Jueces 16:11 - Bible in Tzeltal de Oxchuc y Tenejapa

¹¹ Te Sansón la sjac': —Teme ya achucon ta yach'il lazoetic te mero ma'yuc bay tuuneme, ya xch'ay te quipe, jich ya xc'oon te bit'il yantic winiquetique —xi'.

Bible in Tzeltal Bachajón

¹¹ Teme ya schuconic ta tulan ta yach'il lazohetic te mayuc tuhumbil, hich ya xlaj quip soc hich ya xc'ohon te bin ut'il yantic winiquetic, xchi te Samsón.

Jueces 16:11 Referans Kwoze

Efesios 4:25

Jich yu'un ma me xapasiquix lot. Juju-jtulex c'opona abaic ta puro smelelil soc te apat-axujq'ue, yu'un jun nax ayotic ta jpisiltic.

Proverbios 29:25

Te xiwel ta stojol ants-winiquetic, spejts'ul c'oem; yan te mach'a ja' smuc'ulinej yo'tan te Cajwaltique, canantaybil stuquel.

Proverbios 13:5

Te mach'a toj yo'tan, ya yilay te lote; yan te mach'a amen yo'tane, q'uexlaltic sba yat'el soc ya xbolob sc'oplal.

Proverbios 13:3

Te mach'a ya stsajtay te sc'ope, stuquel nix ya scanantay sba a; yan te mach'a bayal ya xc'opoje, stuquel nix ya sjin sba.

Jueces 15:13

La yalbeyic ta smelelil: —Ma ba ya awich' milel, ja' nax ya awich' chuquel bael. Ya awich' aq'uel ta sc'ab te filisteoetique —xiic. Jich la xchuquic bael ta cha'lijc' yach'il lazo. La sloq'uesic bael tey a ta bay snac'oj sbae.

Jueces 16:10

Te Dalila la yalbey: —La alo'layon. Yac me apasbelon ta lot. Ta ora yo'tic to, wocoluc albon caiy te bit'il ya sc'an ya yich' pasel te ya jchucate —xi'.

Jueces 16:12

Jich yu'un te Dalila la stsac cha'oxlijc' yach'il lazoetic. La xchuc a, jajch' ta aw: —¡Sansón, ya slumtayat te filisteoetique! —xi'. Ja' nix jich snac'oj sbaic cha'oxtul winiquetic ta jtsal sna. Ja'uc me to, te Sansón la stuch' te lazoetic, jich nax ta yo'tan te bit'il jp'ij sit ilera.