Jueces 15:7 - Bible in Tzeltal de Oxchuc y Tenejapa

⁷ Jich la yal yu'un te Sansón: —Ja' yu'un la quilix te bit'il ay te awat'elique, ya me cal ta jamal te ma ba jcom jba ja' to teme la quich'bey spacol ta atojolique —xi'.

Bible in Tzeltal Bachajón

⁷ Hich la yal yu'un te Sansón: Te bin ut'il hich la apasic, ya cal ta jamal te ma ba ya jquehchan ha to teme la sutbeyex spacol, xchi.

Jueces 15:7 Referans Kwoze

Romanos 12:19

Quermanotac te c'uxex ta co'tane, ma me xawac'beyic spacol te mach'a staoj smul ta atojole. Ijq'uitaybeya ta swenta yilimba te Diose, te melel jich ts'ibubil jilel ta Sjun te Diose: “Jtuquel ay ta jwenta yaq'uel spacol. Jo'on ya cac'bey stoj”, te xi' te Cajwaltique.

Jueces 14:19

Ta ora tulan tal ta wentainel ta espíritu yu'un Cajwaltic te Sansón. Jich bajt' ta Ascalón, la smil lajuneb xcha'winic (30) ta jtul winiquetic tey a. La sloq'uesbey bael sc'u'ic, ja' ba stoj a te trato spasoj soc te mach'atic la sna'ic sujt'esel swentail te c'ope. Ta patil, c'ajc'uben yo'tan sujt' bael ta sna te state.

Jueces 14:4

Te sme'-stat ma sna'ic stojol teme chajbanbil yu'un Cajwaltic te jich ya xc'ot ta pasele, melel yac ta sleel te Cajwaltic bit'il ya x'ac'bot guerra yu'un te filisteoetic, melel ja' yorail a te swentainejic te Israele.

Jueces 15:6

Te filisteoetic la sjojc'oyic ta lec te mach'a la spase. C'alal la yaiyic stojol te ja' Sansón, te ja' spacol ta stojol te snialmamal, te Timnat-winic, te la spojbey yinam, te ja' la yac'bey te sjoye, bajt'ic ta chiq'uel te ants soc te state.

Jueces 15:8

Mero c'ajc'uben yo'tan, tulan la yac'bey guerra, tsobol la smil. Ta patil ba ainuc ta nailch'en te ay ta muc'ul ton Etam.