Jueces 14:6 - Bible in Tzeltal de Oxchuc y Tenejapa

⁶ Te espíritu yu'un Cajwaltic wentainot ta jyalel yu'un te Sansón, ta sc'ab nax la smil, la sjecbey yoc sc'ab te león-choje, jich bit'il te mach'a ya sjecbey yoc sc'ab ch'in tentsun. Ja'uc me to, ma la yalbey sme'-stat te bi c'ot ta pasel yu'une.

Bible in Tzeltal Bachajón

⁶ Ha yu'un te espíritu yu'un Jehová hul soc yu'el ta stojol te Sansón, hich ta sc'ab nax la sjecticlan te choj, hich te bin ut'il ya yich' jecticlanel tut tentsun. Pero ma ba la yalbe te sme'stat te bin la spase.

Jueces 14:6 Referans Kwoze

Jueces 3:10

Te espíritu yu'un Cajwaltic jul ta wentainel yu'un te Otoniel, ja' juez c'ot yu'un te israeletique. Loc' bael ta guerra, te Cajwaltic la yac'bey yaiy tsalaw ta stojol Cusan-risataim.

1 Samuel 11:6

C'alal la yaiy te Saúl, ora noj ta yo'tan te yip yu'el te Diose, ilin yo'tan yu'un te c'ope.

Jueces 13:25

La sta sc'aalelal te jajch' ta at'el ta stojol Sansón te espíritu yu'un te Cajwaltique. Tey c'ot ta pasel ta scampamento te sts'umbal Dan, te olil ay yu'un te lumetic Zora soc Estaol.

1 Juan 3:8

Yan te mach'a yat'elinej sleel te smule, ja' yu'un te pucuje. Melel te pucuje stalel yat'elinej sleel smul ta xjajch'ibal to tel. Melel ja' swentail te xtaluc ta balumilal te Snich'an Diose, yu'un tal slajinbey sc'oplal te bila yat'elinej spasel te pucuje.

San Mateo 11:29

Ich'bonic te yugo-te' cu'une. Nopbonic co'tan te melel manso co'tan soc peq'uel cac'oj jba. Jich me ya yich' lewa te awo'tanique.

Zacarías 4:6

Te ch'ul abat c'opoj xan: —Ja' in to ja' te sc'op ya yal Cajwaltic ta stojol Zorobabel: “Ma ta swentauc bayal soldadoetic soc ma ta swentauc awip. Jo'on ta swenta Espíritu cu'un jtuquel”, xi' te Cajwaltic te Spisil ya xju' yu'une.

Isaías 42:2

Ma ba x'awun, ma me xtoy sc'op; ma me xyac' ta aiyel stojol sc'op ta calleetic.

1 Samuel 17:46

Yo'tic ya me yac'at ta jc'ab te Cajwale. Yo'tic nix ya jmilat, ya jc'ocbat loq'uel ajol. Te sbaq'uetal soldado-filisteoetic ya me cac'bey sti' mutetic te ya xwilic ta toyol soc te chambalametic ta lumq'uinale. Jich me ya xna'ot ta swolol balumilal te ay Dios ta Israel.

Jueces 16:30

soc tulan awun: “¡Ac'a lajucon soc te filisteoetique!” xi'. Tulan la sten soc spisil yip te muc'ul oyetic yu'un te templo. Jin coel tel ta sba te ajwaliletic yu'un filisteoetic soc ta sba spisil te mach'atic tey ayic a. Te Sansón ja' c'axem to xan la smil a te pajal laj soque te jayeb la smil te c'alal cuxul ta q'uinal a.

Jueces 15:15

La stsac jun sbaquel yalan'e burro te ay tey a, te ma to bay bacubene, ja' la smil jmil (1,000) ta jtul filisteoetic a.

Jueces 15:8

Mero c'ajc'uben yo'tan, tulan la yac'bey guerra, tsobol la smil. Ta patil ba ainuc ta nailch'en te ay ta muc'ul ton Etam.

Jueces 11:29

Te espíritu yu'un te Cajwaltic tal ta stojol te Jefté. Jich been ta sq'uinal Galaad soc ta sq'uinal Manasés, c'ax ta lum Mizpa te ay ta sq'uinal Galaad, yu'un ya yochintay te sq'uinal amonetique.

Hebreos 11:33

Ta swenta xch'uunjel yo'tanic ju' yu'unic stsalel bayal ta jchajp lum, soc lec ju' yu'unic chajbanwanej, soc ju' yu'unic yich'el te bila yaloj Dios te ya x'ac'botic yu'une, soc ju' yu'unic smaquel yeic te león-chojetique,

Jueces 14:5

Ja' yu'un te Sansón soc sme'-stat bajt'ic ta lum Timnat. C'alal c'ot Sansón ta bay ts'usubiletic yu'un te lume, ay león-choj yac ta aw, wil tel ta stojol.

Jueces 14:7

Bajt', c'ot ta aiyej soc te ach'ixe, mero la smulan ta lec.

1 Samuel 10:6

Te espíritu yu'un te Cajwaltic ya me xnoj ta awo'tan. Jich me ya yac'at ta c'op te Diose, jich te bit'il yacal spasbel te j'alwanejetique. Jich me ya sjelbat awo'tan.

Salmos 91:13

Ya me xju' ya xbeenat c'axel ta bay león-chojetic, soc te chambalametic ay ta xi'el, soc te jti'awal chanetique.

Jueces 14:19

Ta ora tulan tal ta wentainel ta espíritu yu'un Cajwaltic te Sansón. Jich bajt' ta Ascalón, la smil lajuneb xcha'winic (30) ta jtul winiquetic tey a. La sloq'uesbey bael sc'u'ic, ja' ba stoj a te trato spasoj soc te mach'atic la sna'ic sujt'esel swentail te c'ope. Ta patil, c'ajc'uben yo'tan sujt' bael ta sna te state.

1 Samuel 10:16

—Jamal la yalbotic te la staiquix te burraetique —la yut te stajune. Pero ma ba la yalbey stuquel te albot yu'un Samuel te ya x'och ta ajwalile.

1 Samuel 14:1

Te Jonatán snich'an Saúl jich la yalbey te yabat te cuchbil yat'ejib ta guerra yu'une: —La', c'axucotic bael ta jejch' wits. Ya xba quiltic te jchajp soldado-filisteoetic tey ayic a —xi'. Pero ma ba la yalbey yaiy te stat te bi ya x'och spase.