Jueces 14:4 - Bible in Tzeltal de Oxchuc y Tenejapa

⁴ Te sme'-stat ma sna'ic stojol teme chajbanbil yu'un Cajwaltic te jich ya xc'ot ta pasele, melel yac ta sleel te Cajwaltic bit'il ya x'ac'bot guerra yu'un te filisteoetic, melel ja' yorail a te swentainejic te Israele.

Bible in Tzeltal Bachajón

⁴ Te sme'stat ma ba la sna'ic te ha chahpambil yu'un Jehová, yu'un yac ta slehel bin ut'il ya scontrahin te filisteohetic; como ha yorahil a te cuentahimbilic yu'un te filisteohetic te Israel.

Jueces 14:4 Referans Kwoze

Josué 11:20

Te Cajwaltic la yac'bey tulanajuc yo'tanic te scontroique, swenta yu'un ya me yac'bey guerra te israeletique. Jich la yich'ic lajinel ta jc'axel yu'un te israeletic, ma'yuc c'uxtayel, jich bit'il yaloj mandal Cajwaltic ta stojol Moisés.

Salmos 115:3

Te Dios cu'untic ay ta ch'ulchan; ja' la spas spisil stuquel te bitic la sc'an yo'tane.

Jueces 13:1

Ja'uc me to, te israeletic la spasic xan te bi ma lecuc ta sit Cajwaltic, ja' swentail te la yac' ta sc'ab filisteoetic cha'winic (40) ja'wil.

2 Crónicas 22:7

Te Diose jich nix xchapoj ta yo'tan a te ya xlaj te Ocozías, te c'alal ya xba yula'tay te Joram. C'ot nax a, loc' tel soc Joram ta stael Jehú, te snich'an Nimsi. Ja'uc me to, Dios tsabilix yu'un a te Jehú, swenta yu'un jc'axel ya slajin te mach'atic ay yu'un Acab.

2 Crónicas 10:15

Te muc' ajwalil ma la yich'bey ta muc' sc'op te lume. Melel la sc'an te Cajwaltic te jich ya xc'ot ta pasele, swenta yu'un jich ya me xc'ot sc'op te Cajwaltic te la yalbey te Jeroboam snich'an Nabat ta swenta sc'op te Ahías te talem ta Silo.

2 Reyes 6:33

C'alal jich yacal ta yalbel a te mamaletique, te muc' ajwalil c'ot ta stojol Eliseo. Jich la yal: —Te bit'il ja' nix Cajwaltic te la sticunbotic wocole, ¿bila yan ya jmaliy xan ta stojol jiche? —xi'.

1 Reyes 12:15

Jich ma ba la yich' ta wenta te yajwal lum te muc' ajwalil. Melel la sc'an te Cajwaltic te jich ya xc'ot ta pasele, swenta yu'un jich ya xc'ot sc'op te Cajwaltic te la yalbey te Jeroboam snich'an Nabat ta swenta sc'op te Ahías te talem ta Silo.

2 Crónicas 25:20

Ja'uc me to, te Amasías ma la yich' ta muc', melel te Diose yu'un nix jich chapalix yu'un a te ya yac'bey ta sc'ab Joás, ja' yu'un te ja' bajt' ta yo'tan yalel wocol ta stojol te diosetic yu'un Edom.

Jueces 15:11

C'alal la yaiyic stojol te judioetic, bajt'ic ta nailch'en ta Etam oxmil (3,000) ta jtul winiquetic te sts'umbal Judá. Jich la yalbeyic te Sansón: —¿Yu'un bal ma x'ana' te ja' c'axem to xan tulanic cu'untic te filisteoetique? ¿Bistuc tal ajach c'op ta jtojoltic? —xiic. Te Sansón la sjac': —Ma'yuc yan bi yacon ta spasel ta stojolic, ja' nax ya cac'bey stojic te bi la spasbonique —xi'.

Deuteronomio 28:48

Puersa me ya awac' aba ta abatinel yu'un te acontrotac ya sticunbat tel ta atojol te Cajwaltique. Ya me xc'ax awocol yu'un wi'nal, yu'un taquinti'il, soc ma ba ya ata ac'u'-apac', ma me ayuc bila ya xwejt' awu'un. Te Cajwaltic ya me yac'bat mero tulan awocol ta mozoinel, asta ya xlajat ta jc'axel.

Jueces 14:5

Ja' yu'un te Sansón soc sme'-stat bajt'ic ta lum Timnat. C'alal c'ot Sansón ta bay ts'usubiletic yu'un te lume, ay león-choj yac ta aw, wil tel ta stojol.

Daniel 6:4

Te mach'atic la yich' yat'elic ta yilel yat'el yantic, soc te gobernadoretic, la sleic bi ya yut ya slebeyic smul ta swenta yat'el te muc' ajwalile, pero melel buen toj yo'tan ya x'at'ej te Daniel, ma ba wejt' yu'unic banti ya stabeyic smul. Jich ma'yuc bila ju' yu'unic yaq'uel ta swenta.

Jueces 15:3

Te Sansón la sjac': —Ta ora yo'tic ma me jmuluc ya xc'ot te bila ma lecuc ya jpasbey te filisteoetique —xi'.

1 Reyes 12:24

te jo'on ya calbey tulan mandal te ma xju' ya yac'bey sba guerra soc te yermanotac israeletique. Ac'a sujt'uc bael spisilic ta snaic, melel jich chapalix cu'un —xi' te Diose. C'alal la yaiyic te bila albotic yu'un Cajwaltic, la xch'uunic, jich sujt'ic bael jich te bit'il la yal mandal te Cajwaltique.