Jueces 16:13 - Bible in Tzeltal de Oxchuc y Tenejapa

¹³ Te Dalila la yalbey te Sansón: —Ja' nix jich yac alo'laybelon. Yac apasbelon ta lot. Albon caiy te bit'il pasel ya sc'an te ya jchucate —xi'. Te Sansón la sjac': —Te bi ya sc'an ya apase, ja' te juqueb ta jtom te stsotsil jol ya ajal soc te pac' te ay ta sjaljibale, soc tulan ya ats'apbon coel ta lum soc estaca. Jich ya xch'ay quip, jich ya xc'oon te bit'il yantic winiquetique —xi'. Jich yu'un te Dalila la yac' wayuc te Sansón. La stsacbey te stsotsil sjol, la sjalbey juqueb ta jtom soc te pac' ay ta sjaljibale.

Bible in Tzeltal Bachajón

¹³ Te Dalila la yalbe te Sansón: C'alal ora alo'loyejon, apasojon ta lot. Awocoluc, halbon ca'iy bin ut'il ya xhu' yac awich' chuquel, xchi. Teme yac ajalbon te huctohm stsotsel jol ta pac' te ay ta sjalojibal, soc tulan yac achucbon ta sts'apbil-te', hich ya xlaj q'uip soc hich ya xc'ohon te bin ut'il yantic winiquetic, xchi.

Jueces 16:13 Referans Kwoze

Jueces 16:12

Jich yu'un te Dalila la stsac cha'oxlijc' yach'il lazoetic. La xchuc a, jajch' ta aw: —¡Sansón, ya slumtayat te filisteoetique! —xi'. Ja' nix jich snac'oj sbaic cha'oxtul winiquetic ta jtsal sna. Ja'uc me to, te Sansón la stuch' te lazoetic, jich nax ta yo'tan te bit'il jp'ij sit ilera.

Jueces 16:14

Ta patil tulan la sts'apbey coel ta lum te estaca. Jajch' ta aw: —¡Sansón, ya slumtayat te filisteoetique! —xi'. Ja'uc me to, te Sansón jajch', la sbots' loq'uel tel te estaca soc te sjaljibal paq'ue.

Jueces 14:17

Ja'uc me to, oc' ta sts'eel jujun c'aal, c'axem to xan la swulilay. Jich yu'un, ta sjuquebal c'aal la yalbey swentail. Te ants ba yac'bey sna' stojol te slumale.

Jueces 16:10

Te Dalila la yalbey: —La alo'layon. Yac me apasbelon ta lot. Ta ora yo'tic to, wocoluc albon caiy te bit'il ya sc'an ya yich' pasel te ya jchucate —xi'.