Jueces 15:14 - Bible in Tzeltal de Oxchuc y Tenejapa

¹⁴ C'alal a c'otic ta Lehi, te filisteoetic loq'uic bael ta stael, bin nax yo'tanic ta yawtayel. Pero te Sansón tulan tal ta wentainel ta espíritu yu'un te Cajwaltique. Tuch' te lazoetic te chucajtic sc'ab a, jich nax c'ot yu'un te bit'il jlijc' sbuc'lel c'ajq'uem lino.

Bible in Tzeltal Bachajón

¹⁴ C'alal c'ohtic ta Lehi, te filisteohetic yacalic ta aw a loq'uic tal stahic. Pero te espíritu yu'un Jehová hul soc yu'el ta stojol Sansón. Te lazohetic te chucajtic sc'ab a, hich c'oht te bin ut'il lino te c'ahq'uem, hich ch'ay cohel te bin chucul a te sc'abe.

Jueces 15:14 Referans Kwoze

Jueces 14:19

Ta ora tulan tal ta wentainel ta espíritu yu'un Cajwaltic te Sansón. Jich bajt' ta Ascalón, la smil lajuneb xcha'winic (30) ta jtul winiquetic tey a. La sloq'uesbey bael sc'u'ic, ja' ba stoj a te trato spasoj soc te mach'atic la sna'ic sujt'esel swentail te c'ope. Ta patil, c'ajc'uben yo'tan sujt' bael ta sna te state.

Salmos 118:11

La sjoytayonic ta spisil ta bayuc, pero ta swenta Cajwaltic la yich'ic jinel cu'un.

1 Samuel 17:35

ya jten bael asta ya jpojbey ta ye. Teme ya sut sba ta jtojole, ya jtsac ta yalan'e, ya cac'bey buen majel asta ya xlaj cu'un.

1 Samuel 11:6

C'alal la yaiy te Saúl, ora noj ta yo'tan te yip yu'el te Diose, ilin yo'tan yu'un te c'ope.

Jueces 14:6

Te espíritu yu'un Cajwaltic wentainot ta jyalel yu'un te Sansón, ta sc'ab nax la smil, la sjecbey yoc sc'ab te león-choje, jich bit'il te mach'a ya sjecbey yoc sc'ab ch'in tentsun. Ja'uc me to, ma la yalbey sme'-stat te bi c'ot ta pasel yu'une.

Jueces 3:10

Te espíritu yu'un Cajwaltic jul ta wentainel yu'un te Otoniel, ja' juez c'ot yu'un te israeletique. Loc' bael ta guerra, te Cajwaltic la yac'bey yaiy tsalaw ta stojol Cusan-risataim.

Filipenses 4:3

Ja' nix jich te ja'ate, te jun awo'tan joinej jbatic ta at'ele, ya calbat wocol te yacuc acoltaybon in cheb quermanotactic antsetic to. Melel pajal woclajon soc ta yalel te lec yach'il c'ope, soc uuc te Clemente soc te yantic jo'tactic ta at'ele, te nacal sbiilic ta jun yu'un Dios swenta cuxinel.

Zacarías 4:6

Te ch'ul abat c'opoj xan: —Ja' in to ja' te sc'op ya yal Cajwaltic ta stojol Zorobabel: “Ma ta swentauc bayal soldadoetic soc ma ta swentauc awip. Jo'on ta swenta Espíritu cu'un jtuquel”, xi' te Cajwaltic te Spisil ya xju' yu'une.

Miqueas 7:8

Ja'at nación te jcontroate, ma me binuc nax awo'tan yu'un te jwocole. Manchuc me yalon, ya me xjajch'on; manchuc me la sjoytayon te ijc' q'uinal, te Cajwal ja' saquil q'uinal cu'un stuquel.

Salmos 18:34

Ja' ya sp'ijubteson ta yaq'uel guerra; ja' ya yac'bon quip yu'un snitel te t'im pasbil ta bronce.

