Jueces 14:19 - Bible in Tzeltal de Oxchuc y Tenejapa

¹⁹ Ta ora tulan tal ta wentainel ta espíritu yu'un Cajwaltic te Sansón. Jich bajt' ta Ascalón, la smil lajuneb xcha'winic (30) ta jtul winiquetic tey a. La sloq'uesbey bael sc'u'ic, ja' ba stoj a te trato spasoj soc te mach'atic la sna'ic sujt'esel swentail te c'ope. Ta patil, c'ajc'uben yo'tan sujt' bael ta sna te state.

Bible in Tzeltal Bachajón

¹⁹ Te espíritu yu'un Jehová hul soc yu'el ta stojol Sansón, hich co bahel ta Ascalón, la smil lajuneb scha'winic (30) ta tuhl winiquetic tey a. La yich'be bahel sc'u'ic, ha baht stoj a te mach'atic la sna'beyic scuentahil te chucul c'ope; ilinem a suht bahel ta sna te state.

Jueces 14:19 Referans Kwoze

1 Samuel 11:6

C'alal la yaiy te Saúl, ora noj ta yo'tan te yip yu'el te Diose, ilin yo'tan yu'un te c'ope.

Jueces 3:10

Te espíritu yu'un Cajwaltic jul ta wentainel yu'un te Otoniel, ja' juez c'ot yu'un te israeletique. Loc' bael ta guerra, te Cajwaltic la yac'bey yaiy tsalaw ta stojol Cusan-risataim.

Jueces 13:25

La sta sc'aalelal te jajch' ta at'el ta stojol Sansón te espíritu yu'un te Cajwaltique. Tey c'ot ta pasel ta scampamento te sts'umbal Dan, te olil ay yu'un te lumetic Zora soc Estaol.

Jueces 15:14

C'alal a c'otic ta Lehi, te filisteoetic loq'uic bael ta stael, bin nax yo'tanic ta yawtayel. Pero te Sansón tulan tal ta wentainel ta espíritu yu'un te Cajwaltique. Tuch' te lazoetic te chucajtic sc'ab a, jich nax c'ot yu'un te bit'il jlijc' sbuc'lel c'ajq'uem lino.

Jueces 14:6

Te espíritu yu'un Cajwaltic wentainot ta jyalel yu'un te Sansón, ta sc'ab nax la smil, la sjecbey yoc sc'ab te león-choje, jich bit'il te mach'a ya sjecbey yoc sc'ab ch'in tentsun. Ja'uc me to, ma la yalbey sme'-stat te bi c'ot ta pasel yu'une.

Jueces 14:18

Ta sjuquebal c'aal te nopol ya xch'ayix bael ae, te filisteoetic ba yalbeyic te Sansón: —Ma'yuc yan bi bujts'an xchi'il te bit'il chab, ma'yuc bi yan tulan a te bit'il león-choj —xiic. Te Sansón la sjac': —Ja' nax yu'un la ajoc' lum soc te ch'in wacax cu'une, jich ju' awu'unic yaq'uel sujt'ib te c'ope —xi'.

Jueces 1:18

Ja'uc me to, ma ju' yu'unic te la yich'ic te lum Gaza, te lum Ascalón, soc te lum Ecrón, ni te sq'uinalic te nopol ayic soque.

1 Samuel 6:4

—¿Bi ya jticunbeytic swenta yu'un ya xlecub yo'tan? —xiic ta sjojc'oyel te filisteoetique. Jich la yal te sacerdoteetic yu'unique: —Pasaic jo'eb sloc'ombail sijt'ubel pasbil ta oro, jujun yu'un ya xc'ot te juju-jtul ajwalil cu'untic; soc jo'eb sloc'ombail ch'o te pasbil nix ta oro, melel jun nax te chamel yacotic ta yaiyel soc te ajwaliletic cu'untique.

1 Samuel 6:17

Te jo'eb sijt'ubel pasbil ta oro te la yac' te filisteoetic swenta slectesjibal yo'tan te Cajwaltic, jujun c'oem ta swenta te lum Asdod, Gaza, Ascalón, Gad soc Ecrón.