stsaquic soc la sloq'uesbeyic te site, la yiq'uic bael ta Gaza. Tey la sc'olic ta cadena te pasbil ta bronce, la yaq'uic ta at'el ta muc'ul molino ta yutil cárcel.

Bible in Tzeltal Bachajón

²¹ Te filisteohetic la stsaquic, la sloq'uesbeyic sit, la yiq'uic bahel ta Gaza, soc la schuquic ta cadenahetic pasbilic ta bronce scuenta yu'un ya sbehentes molino ay ta cárcel.

Jueces 16:21 Referans Kwoze

Proverbios 2:19

te mach'atic ya x'ochic bael ta sna, ma ba ya sujt'iquix tel, jc'axel ma'yuquix bi ora ya yantayic te sbelal cuxlejale.

San Mateo 24:41

Soc ta bay cheb antsetic te sjoinej sbaic ta juch' mats'e, jtul ya x'ic'ot, soc jtul ya x'ijq'uitayot.

Isaías 47:2

Tsaca me te acha', juch'a te harina. Loq'uesa te smujq'uil ajole, nita moel te atseque, t'anana te awa'e, c'axan ta awacan ta bay te muc'ja'etic;

Proverbios 14:14

Te mach'a ma sna' q'uinal, ya scuy ta lec te bila ya spase; yan te mach'a lec yo'tane, lec yat'el stuquel.

Éxodo 11:5

Te juju-jchajp na ya me xlaj te sba snich'anic te alumal te egipcioetique, jich me uuc te sba anich'ane te ya xnajc'aj ta muc'ul nactijibale, soc me uuc te sba yal te criada te ya x'at'ej ta cha'e. Ya xlajic uuc te sba yalatac te chambalametique.

Proverbios 5:22

Te mach'a amen yo'tane ja' nix ya stsacot yu'un te sbolile; ja' nix ya xchucot yu'un jichuc lazo te smule.

Salmos 149:8

swenta xchuquel ta cadena muc' ajwaliletic soc yantic te mach'atic ay yipic, ya me yich'ic chuquel ta taq'uin te buen alic,

2 Crónicas 33:11

Ja' swentail te la yic' tel Cajwaltic te jtsobwanejetic yu'un te bayal soldadoetic yu'un te muc' ajwalil ta Asiria. La xchuquic bael te Manasés ta ch'ix taq'uin soc cadenaetic pasbilic ta bronce, la yiq'uic bael ta Babilonia.

2 Reyes 25:7

Ta sit nix la yac' ta milel te snich'nabe. Te Sedequías la yich' loq'uesel sit, la yac' ta chuquel ta cadena yu'un ya yic' bael ta Babilonia.

Números 16:14

Te ja'ate ma'yuc bay awic'ojotiquix bael ta q'uinal ta bay ya x'oquin leche soc chab c'oem, ni ma'yuc bay awac'ojbotiquix jq'uinaltic soc jts'usubiltic. Ja' xanix ya ac'an te ya jch'uuntic iq'uel bael awu'un jichuc ma'sitetic. Ma xju', ma jc'antic ya xbootic ta atojol —xiic.

Jueces 16:20

Awun te Dalila: —¡Sansón, ya slumtayat te filisteoetique! —xi'. Te Sansón wijc' te site. La scuy te ya to xju' scoltayel xan sba, jich bit'il la spasulay ta jujun buelta. Ma ba sna'oj stojol te ijq'uitaybilix yu'un te Cajwaltique.

Jueces 16:22

Ja'uc me to, cha'najt'ub xan te stsotsil sjole.

Jeremías 39:7

Te Nabucodonosor la yal mandal ta t'usel sit te Sedequías, soc la xchuquic bael ta cadena, la yiq'uic bael ta Babilonia.

Lamentaciones 5:13

Te winiquetic tulanic ta leque la yaq'uic ta juch'majel; te queremetic laj yipic yu'un yalal si'.