Jueces 15:5 - Bible in Tzeltal de Oxchuc y Tenejapa

⁵ La stsumbey sc'aal te taje, la scoltay bael te waxetic ta bay te q'uinale ta bay strigoic te filisteoetique. Jich c'ajc' te trigoetic te busajtiquix ta set'ele soc te ma to set'biluque. C'ajq'uic uuc te ts'usubiletic soc te olivoetique.

Bible in Tzeltal Bachajón

⁵ La stsunticlambe sc'ahc'al, la scoltay bahel te waxetic ta banti te yawil-ts'unubilic te filisteohetique. Hich c'ahc' te trigo te busajtic ta bojel soc te tec'ajtic to, soc nix te ts'usubiletic soc olivohetic.

Jueces 15:5 Referans Kwoze

2 Samuel 14:30

Ja' yu'un te Absalón la spas ta mandal te abatetic yu'une: —Ila awilic, te sq'uinal Joab slac'oj sba soc te cu'une, sts'unojbey cebada. Baanic, tsumbeyaic sc'aal —la yut. Te abatetic yu'un Absalón, bajt'ic, la stsumbeyic sc'aal te sq'uinal Joab.

Éxodo 22:6

“Teme ay mach'a ya spas c'ajc', teme la stsac bael c'ajc' te ch'ixtiquile, soc teme la xchic' te trigo te busule, o nopolix ya x'ochix ta set'el a, o spisil laj ta c'ajq'uel te bila ts'unbile, te mach'a la yac' te c'ajq'ue, ya me stoj te bitic laj ta c'ajq'uele.

Éxodo 23:11

Yan ta sjuquebal ja'wil ac'beya xcux yo'tan te aq'uinale. Teme ay to ya xchicnaj xan loq'uele, ya me xju' ya swe'elinic te me'baetic te ay ta alumale, soc te ja'mal chambalametic ya me swe'elinic te bay ya spas sobrail yu'unic te me'baetique. Jich nix me xapas ta swenta te ts'usubiltic awu'une, soc te olivoetique.

Jueces 15:4

Jich ba stsac jo'lajunwinic (300) ta jcojt' waxetic. Cha'cha'cojt' la syombey ta chuquel te sneique, soc tey la xchucbey a te silbil tajetic, ja' te bay syomojbey ta chuquel te sneique.

Jueces 15:6

Te filisteoetic la sjojc'oyic ta lec te mach'a la spase. C'alal la yaiyic stojol te ja' Sansón, te ja' spacol ta stojol te snialmamal, te Timnat-winic, te la spojbey yinam, te ja' la yac'bey te sjoye, bajt'ic ta chiq'uel te ants soc te state.