Jueces 15:19 - Bible in Tzeltal de Oxchuc y Tenejapa

¹⁹ Jich yu'un Dios la sjambey ta bay lomol te lum te ay ta Lehi. Te Sansón la yuch' te ja' loc' tel tey a, jich la yich' xan yip. Te sloq'uibja' tey ay c'alal ora yo'tic ta Lehi, En-hacore sbiil c'ot.

Bible in Tzeltal Bachajón

¹⁹ Ha yu'un Dios la sjambe ta banti lomol lum tey ta Lehi, hich loc' ha' tey a; la yuch' te ha'e, hich la yich' xan yip soc la sta xan yutsil yo'tan a. Ha scuentahil te la ya'be sbihilin En-hacore te lugar te ay ta Lehi c'alal ora.

Jueces 15:19 Referans Kwoze

Isaías 44:3

Melel ya me cac' oquinuc ja' ta jochol taquin q'uinal, bebe-ja'etic ya xc'ot ta bay te taquin q'uinale. Jo'on ya cac'bey yach'il xcuxlejal te ats'umbale, te bendición cu'une ya jticunbey ta stojol.

Génesis 45:27

La xcholbeyic yaiy spisil te bila albotic yu'un te José. Ja' to te la yil te carretaetic ticunbot tel yu'un te José swenta yu'un ja' ya xcajaj bael a, jich la xch'uun te Jacob.

Salmos 34:6

Awun te mach'a obol sbae, te Cajwaltic la yaiy stojol; jich la yac' ta libre yu'un spisil te swocole.

Isaías 40:29

Ja' ya yac'bey yip te mach'a ya xlube, te mach'a peq'uel yipe ya stoyesbey yip.

Isaías 40:26

Toyaic moel asitic ta ch'ulchan soc ilawilic: ¿Mach'a la xchicnantes spisil? Ja' te mach'a ya spuc ta jujune, soc te ya yic' tel ta sbiile. Mero c'ax muc' te yu'el soc te yipe, ma'yuc junuc ya xch'ay.

Salmos 120:1

Te c'alal ay jwocol, ya cawtay te Cajwaltique, te Cajwaltic ya sjac'bon te jc'ope.

1 Samuel 30:12

la yac'beyic jxejt' pejch'el taquintesbil higo soc cha'pejch' taquintesbil ts'usub. Te c'alal laj yo'tan ta we'el te egipcio-winic, jajch' ta lecubel q'uinal la yaiy, melel yoxebalix c'aal soc yoxebalix ajc'ubal a te ma'yuc bi swe'oj yuch'oje.

Éxodo 17:15

Te Moisés la spasbey scajtijib smajt'an Dios. Jich la yac'bey sbiilin: “Ja' bandera cu'un te Cajwale”, xi'.

Génesis 30:30

Ma'yuc tsobol chambalam awu'un a te c'alal talone. Ta ora to, esmajix, te Cajwaltic la yac'batix bendición ta jwenta. Yo'tic ya me jc'an jleix te bila ya xtuun cu'un soc te mach'atic jayeb ay cu'une —xi'.

Génesis 28:19

Betel sbiil c'ot yu'un te yawil te tone. “Sna Dios” xi' c'oem te c'asesbile; ja'uc me to, Luz sbiil ta neelal te lume.

Génesis 16:13

Jich yu'un te Agar la yac'bey sbiil te Cajwaltic te c'oponot yu'une: “Diosat te spisil ya awile”, xi' c'ot yu'un. Yu'un la yal: “¿Melel bal te cuxulon to te bit'il la yilon te Diose?” xi'.

Números 20:11

Yac ta yalel a te Moisés la stoy moel te sc'ab, la smaj cheb buelta te muc'ul tone, jich loc' tel bayal ja'. Ja' yu'un te lum soc te xchamsbalam jajch'ic ta yuch'el te ja'e.

Jueces 15:9

Te filisteoetic tal spas scampamentoic ta sq'uinal Judá, ja' to c'alal ta Lehi.

Salmos 50:15

C'oponawon te c'alal ayat ta wocole; jo'on me ya jcoltayat, ja'at me ya awich'on ta muc'”, xi' te Cajwaltique.

Salmos 110:7

Ta be ya yuch'bey ya'lel beja', te ja'e ya x'ac'bot xan yip yu'un.