Jueces 16:16 - Bible in Tzeltal de Oxchuc y Tenejapa

¹⁶ Bayalix te sujel yu'un Dalila, spisil ora ja' nax ya sjojc'obey. Te Sansón c'ojbajix la yaiy ta jyalel, ya sc'an xlajix ya yaiy ta yo'tan.

Bible in Tzeltal Bachajón

¹⁶ Te bin ut'il bayel wulilanot ta c'op jujun c'ahc'al, soc te sujot yu'un, c'an chamuc la ya'iy yu'un te Sansón.

Jueces 16:16 Referans Kwoze

San Lucas 18:5

scaj te ya swulilayon te me'ba antse, jich yu'un ya me jchajban, swenta yu'un ma me x'ilin co'tan yu'un te bit'il ya swulilayon spisil ora”, xi' ta yo'tan —xi' ta yalel te Jesuse.

San Lucas 11:8

Ya calbeyex, manchuc teme ma sc'an ya xjajch' yac'bate te bit'il jun awo'tan aba soque, ya me yac'bat ta puersa, swenta yu'un jich ma xawulilay xan. Jich me ya yac'bat spisil te bila ya xtuun awu'une.

San Marcos 14:24

Jich la yal: —Ja' jch'ich'el in to te ya sta yip a te yach'il trato te ya yich' malel swenta scoltayel te tsobol ta jtule.

Jonás 4:9

Pero albot yu'un te Diose: —¿Lec bal ya awaiy te bayal ya x'ilinat yu'un te taquej te jtejc' ch'opac te'? —xi' sc'oplal. La sjac' te Jonase: —Yu'unix lec ya caiy a. ¡Mero ya xlajonix yu'un slab co'tan ya caiy! —xi' xan.

Job 21:4

“Te c'op cu'une, ma ja'uc ta stojol winic; ja' yu'un mero ma xjunaj te co'tane.

Jueces 16:15

Jich la yal te ants: —Jpas-lotat. Tojol ya xjelawat ta c'op te buen c'uxon ta awo'tan ta ac'ope. Ja' yoxebalix buelta a te ya awilbon co'tane, ma to bay ya awalbon caiy te bay ya xtal spisil te awipe —xi'.

Jueces 16:17

Ja' yu'un ta slajibal la yalbey Dalila te bit'il ay te bi muquen ay yu'une: —Ma'yuc mach'a sloq'uesejbon xujt'uc te stsotsil jole, melel te c'alal ma to x'ayinon u'uninbilonix yu'un a te Diose, yu'un nazareoon. Jich yu'un teme ay banti ya sloq'uesbonic te stsotsil jole, ya me xch'ay te quipe, jc'axel peq'uel ya xc'oon jich bit'il te yantic winiquetique —xi'.

Jueces 14:16

Te ants ba sc'opon te Sansón, jich la yalbey ta oq'uel: —¡Te ja'ate ma ba c'ux ya awaiyon ta awo'tan! ¡Ja' nax ya awil-o'tantayon! Ay p'ijil c'op la awac'bey snopic te jlumale, pero te jo'one ma ba awalojbon caiy te bi swentailuque —xi'. Te Sansón la sjac': —Ni te jtat, ni te jme', ma ba calojbey swentail. ¿Ja'uc to bal ya calbat swentail te ja'ate? —la yut.

Jueces 14:17

Ja'uc me to, oc' ta sts'eel jujun c'aal, c'axem to xan la swulilay. Jich yu'un, ta sjuquebal c'aal la yalbey swentail. Te ants ba yac'bey sna' stojol te slumale.