Jueces 15:18 - Bible in Tzeltal de Oxchuc y Tenejapa

¹⁸ Te bit'il mero bayal taquinaj yo'tan ta jyalel te Sansón, jich jajch' ta sc'oponel te Cajwaltique. Jich la yalbey: —¿Bit'il ay a te mero muc' la awac'bon caiy tsalawe, yo'tic ya xlajonix ta taquinti'il soc ta sc'ab te mach'atic ma'yuquic ta atojole? —xi'.

Bible in Tzeltal Bachajón

¹⁸ Te bin ut'il mero bayel taquij yo'tan te Sansón, hich la yawtay te Jehová: Ha'at la awaq'uix te muc'ul coltayel ini ta scuenta te a'bat awu'un, ¿bin ut'il ay a te yac awac' te ya xchamon ta taquinti'il soc te ya x'ochon ta sc'ab mach'atic ma ba yich'ojic circuncisión? xchi.

Jueces 15:18 Referans Kwoze

Hebreos 11:32

Ta ora to ma xju' te ya calbeyex xan bayale, melel ma niwan xlaj cu'un ta cholel spisil te bit'il ay sc'oplal te Gedeone, te Baraque, te Sansone, te Jeftee, te Davide, te Samuele, soc te j'alwanejetic yu'un te Diose.

San Juan 19:28

Te Jesús sna'oj stojol te spisil ju'ix yu'une. Soc jich la yal swenta yu'un ya xc'ot ta pasel te bila ts'ibubil ta Sjun te Diose: —Taquin co'tan —xi'.

2 Samuel 1:20

Ma me xachicnantesic ta lum Gat, soc ma me xawalic ta calleetic Ascalón, swenta yu'un jich ma sta yutsil q'uinal yaiyic te filistea-antsetic, swenta yu'un ma xwilic yu'un yutsil yo'tanic te mach'atic ma ba xch'uunejic te cuxul Diose.

1 Samuel 27:1

Pero te David la yal ta yo'tan: “Puersa ya sta yorail te ya smilon te Saule. Ja' yu'un te bila lec ya jpase, ya xboon ta anel ta sq'uinal filisteoetic, swenta yu'un jich me jun co'tan ya x'ainonix a, soc jich ma ba ya x'och sleonix ta sq'uinal Israel te Saule. Jich me ya xcolon loq'uel ta sc'ab a”, xi' te David.

1 Samuel 17:36

Manchuc me león-choj, manchuc me oso, pero ya jmiltic te jo'on te abaton awu'une. Te filisteo te ma ba xch'uunej te cuxul Diose, ja' ni me jich ya xc'ot ta swenta; melel ya stijulabey slab yo'tan te soldadoetic yu'un te cuxul Diose.

1 Samuel 17:26

Jich te David la sjojc'obey te mach'atic ayic ta sts'eele: —¿Bila ya yac'beyic te winic ya smil te filisteo, te jich ya xlaj sc'oplal ta labanel te soldado-israeletique? ¿Mach'a ya scuy sba a te filisteo te ma ba xch'uunej te cuxul Diose te jich tal stijulabey jajch'el slab yo'tanic te soldadoetic yu'un te cuxul Diose? —xi'.

Jueces 16:28

Te Sansón la sc'opon te Cajwaltic, jich la yal: —Ya calbat wocol, Cajwal, na'awon junuc xan buelta. Ac'bon xan quip te ya stojbonic filisteoetic ta xchebal te jsite, jun nax buelta ta spisilic —xi' ta sc'oponel te Diose.

Jueces 8:4

Te Gedeón c'ot ta muc'ja' Jordán soc te jo'lajunwinic (300) ta jtul swinictaque. C'axic bael, manchuc me ayix bayal lubel la yaiyic ta snutsel bael te scontroique.

Génesis 32:31

C'axemix tel ta Peniel a te loc' tel te c'aale, xcoxcon yac ta beel bael.

Génesis 20:11

La sjac' te Abraham: —La cal ta co'tan te ma'yuquex ta xi'el te Diose. “Ya me smilonic ta scaj quinam”, xoon ta snopel.

Jueces 15:17

La xch'oj bael te baque, jich yu'un Ramat-lehi sbiil c'ot yu'unic ta bay c'ot ta pasele.

Jueces 14:3

Ja'uc me to, te sme'-stat la yalbey: —¿Bi yu'un te ya xba ale awinam ta bay filisteoetic te ma'yuquic ta stojol te Diose? ¿Yu'un bal ma'yuc ach'ixetic yu'un quermanotactic soc ta spisil te israeletique? —xi'. Te Sansón la sjac': —Yu'un ya jmulan te ach'ix, soc ja' ya sc'an co'tan te ya quinamin —xi'.