Jueces 16:15 - Bible in Tzeltal de Oxchuc y Tenejapa

¹⁵ Jich la yal te ants: —Jpas-lotat. Tojol ya xjelawat ta c'op te buen c'uxon ta awo'tan ta ac'ope. Ja' yoxebalix buelta a te ya awilbon co'tane, ma to bay ya awalbon caiy te bay ya xtal spisil te awipe —xi'.

Bible in Tzeltal Bachajón

¹⁵ Hich la yal te antse: ¿Bin ut'il yac awal te c'uxon ta awo'tan te bin ut'il ma ba jun awo'tan ta jtojol? Oxebix buelta te la alo'loyon, ma ba la awalbon banti ay te bayel awip, xchi.

Jueces 16:15 Referans Kwoze

Jueces 14:16

Te ants ba sc'opon te Sansón, jich la yalbey ta oq'uel: —¡Te ja'ate ma ba c'ux ya awaiyon ta awo'tan! ¡Ja' nax ya awil-o'tantayon! Ay p'ijil c'op la awac'bey snopic te jlumale, pero te jo'one ma ba awalojbon caiy te bi swentailuque —xi'. Te Sansón la sjac': —Ni te jtat, ni te jme', ma ba calojbey swentail. ¿Ja'uc to bal ya calbat swentail te ja'ate? —la yut.

1 Juan 5:3

Ja' in to, ja' xc'uxul co'tantic ta stojol Dios teme cat'elinejtic spasel te bi la yal ta mandale. In te smandal yalojbotique, ma ba wocol ta pasel.

San Juan 15:10

Teme ya ach'uunic te mandaliletic cu'une, jich me ya x'ainex tey a ta bay te xc'uxul co'tane. Jich bit'il jo'on te jch'uunejbey te mandaliletic yu'un te Jtate, jich jc'axel ainemon tey a ta bay te xc'uxul yo'tane.

San Juan 14:15

“Soc teme c'uxon ta awo'tanique, ya me ach'uunbonic spisil te jmandale.

Proverbios 23:26

Jnich'an, ac'a asit ta jtojol, ja' me xanopbon te bila ya jpas ya awile.

Proverbios 2:16

Ya me scoltayat ta sc'ab te yan antse, te jchajp sc'op ya xlo'laywane,

2 Samuel 16:17

Jojc'obot yu'un te Absalón: —¿Jich bal, te jun awo'tan ta stojol te mach'a c'ux ya awaiy aba soque? ¿Bi yu'un ma ba baat soc? —xi'.

Deuteronomio 6:5

“Te Cajwaltic te Dios cu'untique, c'ux me x'awaiy ta awo'tan, ta spisil awo'tan, ta spisil acuxlejal, soc ta spisil awip.

Génesis 29:20

Jich yu'un te Jacob juqueb ja'wil la yac' sba ta abatinel yu'un te Labán swenta yu'un ja' ya yic' a te Raquel. Ma chicanuc c'ax la yaiy te juqueb ja'wile, ta scaj te bayal la smulane.

Jueces 16:14

Ta patil tulan la sts'apbey coel ta lum te estaca. Jajch' ta aw: —¡Sansón, ya slumtayat te filisteoetique! —xi'. Ja'uc me to, te Sansón jajch', la sbots' loq'uel tel te estaca soc te sjaljibal paq'ue.

Jueces 16:16

Bayalix te sujel yu'un Dalila, spisil ora ja' nax ya sjojc'obey. Te Sansón c'ojbajix la yaiy ta jyalel, ya sc'an xlajix ya yaiy ta yo'tan.

Nehemías 6:4

Chaneb buelta la sticunbonic ta alel te c'opetique. Jun nax sc'oplal te bitic ya yalbonique, pero ja' nix jich jun nax te bila la jsutbeyic bael ae.