Job 20:5

te yutsil q'uinal yaiy te j'amen-o'tane ma ba ya xjalaj bayal c'aal; te yutsil yo'tan ma ba najt'.

1 Samuel 4:5

Te c'alal c'ot yu'unic ta campamento te scajonil trato yu'un Cajwaltic, xch'inlajanic jajch'el ta aw swenta yutsil yo'tanic, asta la stij sba te lumq'uinal yu'un yawique.

Jueces 16:24

Te c'alal la yilic te ants-winiquetic, jich nix c'ajinic, la yalbeyic wocol te lotil dios yu'unique. Jich la yalic: “Te dios cu'untic la yac'botic ta jc'abtic te Sansón, ja' te jcontrotique te la sjinbotic jq'uinaltic, te la smilbotic bayal te jlumaltique”, xiic ta c'ayoj.

Jueces 16:12

Jich yu'un te Dalila la stsac cha'oxlijc' yach'il lazoetic. La xchuc a, jajch' ta aw: —¡Sansón, ya slumtayat te filisteoetique! —xi'. Ja' nix jich snac'oj sbaic cha'oxtul winiquetic ta jtsal sna. Ja'uc me to, te Sansón la stuch' te lazoetic, jich nax ta yo'tan te bit'il jp'ij sit ilera.

Jueces 16:9

Te bit'il neel nac'aliquix ta jtsal sna te cha'oxtul winiquetique, te Dalila la yawtay: —¡Sansón, tal slumtayat te filisteoetique! —xi'. Te Sansón la stuch' te xch'ajnul t'im, jich nax ta yo'tan te bit'il c'ajq'uem ch'ajane. Te filisteoetic jich ma la sna'ic te bay talem te yipe.

Jueces 5:30

‘Puersa ja' yac ta spucbel sbaic te bitic la staic tel ta guerra. Ay jtul criada ta swenta juju-jtul soldado, o teme cheb criadaetic; ta swenta Sísara: bonbil paq'uetic, ay jlijc' pac', o teme cha'lijq'ue, ch'albil ta ts'isel soc tsobol sbonil, ja' yu'un snejq'uel te jtsalwaneje’, xi' te sme' Sísarae.

Éxodo 14:5

Te ajwalil ta Egipto tal ta albeyel te loq'uix bael te israeletique. Ora yanaj sit-yelaw yu'un soc uuc te sjo'tac ta ajwalile, jich la yalic: —¿Bistuc la cac'tic loq'uel te israeletique, te la yijq'uitaybotic jilel te cat'eltique? —xiic.

Éxodo 14:3

Te faraón ay bila yac ta snopel: “Te israeletic ma sna'ic banti ya xbajt'ic, ba xch'ay sbaic ta muc'ul jochol taquin q'uinal”, xi' me.

Jueces 15:13

La yalbeyic ta smelelil: —Ma ba ya awich' milel, ja' nax ya awich' chuquel bael. Ya awich' aq'uel ta sc'ab te filisteoetique —xiic. Jich la xchuquic bael ta cha'lijc' yach'il lazo. La sloq'uesic bael tey a ta bay snac'oj sbae.

Jueces 15:9

Te filisteoetic tal spas scampamentoic ta sq'uinal Judá, ja' to c'alal ta Lehi.

1 Samuel 10:6

Te espíritu yu'un te Cajwaltic ya me xnoj ta awo'tan. Jich me ya yac'at ta c'op te Diose, jich te bit'il yacal spasbel te j'alwanejetique. Jich me ya sjelbat awo'tan.

1 Samuel 10:10

Patil c'alal c'ot ta Gabaa te Saúl soc te abat yu'une, la sta sba soc te jchajp j'alwanejetic yacalic ta aq'uel ta c'op yu'un te Diose. Te espíritu yu'un Dios noj ta yo'tan te Saúl, jich och ta aq'uel ta c'op yu'un Dios, jich nix te bit'il yantique.